शरद पवार सोलापुरात; सुशीलकुमार शिंदे आणि काँग्रेसला दिला मोठा धक्का!

October 09, 2021 Marathi 0 Comments

सोलापूर: राष्ट्रवादी काँग्रेसचे अध्यक्ष यांच्या सोलापूर दौऱ्यात काँग्रेसला मोठा धक्का बसला आहे. काँग्रेसच्या माजी महापौर आणि माजी केंद्रीय गृहमंत्री यांचे कौटुंबिक संबंध असलेले व निकटवर्तीय म्हणून ओळखले जाणारे काँग्रेसचे माजी शहराध्यक्ष यांनी काँग्रेसला हात दाखवत राष्ट्रवादी काँग्रेसचे अध्यक्ष शरद पवार यांच्या उपस्थितीत हातावर घड्याळ बांधले आहे. त्यामुळे आगामी निवडणुकीला काही महिने अवधी असतानाच काँग्रेसला हादरा बसला आहे. नलिनी चंदेले आणि सुधीर खरटमल यांच्यासह जवळपास ३४ जणांनी राष्ट्रवादी काँग्रेस पक्षात प्रवेश केला आहे. यामध्ये बहुतांश काँग्रेस पक्षातील माजी नगरसेवक तसेच पदाधिकारी यांचा समावेश आहे. ( ) वाचा: सुधीर खरटमल अचानकपणे राष्ट्रवादी काँग्रेस पार्टीच्या व्यासपीठावर आल्यामुळे अनेकांना धक्का बसला आहे. सुधीर खरटमल हे सुशीलकुमार शिंदे यांचे अत्यंत विश्वासू म्हणून ओळखले जातात .सुरुवातीपासून ते सुशीलकुमार शिंदे यांचे कट्टर कार्यकर्ते म्हणून कामकाज पाहत होते. सोलापूरच्या अर्थकारणाची संपूर्ण जबाबदारी सुधीर खरटमल यांच्यावरच होती. लोकसभा निवडणुकीची जबाबदारी असणाऱ्यांपैकी सुधीर खरटमल हे एकमेव व्यक्तिमत्त्व होते. काँग्रेस शहराध्यक्ष म्हणूनही त्यांनी काम पाहिले आहे. मात्र, गेल्या काही महिन्यांपासून शिंदे आणि खरटमल यांच्यामध्ये दुरावा निर्माण झाला होता. त्यातच सुशीलकुमार शिंदे यांचे कौटुंबिक सदस्य म्हणून ओळखले जाणारे काँग्रेसचे तत्कालीन महापौर तसेच शिवसेनेचे जिल्हाप्रमुख आणि आता राष्ट्रवादी काँग्रेस पक्षासोबत असलेले महेश विष्णुपंत कोठे यांनीसुद्धा शिंदे परिवाराशी फारकत घेतली आहे. तर नलिनी चंदेले या काँग्रेस पक्षाच्या माजी महापौर आहेत. त्यांनी काँग्रेस पक्षाला सोडचिठ्ठी देऊन भारतीय जनता पक्षाचे सदस्यत्व स्वीकारले होते. परंतु, आता सोलापूरच्या राजकारणाची सूत्रे व सोलापूर महानगरपालिकेच्या निवडणुकीची सर्व यंत्रणा राष्ट्रवादी पक्षात येत असलेले माजी महापौर महेश कोठे यांच्या हातात देण्यात आल्यामुळे नलिनी चंदेले यांनी भाजपातून काँग्रेस आणि आता काँग्रेसला हात दाखवत कोठे यांच्यासोबत राष्ट्रवादीत जाण्याचा निर्णय घेतला आणि शरद पवारांच्या उपस्थितीत शुक्रवारी राष्ट्रवादी पक्षात प्रवेश केला आहे. वाचा: सोलापुरात काँग्रेसनंतर एमआयएम पक्षालासुद्धा खिंडार पडले आहे. त्यांचे जवळपास सहा नगरसेवक राष्ट्रवादी काँग्रेसच्या वाटेवर आहेत. एमआयएमचे माजी शहराध्यक्ष तौफिक शेख यांच्यासह त्यांचे सहकारी नगरसेवक आज शरद पवार यांच्या उपस्थितीत झालेल्या मेळाव्याला दिसून आले. त्यामुळे सोलापूर महापालिकेतील सत्ताधारी भाजपला आगामी निवडणुकीत धक्का देण्यासाठी महेश कोठे यांच्याकडून पहिल्या टप्प्यात काँग्रेस आणि एमआयएमच्या स्थानिक बड्या नेत्यांना राष्ट्रवादीत प्रवेश देण्यात येत असल्याचे स्पष्ट झाले आहे. ऐन निवडणुकीच्या तोंडावर शिवसेनेतील अनेक नगरसेवक महेश कोठे यांच्या नेतृत्वाखाली राष्ट्रवादी काँग्रेस पक्षात प्रवेश करण्यासाठी उत्सुक आहेत. त्यानंतर मात्र सोलापुरात काँग्रेस तसेच शिवसेनेला राजकीय दृष्ट्या मोठा धक्का बसणार असल्याचे बोलले जात आहे. वाचा: