मोठा दिलासा! राज्यात रुग्णसंख्या निम्म्यावर; ओमिक्रॉनबाबात मिळाली 'ही' मोठी अपडेट
म. टा. प्रतिनिधी, पुणेः राज्यातील करोनाच्या संसर्गाची तीव्रता कमी झाल्याने सक्रिय रुग्णसंख्येत घट झाली आहे. त्याशिवाय राज्यातील रुग्णसंख्येत गेल्या आठवड्याच्या तुलनेत ५१ टक्क्यांनी घट झाली आहे. राज्यात बुधवारी करोनाच्या संसर्गाने एकाही रुग्णाचा मृत्यू झाला नसल्याची बाब समोर आली. त्या पाठोपाठ उतरणीला लागलेल्या संसर्गाची तीव्रताही कमी झाल्याने सक्रिय रुग्णसंख्याही घटली असून, ही संख्या साडेपाच हजारांपर्यंत कमी झाल्याची नोंद आरोग्य विभागाने केली आहे. डिसेंबर महिन्यापासून राज्यात ओमायक्रॉनच्या नव्या विषाणूच्या संसर्गामुळे भीती निर्माण झाली होती. राज्यात १६ ते २२ फेब्रुवारी दरम्यान १२ हजार ५७१ रुग्ण आढळले. त्या तुलनेत २३ फेब्रुवारी ते एक मार्चदरम्यान सहा हजार ६३ रुग्णांची नोंद करण्यात आली. त्या नोंदीवरून गेल्या आठवड्याच्या तुलनेत या आठवड्यात राज्यातील रुग्णांमध्ये ५१.७७ टक्क्यांनी घट झाली आहे. पुणे, मुंबई, नगर, ठाणे आणि नागपूर या पाच जिल्ह्यांमध्ये गेल्या आठवड्यात सात हजार ६२४ रुग्ण आढळले होते. त्यातुलनेत या आठवड्यात तीन हजार ९७७ रुग्णांपर्यंत संख्या घटली आहे. या पाच जिल्ह्यांमध्ये वाढलेली रुग्णसंख्या या आठवड्यात ४७.८४ टक्क्यांनी खाली आली आहे. त्यामुळे एकूणच राज्यात करोनाच्या संसर्गाचा जोर ओसरल्याचे सार्वजनिक आरोग्य खात्याने दिलेल्या विश्लेषणातून स्पष्ट झाले आहे. पाच जिल्ह्यांशिवाय अन्य जिल्ह्यांमध्ये निम्म्यापेक्षा म्हणजेच ५७.८३ टक्क्यांनी रुग्णसंख्या घटल्याचे अधोरेखित करण्यात आले आहे. राज्यातील नवीन रुग्ण आणि मृत्यूदर महिना दैनंदिन नवीन रुग्ण (सरासरी) मृत्यू जानेवारी ३३,५१० १५२४ फेब्रुवारी ५,१६४ ७३७ राज्यात रुग्णसंख्या वाढलेले पाच प्रमुख जिल्हे (२३ फेब्रुवारी ते एक मार्च) ३२.४३ टक्के पुणे १२.४९ टक्के मुंबई ९.९८ टक्के नगर ५.६९ टक्के ठाणे ५ टक्के नागरपूर ३४.४१ टक्के अन्य जिल्ह्यांमधील रुग्ण
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,
0 Comments: