महाराष्ट्राला, बॉलिवूडला बदनाम करायचे प्रकार सुरु; आर्यन खान प्रकरणी शिवसेनेचा भाजपवर गंभीर आरोप

October 11, 2021 Maharashtra , Marathi 0 Comments

मुंबई। सध्या बॉलीवूड व राजकीय वर्तुळात अनेक विषयांवरून राजकीय वातावरण तापत आहे. अशातच उत्तर प्रदेशाच्या लाखीमपूरमध्ये घडलेल्या घटनेचा निषेध करण्यासाठी आज महाविकास आघाडीने ११ ऑक्टोबरला महाराष्ट्र बंद पुकारला आहे.

भाजपचे नेते आणि केंद्रीय गृहराज्यमंत्री अजय मिश्रा यांच्या पुत्राने गाडीने शेतकऱ्यांना चिरडून मारल्याच्या घटनेविरोधात हा बंद पुकारण्यात आला आहे. दरम्यान “महाराष्ट्र बंद” याच संदर्भात पत्रकार परिषद घेण्यात आली. व या परिषदेत शिवसेना खासदार अरविंद सावंत यांनी भाजपवर गंभीर आरोप लावले आहेत.

महाराष्ट्राला, बॉलिवूडला बदनाम करायचे असे प्रकार सुरू आहेत. यातून महाराष्ट्राच्या अर्थकारणावर परिणाम होत असल्याचा आरोप शिवसेना प्रवक्ते, खासदार अरविंद सावंत यांनी केला आहे. दरम्यान सध्या बॉलीवूड अभिनेता शाहरुख खानच्या मुलाला आर्यन खानला ड्रग्ज प्रकरणात अटक केल्यानंतर संपूर्ण बॉलीवूड आर्यन खानच्या पाठीशी खंबीरपणे उभे असून अनेक राजकीय नेत्यांनी यामध्ये उडी घेतली आहे.

व हे सर्व भाजप बदनामीसाठी करत असल्याचे सावंत यांचे म्हणणे आहे. तसेच आज ‘महाराष्ट्र बंद’ पुकारला असल्याने शिवसेनेचा याला पाठींबा असल्याचे ते म्हणाले आहेत. महाविकास आघाडीतील पक्षांनी ११ ऑॅक्टोबरला महाराष्ट्र बंद पुकारला आहे. या पार्श्वभूमीवर आयोजित पत्रकार परिषदेत सावंत म्हणाले की, महाराष्ट्र बंदमध्ये शिवसेना सहभागी होणार आहे.

शिवसेनेच्या सर्व आघाड्या, भारतीय कामगार सेना या बंदमध्ये सहभागी होणार आहेत. या बंदला सर्वच पक्षांनी पाठिंबा दिला आहे. डावे पक्ष, सर्व संघटना, युनियन या बंदमध्ये असणार आहेत, असेही सावंत म्हणाले. केंद्र सरकार ज्या पद्धतीने राष्ट्रीय धोरण राबवीत आहे, गोरगरीब फसवणूक आणि शेतकऱ्यांची पिळवणूक करीत आहे त्याचा परमोच्च बिंदू लखीमपूर खेरी येथील घटनेने गाठला आहे.

शांततेत सुरू असलेल्या आंदोलनात केंद्रीय गृह राज्यमंत्र्याच्या मुलानेच गाडी घातली, हा लोकशाहीवरचा डाग आहे. शेतकऱ्यांना चिरडून टाकणारे कृषी कायदे, कामगारांना उद्ध्वस्त करणारे कामगार कायदे यासोबतच अत्यंत बेछूट पद्धतीने देशात खासगीकरण सुरू आहे. या सर्व घटनांच्या पार्श्वभूमीवर बंद पुकारण्यात येत असल्याचे सावंत म्हणाले.

Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,