ग्वालियर। शेजारी म्हटलं तर बऱ्याचदा छोट्या मोठ्या कारणांवरून भांड्याला भांड लागत असतं. मात्र जरी मोठ्या व्यक्तींमध्ये वाद झाले तरी घरातील बच्चे मंडळी ही सर्वांशीच गोड बोलत असते. मात्र बऱ्याचदा हे वाद काही वेळानंतर विसरले जातात.

किंवा बहुतेकवेळा जर हे वाद विकोपाला गेले असतील तर त्यांच्यात हाणामारी किंवा पोलीस तक्रार इथपर्यंत जातात. मात्र या शेजाऱ्यांच्या भांडणात असो किंवा घरातील भांडणात असो लहान मुलांना यापासून लांब ठेवले जाते. मात्र सध्या अशी एक विचित्र आणि धक्कादायक घटना घडली आहे की सर्वांनाच धक्का बसला आहे.

छोट्या वादावरून शेजाऱ्याने एका 8 वर्षांच्या मुलीवर पाळीव कुत्रा सोडल्याचा प्रकार घडला आहे. व या कुत्र्याच्या हल्लात ही मुलगी रक्तबंबाळ झाली आहे. सुदैवाने तिच्या सोबत लहान बहीण होती मात्र ती वेळेत लपल्याने तिला कोणतीही इजा झालेली नाही.

ही घटना मध्यप्रदेशच्या ग्वालियरमधील एका सोसायटीतील आहे. या सोसायटीमध्ये दीपक कुमार जैन हे कुटुंबासह राहतात. त्यांना 8 वर्षांची आणि 5 वर्षांची अशा दोन मुली आहेत. काही दिवसांपूर्वी शेजारी राहणाऱ्या अनिल शर्माचं दीपक जैन यांच्यासोबत भांडण झालं.

अनिल यांनी त्यांच्याकडे असणारा कुत्रा गच्चीवर सोडू नये कारण तिथं लहान मुलं खेळत असतात, असं दीपक यांनी सांगितलं होतं. व त्यावरून हा वाद पेटला होता. या वादानंतर गच्चीवर नेहमीप्रमाणे 8 वर्षांची परी आणि तिची 5 वर्षांची छोटी बहीण खेळत होत्या. व तेव्हा संधी साधून अनिल आपल्या कुत्र्याला घेऊन आला आणि त्याने परीच्या अंगावर कुत्रा सोडला.

या हल्ल्यात तिच्या अंगाचे लचके तोडायला सुरुवात केली. व ती रक्तबंबाळ झाली. बरीची छोटी बहीण घाबरून कूलरच्या मागे जाऊन लपली. काही वेळानंतर परीचा आरडाओरडा ऐकून कुटुंबीय आणि इतर शेजारी धावत गच्चीवर आले आणि त्यांनी परीची कुत्र्याच्या तावडीतून सुटका केली.

व त्यानंतर कुटुंबीयांनी परीला हॉस्पिटलमध्ये दाखल केले. व त्यानंतर घडलेल्या घटनेनंतर अनिलला जाब विचारला असला त्याने दीपक यांनाच ठार मारण्याची धमकी दिली. पुढच्या वेळी छोट्या मुलीवर कुत्रा सोडेने, अशी धमकी दिली व त्यानंतर दीपक यांनी पोलीस तक्रार केली व आता या घटनेनंतर पोलीस तपास करत आहेत.

मुंबई। प्रत्येकजण आपलं घर चालावं तसच आपल्या नोकरीसाठी धडपड करत असतो. दिवसभर मेहनत घेत असतो. त्यामुळे कलाकार असो किंवा सर्व सामान्य नोकरी करणारा कर्मचारी असो सर्वच दिवसरात्र मेहनत घेत असतात. मात्र बऱ्याचदा या सर्वांमध्ये आपलं स्वतःकडे दुर्लक्ष होत व आपण आजारी पडतो.

अशातच छोट्या पडद्यावरील प्रसिद्ध अभिनेत्री श्वेता तिवारीच्या चाहत्यांसाठी एक निराशाजनक माहिती समोर येत आहे. श्वेता तिवारील रुग्णालयात दाखल करण्यात आलं आहे. समोर आलेल्या महितीनुसार श्वेताच्या प्रकृती अस्वाथ्यामुळे तिला रुग्णालयात दाखल करण्यात आले आहे.

एका वृत्तवाहिनीने दिलेल्या माहितीनुसार श्वेताच्या टीमने सांगितले की, ” काही काळापासून श्वेता सतत प्रवास करत असून तिला पुरेशी विश्रांती मिळत नव्हती, त्यात हवामान बदल या कारणामुळे तिलाा त्रास झाला”. पुढे टीमने हे ही सांगितले श्वेता आता बरी आहे आणि लवकरच तिला घरी सोडण्यात येईल.

त्यामुळे आता श्वेता तिवारी लवकरात लवकर बरी व्हावी यासाठी चाहते प्रार्थना करत आहेत. श्वेता एक लोकप्रिय अभिनेत्री आहेच मात्र ती एक उत्त्तम आईदेखील आहे. ती आपल्या मुलांना खुप चांगल्या पद्धतीने सांभाळत असून तीच मुलांसोबत बॉंडींग देखील खूप चांगल आहे.

श्वेता तिवारी गेल्या ११ वर्षांपासून या इंडस्ट्रीत काम करत आहे. ती अभिनयासोबतच विविध कारणांमुळे कायम चर्चेत असते. नुकताच श्वेता ‘खतरों के खिलाडी ११’ ची स्पर्धक होती. या शोमध्येही तिने आपल्या खेळाडूंवृत्तीनं चाहत्यांची मन जिंकून घेतली.

ती लवकरच ‘बिग बॉस १५’ मध्ये जमाती लीडर म्हणून सामील होणार आहे. व तिने मालिकांमध्ये काम केले आहे. श्वेता तिवारीने खूप संघर्ष करून इंडस्ट्रीमध्ये आपले स्थान निर्माण केले आहे. तिने दोन विवाह केले, पण तिची दोन्ही विवाह अपयशी ठरले.

पुणे । देशाचे माजी कृषिमंत्री राष्ट्रवादी काँग्रेसचे अध्यक्ष शरद पवार यांचा मोठा राजकीय प्रवास आहे. राज्याच्या आणि देशाच्या जडणघडणीत त्यांचे योगदान मोठे आहे. आता त्यांचा पुर्णाकृती पुतळा पुण्यात साकारला जात आहे. याबाबत खासदार सुप्रिया सुळे यांचा एक फोटो सध्या व्हायरल होत आहे.

शिल्पकार सुप्रिया शिंदे हे शरद पवारांचा ९ फुट असलेला मेटलचा पुतळा साकारत आहेत. हा पुतळा पुण्यातील आंबेगाव परिसरात साकारला जात आहे. या पुतळ्याची नुकतीच सुप्रिया सुळे यांनी पाहणी केली आहे. यामुळे आता याची चर्चा सुरू आहे. सुप्रिया शिंदे बनवत असलेल्या शरद पवारांच्या मेटलच्या पुतळ्यासाठी दीड टन मेटलचा वापर करण्यात आला आहे.

तसेच शरद पवारांचा हा पुतळा साकारण्यासाठी त्यांना आठ महिन्यांचा कालावधी लागला आहे, तसेच दररोज दहा तास काम करून हा पुतळा साकारला आहे, अशी माहिती सुप्रिया शिंदे यावेळी दिली. हा पुतळा कुठे बसवण्यात येणार याबाबत माहिती दिली गेली नाही.

याची पाहणी करताना सुप्रिया सुळे यांनी शिल्पकार सुप्रिया शिंदे यांचे तोंडभरून कौतूक केले आहे. शरद पवारांचा पुतळा बनवण्याचा निर्णय लॉकडाऊनमध्ये झाला होता. त्यांचे फोटो आणि व्हिडिओ बघून हा पुतळा साकारला गेला आहे, असेही त्यांनी सांगितले.

याबाबत खासदार सुप्रिया सुळे यांनी ट्विट केले आहे. वर्कशॉपमध्ये सुप्रिया शिंदे करत असलेले काम थक्क करणारे आहे. तसेच त्यांनी बालशिवाजी आणि राजमाता जिजाऊ माँसाहेब यांचे देखणे शिल्प साकारले आहे, असेही सुप्रिया सुळे यांनी म्हटले आहे. अनेक लोकं ते बघण्यासाठी येत असतात.

आता हा पुतळा कुठे बसवण्यात येणार याकडे सर्वांचे लक्ष लागले आहे. तसेच यावर अनेकांनी वेगवेगळ्या प्रतिक्रिया व्यक्त केल्या आहेत. हे फोटो सध्या सोशल मीडियावर व्हायरल होत आहेत.

मुंबई । सध्या बिग बॉस मराठी कार्यक्रमाची चर्चा सगळीकडे आहे. कार्यक्रमाच्या या पर्वातील सदस्यांना देखील प्रेक्षकांचे भभरून प्रेम मिळते आहे. या कार्यक्रमाची सुरुवातीपासूनच चर्चा झाली. कारण
या पर्वामध्ये दोन सदस्यांची नावं गाजली आणि ती म्हणजे कार्यकर्त्या तृप्ती देसाई आणि कीर्तनकार शिवलीला पाटील.

कार्यक्रमाच्या या पर्वातील प्रत्येक सदस्याने प्रेक्षकांच्या मनावर एक छाप सोडली आहे. असे असताना आता शिवलीला यांची प्रकृती अचानक ढासळली. आज बिग बॉस यांनी जाहीर केल्याप्रमाणे वैद्यकीय उपचारांकरिता काही काळ त्यांना बिग बॉस मराठीच्या घराबाहेर जावे लागले. त्यामुळे आजपासून व्होटिंग लाईन्स देखील बंद राहतील.

शिवलीला यांनी सांगितले इथला प्रत्येक माणूस माझा असेल, त्यांनी सदस्यांबरोबरच प्रेक्षकांची मने देखील जिंकली. सोशल मीडियावर ज्यांची कीर्तने प्रसिद्ध आहेत. शिवलीला यांच्या कीर्तनाचे व्हिडिओ सोशल मीडियावर मोठ्या प्रमाणात पाहिले जातात. यामुळे त्यांच्या कार्यक्रमाची सगळीकडे चर्चा सुरू आहे.

View this post on Instagram

A post shared by Colors Marathi Official Page (@colorsmarathiofficial)

संत साहित्य, संस्कृती आणि सद्य विषयांवर शिवलीला कीर्तन करतात. त्या बिग बॉसमध्ये आल्याने त्यांच्यावर टीका देखील करण्यात आली होती. नुकतेच बिग बॉसमध्ये पार पाडलेल्या नॉमिनेशन कार्यात घरातील सदस्यांनी एकूण सात सदस्यांना घरातून बाहेर जाण्याच्या प्रक्रियेसाठी नॉमिनेट केले गेले.

घरातील योगदान, घरातील वावर, टास्कमधील कामगिरी आणि प्रेक्षकांचे मनोरंजन करण्यासाठीची अकार्यक्षमता या निकषांवर त्यांना नॉमिनेट केले होते. यामध्ये शिवलीलाचाही समावेश होता. यामुळे आता काय होणार याकडे सर्वांचे लक्ष लागले आहे.

मी आठ दिवस जरी राहिले, तरी ज्यादिवशी मी घरातून बाहेर पडेन, त्यादिवशी प्रत्येकाच्या डोळ्यात माझ्यासाठी पाणी असेल, असे शिवलीला नॉमिनेट झाल्यानंतर म्हणाली होती. मला गेम कळायला थोडा वेळ लागला. पण इथून पुढे प्रत्येक गोष्टीमध्ये माझा सहभाग दिसेल, असेही तिने म्हटले आहे.

मुंबई। सध्या महाराष्ट्रातील राजकारण चांगलंच तापलं आहे. गेल्या काही महिन्यांपासून राज्यातील अनेक महाविकास आघाडीच्या नेत्यांना ईडीच्या नोटिसा येत आहेत. महाविकासातील अनेक नेत्यांना चौकशीसाठी बोलवण्यात येत आहे.

ईडीच्या करवाईमध्ये माजी गृहमंत्री अनिल देशमुख, अनिल परब, प्रताप सरनाईक , आनंद अडसूळ, व आता भावना गवळी यांनादेखील ईडीचा समन्स आला आहे. व त्यामुळे आता राजकारणात मोठी खळबळ सुरू आहे.

दरम्यान आता या सर्व पार्श्वभूमीवर राष्ट्रवादी काँग्रेसचे प्रदेशाध्यक्ष तसेच जलसंपदा मंत्री जयंत पाटील यांनी ईडीच्या होणाऱ्या कारवाईवरून भाजपवर घणाघात केला आहे. महाविकास आघाडी सरकारच्या मंत्र्यांना बदनाम करण्याचे षडयंत्र सध्या सुरू आहे आणि हे जाणीवपूर्वक सुरू आहे, असा आरोप जयंत पाटील यांनी केला आहे.

राष्ट्रवादी परिवार संवाद यात्रेसाठी प्रदेशाध्यक्ष जयंत पाटील अहमदनगर येथे आले होते. यावेळी त्यांनी पत्रकार परिषद माध्यमांशी संवाद साधला.

जयंत पाटील म्हणाले की, भाजपमध्ये गेलेल्या लोकांना सीबीआय, ईडी आणि आयकर विभाग या एजन्सींचे संरक्षण आहे का? आम्ही अशा लोकांची यादी देतो त्यांच्यावर ईडी काय कारवाई करणार?, असा सवाल जयंत पाटील यांनी केला आहे.

या देशात आणि राज्यात ज्यांनी खरंच मनीलॉड्रींग केलंय ते बाजुला राहिले आणि ज्यांच्यावर केंद्रीय एजन्सीने ठपका ठेवला ते भाजपमध्ये गेले आहेत. त्यांचं काय झालं? हे एकदा ईडीने जनतेला सांगावे, असं पाटील म्हणाले आहेत.

ग्रामविकास मंत्री हसन मुश्रीफ यांनी काहीही चुकीचे केले नाही. पण त्यांना खोट्या गुन्ह्यात गोवण्याचे काम सुरुये. असेच इतर मंत्र्यांच्याबाबतही घडत आहे. जे खरे मनी लॉण्ड्रींग करीत आहेत, त्यांना सोडून देण्यात येत आहे. आणि जे करत नाहीत, त्यांना या प्रकरणात जाणीवपूर्वक गोवले जात आहे.

अशा प्रकरणात ज्यांच्यावर गुन्हे दाखल आहेत, मात्र ते भाजपात गेले आहेत, त्यांचे काय झाले? राज्यात असे अनेक लोक आहेत, जे सध्या भाजपत आहेत. ज्यांना ईडीने नोटिसा दिलेल्या आहेत. त्यांच्या चौकशीचे काय झाले? असा प्रश्न पाटील यांनी विचारला आहे. तसेच माजी गृहमंत्री अनिल देशमुख यांनीही कोणतेही पैसे घेतले नसून त्यांनादेखील यात गोवण्यात आलं अस पाटील म्हणाले आहेत.

१९६९ साली बॉंबे स्टॉक एक्स्चेंजमध्ये रजिस्टर होणारी पहिली वातानुकूलित [ ac ] आणि रेफ्रिजरेशन कंपनी म्हणजे ब्ल्यू स्टार लिमिटेड. हॉस्पिटल, फार्मसी, फूड सप्लाय चेन, नाशवंत वस्तूंचे गोदाम अशा ठिकाणी सगळ्यात जास्त सेवा हि ब्ल्यू स्टार लिमिटेड कंपनी देते. पण या कंपनीचा सुरवातीचा प्रवास कसा होता याबद्दल जाणून घेऊया.

१९४३ मध्ये मोहन टी अडवाणी यांनी दोन कर्मचारी आणि सुरवातीचं भांडवल २००० रुपयांच्या जीवावर ब्ल्यू स्टारची सुरवात केली. सुरवात झाली ती रेफ्रिजिरेटर आणि एअर कंडिशनरच्या पुनर्निर्मितीपासून. पुढे काही वर्षातच आईस कँडी मशीन, बाटली कुलर आणि वॉटर कुलर तयार करणारी ब्ल्यू स्टार हि इंटरनॅशनल कंपनी बनली. मग हळूहळू इंटरनॅशनल स्तरावर मान्यताप्राप्त कंपन्यांशी त्यांनी पार्टनरशिप केली. 

१९५४ मध्ये हनीवेल वितरक म्हणून ब्ल्यू स्टारची निवड करण्यात आली ज्यामुळे त्यांना व्यावसायिक इलेकट्रोनिक क्षेत्रात प्रवेश करता आला. व्यावसायिक एसीमध्ये त्यांची चांगली प्रगती झाली आणि लोकांकडूनसुद्धा ब्ल्यू स्टारला चांगला प्रतिसाद मिळू लागला. १९६० पर्यंत ब्ल्यू स्टारचे उत्पन्न हे १ कोटीच्या घरात गेलं होतं. पुढच्या काही दशकात ब्ल्यू स्टारने अत्यंत यशस्वी उपक्रम राबवले.

ब्ल्यू स्टार हेवलेट पॅकार्डचे वितरक बनले आणि मुंबईतील नरिमन पॉईंट येथील एअर इंडिया बिल्डिंग, एक्स्प्रेस टॉवर्स आणि हॉटेल ओबेरॉयचे एसीचे करारसुद्धा ब्ल्यू स्टारने मिळवले. ब्ल्यू स्टार १९९० आणि २००० साली बऱ्याच उपक्रमांमध्ये सहभागी होती.

२००१ पर्यंत ब्ल्यू स्टार एसी क्षेत्रात कार्यरत होते आणि त्याची निर्यातसुद्धा करत होते. पण कंपनीने लवकरच इलेकट्रीकल काँट्रॅक्टिग, प्लम्बिंग आणि फायर फायटिंग सेगमेंटच्या व्यवसायात प्रवेश केला. सेंट्रल एअर कंडिशनर आणि रूम एअर कंडिशनर या दोन प्रकारात ब्ल्यू स्टार कार्यरत आहेत. सोबतच एसी क्षेत्रात सगळ्यात मोठा ब्रँड म्हणून ब्ल्यू स्टारचं नाव आहे. हॉटेल्स, शॉपिंग मॉल, विमानतळ, रुग्णालये, चित्रपटगृहे, बँका अशा बऱ्याच ठिकाणी ब्ल्यू स्टारचे एसी आपल्याला पाहायला मिळतात आणि यावरूनच ब्ल्यू स्टारची लोकप्रियता कळून येते. 

२०११ नंतर ब्ल्यू स्टारने ग्राहकांना घरपोच एसीची सेवा देण्यास सुरवात केली. ब्ल्यू स्टारने व्यावसायिकदृष्ट्या स्वयंपाक घर उपकरणे आणि हेल्थकेअर रेफ्रिजरेशन क्षेत्रात प्रवेश केला पण एसी हीच त्यांची मेन ओळख झाली. त्याच्या उत्पादनाच्या श्रेणीमध्ये रूम एअर कंडिशनर्स, एअर प्युरिफायर्स, एअर कूलर – कॅसेट, मेगा स्प्लिट आणि व्हर्टिकूल एअर कंडिशनर्स, वॉटर प्युरिफायर्स, वॉटर कूलर, सेंट्रल एअर कंडिशनिंग सिस्टम्स, कोल्ड स्टोरेज, कमर्शियल रेफ्रिजरेशन आणि मॉर्च्युअरी चेंबर्स सारखी विशेष उत्पादने समाविष्ट आहेत.

ब्लू स्टारची नाविन्यपूर्ण आणि ऊर्जा-कार्यक्षम उत्पादन श्रेणी सुमारे २९०० चॅनेल भागीदार आणि ७६५ सर्व्हिस असोसिएट्सच्या मजबूत नेटवर्कद्वारे उपलब्ध आहे, ८०० पेक्षा जास्त शहरांमधील ५००० स्टोअरमध्ये ग्राहकांना सेवा देत आहे. उत्पादन, विपणन आणि विक्रीचा पाठपुरावा करण्यासाठी त्याच्याकडे विक्रीनंतरचे विश्वसनीय कर्मचारी आहेत. यामुळे त्याच्या विभागातील एक मार्कर लीडर म्हणून त्याचे स्थान पक्के झाले आहे. 

ब्लू स्टारने विमानतळ, मेट्रो स्टेशन आणि संसद भवन, राष्ट्रपती भवन आणि साउथ ब्लॉकमधील सरकारी प्रतिष्ठानांवर अनेक महत्त्वाचे आणि जटिल वातानुकूलन आणि शीतकरण प्रकल्प कार्यान्वित केले आहेत. हे सार्क, आशियान प्रदेश आणि उत्तर आफ्रिकेतील बाजारपेठांमध्ये आपली उत्पादने निर्यात करते. त्याची वार्षिक कमाई ५ हजार ४०० कोटींपेक्षा जास्त असल्याचे सांगितले जाते.

ब्लू स्टारच्या जाहिरात आणि जाहिरात धोरणात टेलिव्हिजन, प्रिंट मीडिया, होर्डिंग्ज आणि इंटरनेटचा समावेश आहे. क्रिकेटर विराट कोहली २०१९ मध्ये त्याचा ब्रँड अम्बेसेडर बनला. तो ग्राहकांच्या भेटींमध्ये गुंतवणूक करतो, व्यापार कार्यक्रमांना प्रायोजित करतो आणि प्रदर्शनांमध्ये भाग घेतो. 

२००८ मध्ये फोर्ब्ज आशियाच्या २०० बेस्ट अंडर अ बिलियनच्या यादीत समाविष्ट असलेल्या २० भारतीय कंपन्यांपैकी ब्ल्यू स्टार एक होती. आज घडीला बऱ्याच लोकांना रोजगार देण्याचं कामसुद्धा ब्ल्यू स्टार करत आहे.

हे हि वाच भिडू :

• के’सागरने क्लासेस उघडले नाहीत पण अधिकाऱ्यांच्या पिढ्या घडवणारा ब्रँड उभा केला
• फाळणीमुळे देशोधडीला लागलेल्या रेफ्यूजीने आईस्क्रीमचा कोट्यवधींचा ब्रँड तयार केला..
• सोनूला ब्रँड अँबेसेडर बनवण्यामागं केजरीवाल यांनी पंजाब निवडणुकीवर डोळा ठेवलाय?
• जाहिरातीवर पैसे खर्च न करताही ग्रो-प्रो कॅमेरा जगातला सगळ्यात भारी ब्रँड कसा बनला?

The post गरीब देशात एसीची कंपनी चालणार नाही असं म्हटलं जायचं, ब्ल्यूस्टारने ते खोटं ठरवलं appeared first on BolBhidu.com.

‘मदर्स डे’ आपल्या आईविषयी प्रेम व्यक्त करण्याचा दिवस. जगभरात ५० पेक्षा जास्त देशात हा दिवस साजरा केला जातो. हा पण प्रत्येक ठिकाणी वेगवगेळ्या दिवशी. खास करून मार्च ते मे महिन्यातं. यात भारत मे महिन्याच्या पहिल्या रविवारी मदर्स डे साजरा होतो.

आता तुम्ही म्हणाल यावर्षीचा ‘मदर्स डे’ झाला कि, त्याचं आता काय. तर भिडू आपल्याला ‘मदर्स डे’ची थीम आणणाऱ्या सहसंस्थापिका अ‍ॅना  जार्विस यांचा एक किस्सा सापडलाय. 

तर १०७ वर्षांपासून सुरु असलेली ही मदर्स डेची परंपरा अ‍ॅना मारी जार्विस यांनी सुरु केली. अ‍ॅना मारी जार्विसने आपल्या आई अ‍ॅन जार्विसला हा दिवस समर्पित केला होता. ज्यादिवशी त्यांची पुण्यतिथी असते.

खरं तर, मदर्स डेची सुरुवात अ‍ॅना मारी जार्विसची आई अ‍ॅन जार्विसला करायची होती. यामागे त्यांचा उद्देश होता कि, आईंसाठी एका अश्या दिवसाची सुरुवात करायची, ज्यादिवशी त्यांच्या  अतुलनीय सेवेसाठी त्यांना सन्मानित केले जाईल. पण अ‍ॅन जार्विस यांचे १९०५ मध्ये निधन झाले आणि तिचे स्वप्न पूर्ण करण्याची जबाबदारी त्यांची मुलगी म्हणजे अ‍ॅना मारी जार्विसने घेतली.

पण, अ‍ॅनाने या दिवसाच्या थीममध्ये  किंचित बदल केला. त्यांनी म्हंटल कि, या दिवशी लोकांनी आपल्या आईच्या बलिदानाची आठवण केली पाहिजे आणि त्यांचे कौतुक केले पाहिजे. लोकांना तिची कल्पना फार आवडली. यानंतर १९०८ मध्ये म्हणजे अ‍ॅन जार्विसच्या मृत्यूनंतर तीन वर्षांनी पहिल्यांदा मदर्स डे साजरा करण्यात आला.

जेव्हा जगात पहिल्यांदा मदर्स डे साजरा करण्यात आला, तेव्हा अ‍ॅना जार्विस एक प्रकारे याची पोस्टर गर्ल होती. तिने त्या दिवशी आपल्या आईच्या आवडते पांढरे कार्नेशन फुल महिलांना वाटले, जे व्यवहारातचं घेतले गेले. या फुलांचे व्यापारीकरण इतके वाढले की, येत्या काही वर्षांत, मदर्स डेच्या दिवशी पांढऱ्या कार्नेशन फुलांचा काळाबाजार व्हायला लागला. लोक जास्तीत जास्त किंमतीत ते खरेदी करण्याचा प्रयत्न करू लागले. हे पाहून अ‍ॅना संतापली आणि हा दिवस संपवण्याची मोहीम सुरू केली.

मदर्स डे वर पांढऱ्या कार्नेशन फुलांच्या विक्रीनंतर, टॉफी, चॉकलेट आणि सर्व प्रकारच्या भेटवस्तू देखील ट्रेंडमध्ये येऊ लागल्या. अशा परिस्थितीत अ‍ॅनाने लोकांना याबाबदल विरोधही केला. ती म्हणाली कि,

लोकांनी आपल्या लोभासाठी मार्केटिंग करून या दिवसाचे महत्त्व कमी केले आहे.

१९२० मध्ये तिने लोकांना ही पांढरी कार्नेशन फुलं खरेदी न करण्याचे आवाहनही केले. अ‍ॅना तिच्या शेवटच्या क्षणापर्यंत हा दिवस संपवण्याच्या मोहिमेत गुंतली होती. पण तरीही हा मदर्स डे साजरा होत होता. याची ख्याती हळु- हळू अख्ख्या जगात पसरली. तिने यासाठी स्वाक्षरी मोहीमही चालवली, पण यात काही यश मिळाले नाही आणि १९४८ च्या आसपास अ‍ॅनाने या जगाला निरोप दिला.

अ‍ॅनाने मदर्स डे च्या बाजारीकरणाविरुद्ध सुरु सुरु केलेल्या मोहिमेचा परिणाम भलेही जगावर झाला नसेल. पण तिच्या कुटुंबावर मात्र झाला. तिचे कुटुंब आणि नातेवाईक आजही हा दिवस साजरा करत नाही.

काही वर्षांपूर्वी माध्यमांना दिलेल्या मुलाखतीत अ‍ॅनाच्या नातेवाईक एलिझाबेथ बार यांनी सांगितले की,

आम्ही सगळ्याचं नातेवाईकांनी कधीचं  मदर्स डे साजरा केला नाही, कारण आम्ही अ‍ॅनाचा खूप आदर करतो. मार्केटींगने या स्पेशल दिवसाचा सगळं अर्थ बदलला आहे,  या अ‍ॅनाच्या भावनेवर त्यांचा खोलवर प्रभाव पडला आहे.

दरम्यान, आज कित्येक वर्षांनंतरही सगळ्या जगभरात हा मदर्स डे मोठ्या उत्साहाने साजरा केला जातोय. भलेही एक दिवस का असेना आपण आपल्या आईच्या त्यागाबद्दल तिचे आभार मानतो. 

हे ही  वाच भिडू :

• रोज वेगवेगळे डे साजरा होणाऱ्या देशात अटलजींनी टेक्नॉलॉजी दिवस साजरा करण्यास सुरवात केली..
• मोरारजी धर्मांतराच्या विरोधात कायदा आणणार होते, पण मदर तेरेसांच्यामुळे ते मागे घ्यावे लागले
• मदर तेरेसा प्रियांकाला ‘सिस्टर हो’ म्हणून मागे लागल्या होत्या.

The post आईच्या स्वप्नासाठी जिने ‘मदर्स डे’ सुरु केला, तिनेच तो बंद करण्याची मोहीम सुरु केली होती appeared first on BolBhidu.com.

पिंपरी | कोरोनामुळे गेल्या दीड वर्षांपासून शाळा कॉलेज बंद आहेत. पण तरीही विद्यार्थ्यांकडून पूर्ण फी आकारण्यात येत आहे आणि त्यांच्यावर फी भरण्यासाठी जबरदस्ती करण्यात येत आहे. जर फी भरली नाही तर रिजल्ट मिळणार नाही अशा भाषेत विद्यार्थ्यांची पिळवणूक केली जात आहे. असेच एक प्रकरण महात्मा फुले महाविद्यालय, पिंपरी येथून समोर आले आहे.

या महाविद्यालयातील बी.व्हॉक विभागाच्या तिसऱ्या वर्षाच्या मुलांची पिळवणूक होत होती. त्यामुळे मुलांनी महाविद्यालयात जाऊन काही दिवसांपूर्वी यासंदर्भात आवाज उठवला होता आणि फी ५० टक्के कमी करण्याची मागणी केली होती. महाविद्यालयाच्या उपप्राचार्यांनी फी कमी करण्याची विद्यार्थ्यांची मागणी मंजूर केली आणि एक अर्ज करण्यास सांगितला होता.

बुधवारी काही विद्यार्थी महाविद्यालयाच्या प्राचार्यांकडे अर्ज घेऊन गेले होते पण प्राचाऱ्यांनी फी माफ करण्यात साफ नकार दिला. त्यांनी विद्यार्थ्यांना उडवा उडवीची उत्तरे द्यायला सुरुवात केली. शुभम बारोठ या तिसऱ्या वर्षात शिकत असलेल्या विद्यार्थ्याने याबाबत विचारणा केली असता प्राचार्य पांडुरंग गायकवाड यांनी त्याला खूप खालच्या भाषेत उत्तरे द्यायला सुरुवात केली. ते म्हणाले की, ‘तुम्हाला शिकायचे नसेल तर कॉलेज सोडून द्या, पण फी माफ होणार नाही. तुम्हाला जे करायचं आहे ते करा’.

यानंतर शुभम बारोठ याने त्यांना खूप समजवण्याचा प्रयत्न केला पण त्यांनी त्याचे ऐकले नाही. त्यांनी उपस्थित सर्व विद्यार्थ्यांचे मोबाईलही काढून घेतले. शुभमकडे फी भरण्यासाठी पैसे नव्हते कारण आधीच त्याचा आईने त्याच्या फीसाठी दागिने गहाण ठेवले होते आणि फी भरली होती. कोरोनामुळे त्यांची आर्थिक परिस्थिती बिकट होती.

प्राचार्यांनी त्याला खूप खालच्या दर्जाची भाषा वापरल्यामुळे त्याचा खूप मनस्ताप झाला होता. मग त्याने आपला मोबाईल घेतला आणि प्राचार्यांना कॅमेऱ्यामध्ये हे सर्व बोलण्यास सांगितले पण तेव्हा ते शांत बसले आणि त्यांनी शुभमला ऑफिसमध्ये कोंडण्याचा प्रयत्न केला व दरवाजा लावून घेतला.

त्यानंतर शुभमने दरवाजा उघडण्यासाठी त्याला धडक दिली असता त्याची काच फुटली आणि त्याचा डोक्याला आणि हाताला जबर दुखापत झाली. यानंतर तेथील कॉलेज स्टाफमधील काही १५ ते २० लोकांनी त्याला मारहाण करण्यास सुरुवात केली. तो खूप ओरडत होता पण कोणीही त्याचे ऐकले नाही आणि त्याला खूप वाईट प्रकारे मारहाण केली व शिवीगाळ केली.

एवढं सगळं झालं तरी प्राचार्यांनी त्याला दवाखान्यात नेले नाही आणि बाकीच्या मुलांनाही एका खोलीत डांबून ठेवले. तो रडत होता, ओरडत होता, त्याच्या डोक्यातून आणि हातातून रक्त वाहत होते पण त्यांनी त्याला तसंच बसवून ठेवले आणि पोलिसांमध्ये तक्रार दिली. पोलिसांनी सर्व मुलांना चौकीत नेले आणि बसवून ठेवले पण महाविद्यालयावर काहीच कारवाई केली नाही.

त्यानंतर मुलांनी ABVP (अखिल भारतीय विद्यार्थी परिषद) संपर्क साधला आणि त्यांनी तातडीने या प्रकरणाची दखल घेतली. शुभमला हॉस्पिटलमध्ये नेण्यात आले आणि त्याच्यावर योग्य उपचार करण्यात आले. त्यानंतर अखिल भारतीय विद्यार्थी परिषद पिंपरी चिंचवड महानगरमंत्री प्रथमेश रत्नपारखी यांनी सगळ्या विद्यार्थ्यांना गोळा केले आणि याच्याविरोधात आवाज उठवला.

सगळ्या मुलांनी महाविद्यालयाच्या बाहेर भर पावसात आंदोलन केले आणि प्राचार्य पांडुरंग गायकवाड यांना माफी मागायला लावली. तसेच विद्यार्थ्यांची ५० टक्के फी माफ करावी आणि शुभमला झालेल्या दुखापतीची भरपाई द्यावी याची मागणी केली. यावेळी महाविद्यालयाच्या जनरल बॉडी सदस्य आणि नगरसेवक सांजोग वाघेरे उपस्थित होते. त्यांनी विद्यार्थ्यांच्या मागण्या पूर्ण करण्याचे वचन दिले व ज्या लोकांनी शुभमला मारहाण केली आहे त्यांच्यावर गुन्हा दाखल करण्यात येणार आहे.

यावेळी अखिल भारतीय विद्यार्थी परीषदेचे प्रथमेश रत्नपारखी, पुणे विभाग संगठन मंत्री रोहित राऊत, महानगर संघटन मंत्री अशोक सैनी, गौरव वाळुंजकर, ऋत्विक देशपांडे, शुभम पोरे, संभाजी शेंडगे, अरविंद नागवी या कार्यकर्त्यांनी या भोंगळ कारभाराच्या विरोधात आवाज उठवला आणि महाविद्यालयावर व प्राचार्यांवर योग्य ती कारवाई करण्याची मागणी केली. त्यांनी आवाज उठवल्यामुळे शुभमला न्याय मिळाला आणि सध्या त्याच्यावर वायसीएममध्ये उपचार सुरू आहेत.

प्रथमेश रत्नपारखी(ABVP) – 77739 98933

शुभम बारोठ – +91 97675 23282

महत्वाच्या बातम्या
बिग बॉस 15: रिया चक्रवर्तीवर बिग बॉस निर्माते करणार पैशांचा वर्षाव; एका आठवड्यासाठी 35 लाख रुपये मोजणार
माझी मुलं देखील मला किंमत देत नाहीत, माझ्याकडे दुर्लक्ष करतात; माधुरी झाली भावनिक
अंडरवेअरच्या जाहिरातीवरून Rashmika Mandanna संतापले लोकं, वाचा काय आहे प्रकरण..

बापरे! शेजाऱ्यांसोबत भांडण झाल्याने महिलेचा राग अनावर; रागात केले असे काही की पोलिसांना बसला धक्का…

मनोहर गोपाळकृष्ण प्रभु पर्रिकर. अर्थात गोयंकरांचो भाई. साधेपणा आणि प्रामाणिकपणा ही पर्रिकरांची पहिली ओळख आणि गोव्याचे आयआयटीयन मुख्यमंत्री अशी त्यांची दुसरी ओळख. आपल्या साधेपणामुळे सहज कधी तरी ते मुख्यमंत्री असताना देखील स्कुटरवरुन जाताना दिसायचे. तर आपल्या प्रामाणिकपणामुळे ते कधी बँकेत कर्जासाठी मुलाखत देखील द्यायला जायचे.

त्यांचा साधेपणा, प्रामाणिकपणा या गोष्टी केवळ दिखावा नव्हत्या तर त्या त्यांच्या जगण्याचा भाग होत्या.

या सगळ्या दरम्यान पर्रीकरांना निरनिराळ्या मार्गांनी लाच देऊन त्यांची प्रतिमा डागाळण्याचेही अनेक प्रयत्न झाले पण पर्रीकर कशालाच बधले नाहीत.

त्यांच्या प्रामाणिकपणाचा आणि तत्वनिष्ठ राजकारणाचा किस्सा गोवेकर आजही सांगतात.   

मनोहर पर्रीकरांच्या धाकट्या मुलाला एकदा स्ट्रोक्सचा प्रचंड त्रास सुरू झाला. जीव वाचवायचा असेल तर तातडीने मुंबईला न्यायला हवं असं डॉक्टरांनी सांगितलं.

त्यावेळी मोदी नावाच्या एका उद्योगपतीने पर्रिकरांना मदत केली. आणीबाणीच्या परिस्थितीमध्ये माणूसकीच्या नात्याने मदत करत आहे म्हंटल्यावर पर्रिकरांनी देखील ती मदत स्विकारली. स्पेशल विमानाने मुलाला मुंबईला नेण्यात आलं. मात्र विमानातुन नेताना रुग्णाला स्ट्रेचरवरून न्यायचं असल्यामुळे विमानातील सहा सीटस् काढण्यात आल्या होत्या. ऐनवेळी त्यांचे पैसे मोदींने भरले. पर्रीकरांच्या मुलाचा जीव वाचला.

मात्र या मोदींनी वेगळाच उद्देश डोक्यात ठेवून पर्रिकरांना मदत देवू केली होती.

मोदींचे गोव्याच्या मांडवी नदीत अनेक कॅसिनो आहेत आणि तिथे त्यांनी काही अवैध बांधकामे केली होती. ती बांधकामे पाडण्याचे आदेश पर्रीकरांनी दिले होते. मात्र आता आपल्यामुळे पर्रीकरांच्या मुलाचा जीव वाचला आहे. त्यामुळे हा आदेश ते रद्द करतील अशा खात्रीने मोदी त्यांना पर्रिकरांना भेटायला गेले.

झालं, इकडे कॉंग्रेसला याची कुणकुण लागली आणि आता पर्रीकर जाळ्यात सापडणार असं त्यांना वाटू लागलं. पण झालं उलटंच. पर्रीकरांनी मोदींना स्पष्ट सांगितले की,

एक बाप या नात्याने मी तुमचे आभार मानतो पण मुख्यमंत्री म्हणून मी माझा निर्णय बदलणार नाही.

पर्रिकरांना बेकायदेशीर कामांची चीड तर होतीच. शिवाय अशा माणसाची आपण मदत घेतली याबद्दल त्यांना स्वतःचाच राग आला होता. पण त्या संध्याकाळीच मुख्यमंत्री कार्यालयातुन आदेश सुटले आणि मोदींची सर्व अवैध बांधकाम उद्ध्वस्त करण्यात आली. एवढंच नव्हे तर पर्रिकरांनी त्या सहा सीटच्या भाड्याचे पैसे देखील मोदींना देऊन टाकले.

हे हि वाच भिडू. 

• उत्पल्ल पर्रिकर वडिलांचा वारसा पुढे नेण्यासाठी तयार आहेत पण फडणवीस सिरीयस नाहीत.
• पर्रिकरांनी ठरवलेलं, काहीही झालं तरी लालकृष्ण अडवाणींना पंतप्रधान होऊ द्यायचं नाही
• मुख्यमंत्री आपल्या व्यवसायाला लोन मिळावं म्हणून बँकेकडे अर्ज घेऊन निघाले होते

The post मनोहर पर्रीकरांनी मदत करणाऱ्या मोदींची अवैध बांधकाम उद्धवस्त केली होती… appeared first on BolBhidu.com.

भगवद्गीता म्हणजे जीवनाचं सार सांगणारा ग्रंथ. हा ग्रंथ पूर्वी देवनागरीत नव्हता पण सांगलीतल्या मिरजेमध्ये पहिल्यांदा देवनागरी भाषेत हा ग्रंथ मुद्रित करण्यात आला. तर जाणून घेऊया या मुद्रणकलेचा इतिहास आणि मिरजेतल्या देवनागरीमध्ये छापलेल्या भगवद्गीतेचा. 

महाराष्ट्रातला सांगली जिल्हा हा कलावंतांची भूमी म्हणून ओळखला जातो. पण याच सांगलीत मुद्रणकलेचा सुद्धा इतिहास आहे. सांगली जिल्ह्यातील मुद्रणकलेला २१० वर्षांचा इतिहास आहे. १८२१ साली सांगलीत चिंतामणराव पटवर्धनांच्या प्रयत्नांनी छापखाना सुरू करण्यात आला. यात धर्मग्रंथ तसेच वैद्यकीय ग्रंथ इ. छापण्यात आले होते. १८८१, १८८३ व १८९५ साली अनुक्रमे तासगाव, इस्लामपूर व तासगाव येथे अनेक वर्तमानपत्रे व मासिके छापणे सुरू झाले. १८८० सालापासून सांगली जिल्ह्यात मुद्रणकला अधिक विकसित झाली.

पूर्वीच्या काळात ही गीता हस्तलिखीत स्वरूपात होती. नंतर मुद्रणकलेचा शोध लागल्यानंतर ती अनेक भाषेत मुद्रित झाली. पूर्वी रोमन लिपीत असणारी ही गीता १८०५ मध्ये देवनागरी भाषेत मुद्रित झाली. पहिली देवनागरी भाषेतील मुद्रित गीतेची प्रत मिरजेत असून त्याला तब्बल २१५ वर्षे झाली आहेत. 

या भगवद्‌गीतेच्या शेवटच्या पानावर मुद्रणाच्या स्थळ काळाचा उल्लेख केला आहे. देशातील पहिले देवनागरी मुद्रण १८०५ मध्ये मिरज येथे झाले. या पहिल्या मुद्रणाने जिल्ह्यात मुद्रणकलेची मुहूर्तमेढ रोवली गेली. त्यानंतर जिल्ह्यात विविध भागात मुद्रणालये स्थापित झाली. भारतीय मुद्रण कलेचा अमूल्य ठेवा असणाऱ्या या ग्रंथाच्या अभ्यासासाठी महाराष्ट्रासह जर्मनी, जापान, फ्रान्स, अमेरिका या भागातून अभ्यासक भेट देतात. मिरज इतिहास संशोधन मंडळाकडे असलेली ही दुर्मिळ प्रत यापुढेही वर्षानुवर्षे जपण्याची गरज आहे.

ही गीता १६६ पानांची असून शेवटच्या पानावर मुद्रणाच्या स्थळ काळाचा उल्लेख केला आहे. मिरजेचा उल्लेख मार्कंडेय मुनीक्षेत्रे  असा केला असून शके १७२७ क्रोधननाम संवत्सरे असा कालोल्लेख आहे. शके १७२७ म्हणजे इसवी सन १८०५ होते. दोनशे वर्षापेक्षा अधिक काळ हा अमूल्य ठेवा मिरजेत जपून ठेवला आहे.

इसवीसन १८०५ मध्ये बंगालमध्ये श्रीरामपूर येथे विल्यम कॅरे याने देवनागरी लिपीमध्ये ग्रामर ऑफ मराठा लँग्वेज प्रसिद्ध केले होते. याच वर्षी पुणे येथे सवाई माधवरावांच्या दरबारात असलेला इंग्रज वकील चार्लस् मॅलेट याने येथील एका तांबट कारागिराला तांब्याच्या पत्र्यावर मुद्रण करण्यास शिकविले. त्याच्याकडून त्याचवर्षी देवनागरी लिपीतून छपाईस प्रारंभ होणार होता.

हे समजल्यावर या कारागिराला मिरजेचे तत्कालीन संस्थानिक गंगाधरराव पटवर्धन उर्फ पहिले बाळासाहेब यांनी मिरजेत बोलावून घेतले. त्याच्याकडून देवनागरीतील पहिला मुद्रित ग्रंथ म्हणून भगवद्गीतेची छपाई करवून घेतली. एकप्रकारे १८०५ मध्येच छपाई झालेला हा ग्रंथही देवनागरीतील पहिला मुद्रित ग्रंथ ठरला. 

मिरजमध्ये १८०५ मध्ये  श्रावण महिन्यामध्ये ब्राह्मण भिक्षुकांना दान देण्यासाठी १०० प्रती छापल्या होत्या. त्यातील ९९ प्रती नष्ट झाल्या आहेत. ( त्या प्रती कुठे आहेत त्याची कल्पना कुणालाच नाही ). त्या १०० प्रतींपैकी शेवटची भगवद्‌गीतेची प्रत सध्या मिरज इतिहास संशोधन मंडळाकडे आहे.

हे हि वाच भिडू :

• मिरजेच्या काँग्रेस आमदाराचं तिकीट दिलीप कुमारनी फायनल केलं होतं
• मिरजेच्या जोकरमुळे भारतातली सर्कस परदेशी भूमीवर धुमाकूळ घालू लागली
• राजाने येताना भोपळा आणला आणि मिरजकरांनी त्याचा सतार बनवून गावाला प्रसिद्ध केलं..
• सांगली, जळगावचा धसका घेत भाजपने धुळ्याच्या नगरसेवकांना ‘दमण’ सहलीवर पाठवलं…

The post मराठीमधलं पहिलं छापील पुस्तक कोणतं होतं आणि कुठं छापलेलं माहीत आहे ? appeared first on BolBhidu.com.

सातारा: तुमच्या मुलांना शिक्षण देऊन उच्चपदस्थ अधिकारी करता आले नाही, तर माझ्या पक्षामध्ये पाठवा मी तुमच्या मुलांना मंत्री करतो असे वक्तव्य राष्ट्रीय समाज पक्षाचे अध्यक्ष व माजी मंत्री महादेव जानकर यांनी केले आहे.

रासपचे राष्ट्रीय अध्यक्ष महादेव जानकर एका कार्यक्रमासाठी दहिवडीत आले होते. यावेळी राष्ट्रवादीचे नेते प्रभाकर देशमुख, सातारा जिल्हा परिषदेचे शिक्षण सभापती मानसिंगराव जगदाळे, राष्ट्रीय समाज पक्षाचे जिल्हाध्यक्ष मामुशेठ वीरकर, जिल्हा परिषद सदस्य बाबासाहेब जगदाळे, सुवर्णा देसाई, अरुण गोरे, माण पंचायत समितीच्या सभापती लतिका वीरकर, उपसभापती नितीन राजगे इतर मान्यवर उपस्थित होते.

शेतकऱ्याच्या पोरांनी शेतकरीच का बनावं? असा प्रश्न उपस्थित करत माजी मंत्री महादेव जानकर म्हणाले शेतकऱ्याच्या मुलाने पंतप्रधान, उद्योगपती आणि राज्यकर्ते देखील व्हावे. जिल्ह्याचे पालकमंत्री आणि जिल्हाधिकारी हे दोन्ही आपलेच असतील तर दोन्ही चाके व्यवस्थित चालतील. क्लार्क नको कलेक्टर पाहिजे, पोलीस नको कमिशनर पाहिजे आणि सरपंच नको खासदार पाहिजे आणि यासाठी प्रयत्न व्हावेत असे वक्तव्य महादेव जानकर यांनी गोंदवले येथील एका कार्यक्रमामध्ये केले.

पुढे बोलताना महादेव जानकर म्हणाले, इंजिनीरिंग मध्ये मी देशामध्ये तिसरा क्रमांक मिळवला होता, मला 95 टक्के गुण मिळाले होते. मी जर राजकारणामध्ये आलो नसतो तर कमिशनर होऊन या कार्यक्रमाला आलो असतो. राजकारण फार वाईट असते असा एक समज निर्माण झाला आहे परंतु जर राजकारण वाईट असते तर पंडित जवाहरलाल नेहरू यांच्या कन्या इंदिरा गांधी देशाच्या पंतप्रधान झाल्या नसत्या. असे देखील जानकर म्हणाले.

शरद पवार यांच्या कन्या सुप्रिया सुळे या खासदार झाल्या नसत्या. कै. गोपीनाथ मुंडे यांच्या तिन्ही मुली मंत्री झाल्या नसत्या. राजकारणामध्ये सुद्धा संधी आहे. राजकारणाकडे संधी म्हणून पहा. मोठमोठ्या उद्योजकांना कोणी सलाम करत नाही परंतु राजकारण्यांना सॅल्युट केला जातो. ही राजकारणाची ताकद आहे असे जानकर म्हणाले.

बीड। राष्ट्रवादी कॉंग्रेसचे प्रदेशाध्यक्ष आणि जलसंपदा मंत्री जयंत पाटील यांच्या नेतृत्वाखाली राष्ट्रवादी परिवार संवाद दौऱ्याच्या तिसऱ्या पर्व सुरू झालं आहे. ही यात्रा काल (मंगळवारी) बीड जिल्ह्यातील परळी मतदारसंघात आली असता जयंत पाटील यांनी परळी मतदारसंघात बैठक घेतली, मात्र कार्यकर्त्यांचा उत्साह पाहता या बैठकीचे मेळाव्यात रूपांतर झाल्याचा उल्लेखही त्यांनी केला व ते भावुक झाले.

धनंजय मुंडे प्रथम मंत्री झाल्यानंतर परळीकरांनी ज्या जल्लोषात त्यांचे अभूतपूर्व स्वागत केले होते, अगदी त्याच जल्लोष व धो धो पडत असलेल्या पावसात प्रचंड उत्साहात परळी मतदारसंघातील प्रत्येक गावात व शहरातील रस्त्यांवर जागोजागी जयंत पाटील यांचे अभूतपूर्व स्वागत करण्यात आले.

“माझ्या लग्नात एवढी मोठी वरात कोणी माझी काढली नव्हती” अशी टिप्पणी करत जयंत पाटलांनी यावेळी परळीतील कार्यकर्त्यांचे आभार मानले. आपल्या भाषणाच्या सुरुवातीलाच जयंत पाटील यांनी बीड जिल्ह्यासह आजूबाजूच्या जिल्ह्यात अतिवृष्टीने झालेल्या नुकसानीचा उल्लेख केला.

बीड जिल्ह्यातील नुकसान झालेल्या सर्व शेतकऱ्यांच्या पाठीशी महाविकास आघाडी सरकार भक्कमपणे उभे आहे. राज्य सरकार, प्रशासनाने केलेल्या पंचनाम्यांच्या आधारे नुकसान झालेल्या प्रत्येक शेतकऱ्याला मदत करण्याचे असं आश्वासनही जयंत पाटील यांनी दिले.

तसेच धनंजय मुंडे यांच कौतुकदेखील केलं आहे. येत्या काही वर्षात परळी मतदारसंघाचा त्यांच्या हातून बारामतीसारखा विकास होईल, त्यासाठी परळीकरांनी कायम पाठीशी राहून आपल्या धनुभाऊंना पाठबळ द्यावं असे आवाहन त्यांनी केले.

तसेच धनंजय मुंडे हे अत्यंत प्रतिभावान नेते आहेत, पुढील काळात परळी मतदारसंघासह राज्यभरात त्यांच्या हातून मोठे विकासकार्य होणे अपेक्षित असल्याचेही ते म्हणाले. परळी मतदारसंघात राष्ट्रवादी काँग्रेस पक्षाची बांधणी परिपूर्ण असून इथे आढावा घेण्याची गरजच नाही. इथे पक्ष संघटना अगदी परिपूर्ण आहे.

पक्षाच्या आढावा बैठकीच्या बाबतीत धनुभाऊ आणि त्यांची टीम ‘पास’ झाली, असा विश्वासही त्यांनी व्यक्त केला. मोठ्या होणाऱ्या प्रत्येक माणसाला वेगवेगळ्या टीका करून त्याची उंची कमी करण्याचे प्रयत्न केले जातात.

आमच्या धनु भाऊंवर देखील असेच आरोप करून त्यांना अडचणीत आणण्याचा प्रयत्न केला गेला. परंतु मी कायम त्यांच्या पाठीशी आहे. माझं त्यांच्यावर लहान भावाप्रमाणे प्रेम आहे व ते कायम राहील, असा विश्वास देत पाटील यांनी धनंजय मुंडेची पाठराखण केली. तसेच धनंजय भाऊ आपल्या लहान भावाप्रमाणे असल्याचेही ते म्हणाले. या कार्यक्रमाला अनेक राजकीय कार्यकर्ते उपस्थित होते.

महत्वाच्या बातम्या 

मोठा धमाका! काँग्रेसच्या कॅप्टनला भाजप देणार केंद्रात कृषिमंत्र्याची जागा?

हार्दीक पांड्याच्या शानदार खेळीने मुंबई इंडीयन्सचा विजय; प्ले आॅफच्या आशा जिवंत

इन्कम टॅक्सच्या रेडनंतर सोनूच्या मदतीला एकही बाॅलीवूड स्टार का नाही आला? सोनूने सांगितले खरे कारण

राम कृष्ण हरी! ताजोद्दिन महाराजांनी भर किर्तनात प्राण सोडले, व्हिडीओ पाहून अवघा महाराष्ट्र रडला

नवी दिल्ली। सध्या पंजाबच्या राजकारणात मोठा गोंधळ उडाला असल्याचे पाहायला मिळत आहे. काही दिवसांपूर्वी कॅप्टन अमरिंदर सिंग यांनी अचानक राजीनामा दिल्याने पंजाबमधील राजकीय क्षेत्रात चांगलीच खळबळ उडाली. तर आता सर्वत्र कॅप्टन अमरिंदर सिंग हे काँग्रेसला धक्का देणार असल्याची चर्चा सुरू आहे.

त्यामुळे आता पंजाबच्या राजकीय वर्तुळात धमाका होण्याची शक्यता आहे. तर दुसरीकडे काल (सोमवारी) ते दिल्लीत भाजपचे राष्ट्रीय अध्यक्ष जे.पी.नड्डा आणि केंद्रीय गृहमंत्री अमित शहा यांची भेट घेतली. मात्र त्यानंतर त्यांचा पक्षप्रवेशाचा कार्यक्रम होणार असूनत्यांना केंद्रीय मंत्रिपद मिळण्याची शक्यता असल्याचे, सूत्रांकडून सांगण्यात येत आहे.

त्यामुळे आता सर्वांचे लक्ष अमरिंदर सिंग यांना केंद्रीय मंत्रिपदात स्थान मिळणार का याकडे आहे. केंद्र सरकारने आणलेल्या तीन कृषी कायद्यांना सर्वाधिक विरोध पंजाबमधून होत आहे. कृषी कायद्याविरोधात शेतकरी आंदोलन करत आहेत.

दरम्यान अमरिंदरसिंग यांना केंद्रात मंत्रिपद दिले जाईल. त्यांच्याकडे कृषी मंत्रिपदाची जबाबदारी दिली जाण्याची शक्यता आहे. दरम्यान देशभरात भाजपाचा झंझावात सुरु असताना एकहाती पंजाबची सत्ता खेचून आणणाऱ्या कॅप्टन अमरिंदर सिंगांना काँग्रेसने मुख्यमंत्री पदावरून काढून टाकले.

त्यामुळे नवज्योत सिंह सिद्धूच्या खेळीवर आऊट झालेले कॅप्टन आता षटकार मारण्याचा प्रयत्नात असल्याचं सांगितलं जातं आहे. सिद्धूसोबत झालेल्या वादानंतर कॅप्टन अमरिंदर सिंह यांनी आपल्या मुख्यमंत्री पदाचा राजीनामा दिला होता.

पक्षाचा आपल्यावर विश्वास नसल्याने आपला आपमान झाल्याचे म्हणत त्यांनी राजीनामा दिला होता.
कॅप्टन अमरिंदर सिंह म्हणाले होते की, ”सिद्धूला मुख्यमंत्री पदापासून दूर ठेवण्यासाठी आपण काहीही त्याग करण्यास तयार आहोत”.

पुढील विधानसभेच्या निवडणुकीत सिद्धू विरुद्ध एक दमदार उमेदवार उभा करेन. जर पंजाबमध्ये नवज्योत सिंह सिद्धू मुख्यमंत्री पदाचा चेहरा असतील तर काँग्रेस दोन जागाही जिंकेल तरी ती मोठी गोष्ट असेल. असा टोला त्यांनी लगावला होता.

अशातच कॅप्टन भाजपमध्ये आल्यास राज्यात विस्तार करण्यास पक्षाला मोठा वाव मिळेल. याचबरोबर त्यांनी केंद्रात कृषी मंत्रिपद दिल्यास पंजाबमधील शेतकऱ्यांच्या विरोधाची धारही काहीशी कमी होईल, असा भाजपचा कयास आहे, असे सूत्रांनी सांगितले.

मुंबई। पाकिस्तान क्रिकेट संघाचा माजी कर्णधार इंझमाम-उल-हक याला काल (मंगळवारी) हृदयविकाराचा झटका आला आहे. व त्यानंतर त्याला सोमवारी सायंकाळी तातडीने लाहोरच्या रुग्णालयात दाखल करण्यात आले. इंझमाम-उल-हकची अँजिओप्लास्टी यशस्वी झाली आहे.

इंझमामला गेल्या तीन दिवसांपासून छातीतील दुखण्याचा त्रास होत होता. व त्यानंतर त्याला सोमवारी हृदयविकाराचा झटका आला. इंझमामची प्रकृती सध्या स्थिर असून संपूर्ण देश तो लवकर बरा व्हावा यासाठी प्रार्थना करत आहे. तसेच इंझमाम लवकर ठणठणीत व्हावा यासाठी क्रिकेटविश्वातून अनेक खेळाडूंनी इंझमामसाठी प्रार्थना केली.

Wishing you a speedy recovery @Inzamam08. You've always been calm yet competitive, and a fighter on the field.

I hope and pray that you'll come out stronger from this situation as well. Get well soon.

— Sachin Tendulkar (@sachin_rt) September 28, 2021

दरम्यान भारताचा मास्टर ब्लास्टर सचिन तेंडुलकरनेही इंझमामसाठी प्रार्थना करून एक पोस्ट केलीय जी सध्या सर्वत्र व्हायरल होतेय. इंझमाम तू नेहमीच शांत, स्पर्धक आणि मैदानातील लढवय्या राहिला आहेस. या कठिण प्रसंगाला समर्थपणे तोंडू देऊन तू लवकरच बाहेर येथील, अशी आशा आहे, असे ट्विट सचिन तेंडूलकरने आपल्या क्रिकेट विश्वातील जुना खेळाडू सहकारी असलेल्या इंझमामबद्दल केले आहे.

इंझमामच्या करकीर्दीबद्दल बोलायचं झालचं तर क्रिकेट कारकिर्दीत ३७५ एकदिवसीय आणि ११९ कसोटी सामने खेळले आहेत. त्यांनी २००७ मध्ये आंतरराष्ट्रीय क्रिकेटमधून निवृत्ती घेतली आहे.

त्यावर्षी टी२० विश्वचषकात पाकिस्तानच्या खराब प्रदर्शनानंतर त्यांनी हा निर्णय घेतला होता. याच काळात पाकिस्तान क्रिकेट संघाचे प्रशिक्षक बाॅब वूल्मर यांची हत्या करण्यात आली होती.

ईएसपीएन आणि क्रिकइन्फोने इंझमामाच्या ह्रदयविकाराच्या झटक्याबाबतचे वृत्त दिले. इंझमामला रुग्णालयामध्ये दाखल करण्यात आले आहे. तसेच त्याच्या जवळच्या मित्रांनी सांगितले, की सध्या इंझमामची प्रकृती स्थिर आहे.

इंझमामला रुग्णालयामध्ये दाखल करण्यात आले आहे. त्याच्यावर अँजिओप्लास्टी करण्यात आली असून सध्या त्याची प्रकृती स्थीर असल्याचे इंझमामच्या प्रवक्त्याने सांगितले आहे. त्यामुळे तो आता लवकर भरा व्हावा यासाठी सर्वच प्रार्थना करत आहेत.

महत्वाच्या बातम्या

हिंदू मुस्लीम एकतेचे प्रतिक असणाऱ्या ताजूद्दीनबाबांवर अंतसंस्कार; किर्तनातच ठेवला होता देह

Flipkart sale : Realme, Vivo, Samsung आणि Iphone वर 10 हजारापर्यंत सूट

शेतकऱ्यांना पाच लाखांपर्यंत बिनव्याजी कर्ज मिळणार; हसन मुश्रीफांची मोठी घोषणा

अंबेमातेचा आशीर्वाद घेतलाय आता महाराष्ट्र भ्रष्टाचार मुक्त करणार; किरीट सोमय्या कडाडले

औरंगाबाद । हिंदू मुस्लिम एकतेचे प्रतीक असलेले ह.भ.प. ताजुद्दीन महाराज शेख यांचे निधन झाले आहे. यामुळे त्यांच्या भक्तांना मोठा धक्का बसला आहे. कीर्तन सुरू असताना त्यांना हृदयविकाराचा झटका आला होता. यावेळी ते खाली पडले. त्यांना रुग्णालयात दाखल करण्यात आले मात्र त्यांचे निधन झाले होते.

आयुष्यभर त्यांनी हिंदू मुस्लिम समाजातील दरी मिटवण्यासाठी प्रयत्न केले. यासाठी त्यांनी कीर्तने केली. त्यांना लहानपणापासूनच कीर्तनाची आवड होती. त्यांच्या या आवडीमुळे त्यांना आणि कुटुंबाला त्रास ही सहन करावा लागल्याचे बालले जाते. मात्र त्यांनी त्यांचे काम आयुष्यभर सुरूच ठेवले.

राज्यासह देशात ताजुद्दीन महाराज हे कीर्तन-प्रवचनासाठी वलयांकित नाव झाले होत. त्यांचा गीता कुराणाचाही गाढा अभ्यास असून त्यांचे प्रवचन ऐकण्यासाठी वारकरी गर्दी करतानाही पहायला मिळाययचे. हिंदू- मुस्लीम धर्मामधील द्वेषाची दरी ही केवळ परस्परांची भाषा येत नसल्यामुळे अधिकच रुंदावल्याचे महाराज नेहमी सांगत.

मुस्लीमांना संस्कृत आणि हिंदूंना उर्दू-अरबी भाषा आल्यानंतर गीतेतील ही दरी कमी होईल. असा विश्वास महाराजांना वाटायचा. मूळचे घनसावंगी तालुक्यातील जांब समर्थजवळील बोधलापुरी हे त्यांचे गाव होते. त्यांनी पैठणमध्येही एक आश्रम काढून त्यातून वारकरी सांप्रदायाचा प्रसार प्रचाराचे काम केले.

ताजोद्दीन महाराजांनी आजवर हजारो कीर्तने केली. दोन वर्षांपूर्वी आपल्याला कीर्तन करतानाच मृत्यू यावा असे एका कीर्तनादरम्यान त्यांनी म्हटले होते, आणि आता तसेच घडले आहे. त्यांच्या निधनाने हळहळ व्यक्त केली जात आहे.

काल त्यांचे कीर्तन सुरू होते, त्यांच्या या कीर्तनाला नागरिकांनीही मोठी गर्दी केली होती. त्याचवेळी त्यांना ह्रदयविकाराचा झटका आला आणि ते स्टेजवर खाली बसले. काही जण आपल्या मोबाइलमध्ये कीर्तन शूट करत होते. त्याचा व्हिडीओ सोशल मीडियावर व्हायरल झाला आहे.