ड्रग्ज पार्टीशी नायजेरियन नागरिकाचं कनेक्शन काय?; तपासाला मिळणार गती

October 09, 2021 Marathi 0 Comments

मुंबई: क्रूझवरील प्रकरणी अटक करण्यात आलेल्या नागरिकाची ११ ऑक्टोबरपर्यंत कोठडीत रवानगी करण्यात आली आहे. त्याला आज एस्प्लनेड कोर्टात हजर करण्यात आले होते. एनसीबीने अंधेरी येथून या विदेशी नागरिकाला अटक केली होती. ( ) वाचा: कॉर्डेलिया क्रूझवर २ ऑक्टोबर रोजी एनसीबी अधिकाऱ्यांच्या पथकाने छापा टाकला होता. या कारवाईत क्रूझवर चाललेली हायप्रोफाइल पार्टी एनसीबीने उधळली होती. यावेळी मोठ्या प्रमाणात ड्रग्ज जप्त करण्यात आल्याचा दावा करण्यात आला असून अभिनेता शाहरुख खान याचा मुलगा , त्याचा मित्र , मूनमून धामेचा या तिघांसह एकूण १७ जणांना आतापर्यंत अटक करण्यात आली आहे. नायजेरियन नागरिक चिनेडू इगवे याला बुधवारी अटक करण्यात आली असून ही या प्रकरणातील सतरावी अटक आहे. अन्य आरोपींच्या तपासातून मिळालेल्या माहितीच्या आधारे एनसीबी पथकाने अंधेरी पूर्व येथे छापा टाकत चिनेडू इगवे याला अटक केली. त्याच्याकडून इक्स्टसीच्या ४० गोळ्या (१५ ग्रॅम) जप्त करण्यात आल्या आहेत. इगवे याला आज महानगर दंडाधिकाऱ्यांच्या कोर्टात हजर करण्यात आले असता त्याची ११ ऑक्टोबरपर्यंत एनसीबी कोठडीत रवानगी करण्यात आली आहे. इगवे याच्या तपासातून ड्रग्ज पार्टीची विदेशातील लिंक स्पष्ट होण्याची शक्यता आहे. वाचा: दरम्यान, आर्यन खान, अरबाज मर्चंट आणि मूनमून धामेचा यांनी अतिरिक्त मुख्य महानगर न्यायदंडाधिकारी न्यायालयात अंतरिम जामिनासाठी अर्ज केले होते. या सर्वांचे अर्ज न्यायालयाने आज फेटाळले. या न्यायालयात हे अर्ज सुनावणीयोग्य नसल्याचे कारण देत हे अर्ज फेटाळण्यात आले. आता या तिघाही आरोपींना जामीन मिळवण्यासाठी विशेष एनडीपीएस कोर्टात अर्ज करावे लागणार आहेत. आर्यनसह या प्रकरणातील आठ आरोपींना न्यायालयाने गुरुवारी १४ दिवसांची न्यायालयीन कोठडी सुनावली आहे. कोविड चाचणी केल्यानंतर या सर्वांची आज एनसीबी कोठडीतून कारागृहात रवानगी करण्यात आली आहे. वाचा: