'त्या' ठेकेदाराला धरून मारू का?; भाजपचा खासदार भडकला!

October 09, 2021 Marathi 0 Comments

अहमदनगर: अहमदनगर - शिर्डी यादरम्यान राष्ट्रीय महामार्गाचे काम रखडल्याने खासदार डॉ. चांगलेच संतापले आहेत. काम करीत नाही, कोणाचे ऐकत नाही, अशी तक्रार त्यांनी केंद्रीय रस्ते वाहतूक मंत्री यांच्याकडे जाहीरपणे केली होती. आज शेवगावमध्ये झालेल्या एका कार्यक्रमात पुन्हा हा विषय निघाला. त्यावर विखे पुन्हा संतप्त झाले. ‘खासदार म्हणून जे करायचे ते मी करीत आहे. यापुढे जाऊन त्या ठेकेदाराला धरून मारू का? असा उद्विग्न प्रश्नच त्यांनी उपस्थितांना केला. यासंबंधी आपण सोशल मीडियावर मोहीम चालविणार असून याचे काय करायचे, हे आता लोकांनीच सूचवावे,’ असे आवाहनही त्यांनी केले. ( ) वाचा: शेवगाव शहरातील एका रस्त्याच्या कामाचे भूमिपूजन डॉ. विखे यांच्या हस्ते करण्यात आले. यावेळी शेवगावच्या आमदार मोनिका राजळे याही उपस्थित होत्या. यावेळी जिल्ह्यातील खराब रस्त्यांचा विषय निघाला. त्यावर भाष्य करताना डॉ. विखे आक्रमक झाले. विखे म्हणाले, ‘ कोविड संसर्गामुळे केंद्र सरकारने बहुतांश निधी लसीकरण आणि अन्य उपाययोजनांच्या कामाकडे वळविला आहे. रस्त्यांच्या कामासाठी आता पैसाच नाही. त्यामुळे सध्या तरी टोल लावल्याशिवाय रस्त्यांची कामे होऊ शकणार नाहीत. टोलसाठी द्याव्या लागणाऱ्या पैशापेक्षा त्या रस्त्यामुळे झालेल्या फायद्याची किंमत मोठी असते. हे लक्षात घेतले पाहिजे. मंत्री गडकरी यांनी जेव्हा सुरुवातील टोल रस्त्यांची संकल्पना मांडली, त्यावेळी विरोध झाला होता. आता याचे फायदे लक्षात आले आहेत. त्यामुळे रस्ता हवा असेल तर आता टोलशिवाय पर्याय नाही. माझे हे म्हणणे कदाचित लोकांना पटणार नाही, त्यावर टीकाही होईल. मात्र, यावर कधी ना कधी गांभीर्याने विचार करावाच लागले. सध्या ठप्प झाले, त्याला जबाबदार ठेकादार आहे. त्याच्याविरूद्ध तक्रारी केल्या. मात्र, उपयोग होत नाही. खासदार म्हणून मी आणखी काय करू शकतो? काम सुरू झाले तर तेथे उभा राहून ते करून घेऊ शकतो. मात्र, तो ठेकेदार जर यायलाच तयार नसेल तर कसे करायचे. मी खासदार म्हणून पाठपुरावा करून थकलो आहे. आता तुम्हीच सांगा, त्याचे काय करायचे? धरून मारायचे का? की गुन्हा दाखल करायचा? काय करायचे ते आता तुम्हीच सांगा. त्यासाठी मी सोशल मीडियात मोहीम सुरू करणार आहे. तेथे तुम्ही आपली मते मांडा. त्या आधारे मी दिल्लीत पाठपुरावा करतो. मात्र, मी जो मार्ग सांगणार आहे, तो तुम्हाला मान्य असला पाहिजे. त्यामुळे आधीच तुमची मते घेत आहे,’ असेही डॉ. विखे म्हणाले. वाचा: तशी वेळ आली तर स्वतंत्र लढू राजकीय भाष्य करताना डॉ. विखे पाटील म्हणाले, ‘सध्या राज्यात राजकीय परिस्थिती अस्थिर आहे. कोण कोणाला पडतय आणि कोण कोणाबरोबर जाणार आहे, हे काहीच कळायला मार्ग नाही. त्यामुळे आपणही कोणासोबत राहायचे हे ठरवावे लागेल. अर्थात पंतप्रधान नरेंद्र मोदी व विरोधी पक्षनेते देवेंद्र फडणवीस यांच्या नेतृत्वाखाली आमच्या सारख्या तरुणांना काम करण्याची संधी मिळाली यातच आमचं भाग्य आहे. आम्हाला दुसरीकडे जाण्याची गरज नाही. मात्र, ज्या माणसांनी, ज्या पक्षांनी सिंचन क्षेत्रात घोटाळे करून राज्यातील शेतकऱ्यांवर उपासमारीची वेळ आणली त्यांचे नेतृत्व मान्य करण्याइतका मी राजकारणात लाचार झालेलो नाही. स्वंतत्र निघेल परंतु दुसऱ्या कोणा चुकीच्या माणसाच्या पाया पडायचं पाप करणार नाही. स्वर्गीय बाळासाहेब विखे यांनी हेच तत्व सांभाळले आणि आम्हालाही तीच शिकवण दिली,’ असेही विखे पाटील म्हणाले. वाचा: