first omicron patient: दिलासा देणारी बातमी! राज्यातील पहिल्या ओमिक्रॉन रुग्णाबाबत आली मोठी अपडेट

December 09, 2021 Marathi 0 Comments

कल्याण: राज्यात पहिला ओमिक्रॉनचा (Omicron) रुग्ण हा डोंबिवली शहरात आढळला होता. हा रुग्ण दक्षिण आफ्रिकेच्या केपटाऊन शहरातून २२ नोव्हेंबर रोजी डोंबिवलीत दाखल झाला होता. या रुग्णाबाबत दिलासा देणारी बातमी आली असून हा रुग्ण करोना मुक्त झाला आहे. त्याचा ओमियक्रॉन आणि करोनाचा अहवाल निगेटिव्ह आल्यांनंतर त्याला काल संध्याकाळी ६ वाजता रुग्णालयातून घरी सोडण्यात आले. विशेष म्हणजे कालच या रुग्णाचा वाढदिवस होता. (the report of the first patient in dombivali in the state tested negative) या बरा झालेल्या रुग्णाला घरी सोडण्यात आले असले तरी देखील त्याला पुढील ७ दिवस घरगुती विलगिकरणात राहण्याच्या सूचना देण्यात आल्या असल्याची माहिती महानगरपालिका आयुक्त डॉ. विजय सूर्यवंशी यांनी दिली आहे. या रुग्णाला २७ नोव्हेंबर रोजी कल्याण डोंबिवली महानगरपालिकेच्या रुग्णालयात दाखल करण्यात आले होते. त्यानंतर त्याला ओमिक्रॉनची लागण झाल्याचे ४ डिसेंबर रोजी स्पष्ट झाले होते. या रुग्णाची १४ दिवसांच्या कालावधीत दोन वेळा करोनाची चाचणी घेण्यात आली. क्लिक करा आणि वाचा- दरम्यान, उर्वरित नायजेरिया मधून आलेल्या चार करोना ग्रस्त रुग्णांच्या जिनोम सिक्वेन्सीनग अहवालाची अद्यापी प्रतीक्षा असल्याचे त्यांनी सांगितले. दरम्यान, ओमिक्रॉनच्या पार्श्वभूमीवर कल्याण डोंबिवली महानगरपालिका प्रशासनाने नियमावली तयार केली आहे. या नियमावलीनुसार परदेशातून आलेल्या प्रत्येक नागरिकाला १४ दिवस घरगुती विलगिकरणात राहावे लागणार आहे. विलगीकरणात ८ दिवस राहिल्यानंतर या नागरिकांना आरटीपीसीआर टेस्टही करावी लागेल. ही टेस्ट निगेटिव्ह आली तरी देखील पुढचे ७ दिवस त्यांना विलगीकरणात राहावे लागणार आहे. क्लिक करा आणि वाचा- याबरोबरच महापालिका घरातच विलगीकरणात राहणाऱ्या नागरिकांशी दिवसातून ५ वेळा संपर्क साधला जाणार आहे. तसेच आरोग्य कर्मचारी सरप्राईज व्हिजिटद्वारे अशा लोकांवर बारीक लक्ष ठेवणार आहेत. शिवाय सोसायट्यांनी विलगीकरणातील नागरिकांवर लक्ष ठेवण्याच्या सूचना महापालिकेने केल्या आहेत. या बरोबरच परदेशातून येणाऱ्या प्रत्येक नागरिकाने पालिकेच्या जवळच्या आरोग्य केंद्राशी संपर्क साधावी आणि आपली माहिती द्यावी, असे निर्देश महापालिकेने दिले आहेत. तसेच घरभेटीसाठी येणाऱ्या पालिकेच्या कर्मचाऱ्यांना नागरिकांनी सहकार्य करावे, असे आवाहनही प्रशासनाने केले आहे. क्लिक करा आणि वाचा-