'फडणवीसांचा 'तो' अहवाल म्हणजे भिजलेला लवंगी फटाका'

March 24, 2021 Marathi 0 Comments

मुंबई: माजी मुख्यमंत्री आणि माजी मुख्यमंत्री यांनी काल दिल्लीत केंद्रीय गृहसचिवांची भेट घेतली. फडणवीसांच्या या भेटीवर शिवसेना नेते यांनी निशाणा साधला आहे. तसंच, फडणवीसांनी दिलेला फोन टॅपिंगचा अहवाल म्हणजे भिजलेला लवंगी फटाका निघाला त्याला वातही नव्हती, असा टोला संजय राऊत यांनी लगावला आहे. विरोधी पक्षनेते आणि माजी मुख्यमंत्री देवेंद्र फडणवीस यांनी आज दिल्लीत केंद्रीय गृहसचिवांची भेट घेतली. या भेटीत फडणवीस यांनी गृह सचिवांना फोन टॅपिंग संदर्भात ६.३ जीबीचा कॉल रेकॉर्डींग डाटा एका बंद पाकिटात दिला. आयपीएस आणि नॉन-आयपीएस अधिकाऱ्यांच्या महाराष्ट्रातील पोलिसांच्या बदल्यांसंदर्भातील रॅकेटची काही कागदपत्रेही दिली आहेत. त्यामुळं लेटरबॉम्बनंतर फडणवीसांच्या या पेनड्राइव्ह बॉम्बनं राज्य सरकार अडचणीत येणार असल्याची चर्चा असतानाच संजय राऊतांनी या चर्चा फेटाळून लावल्या आहेत. 'दिल्लीत महाराष्ट्राच्या नेत्यांनी यायला पाहिजे. दिल्लीवर महाराष्ट्राचा प्रभाव असायलाच हवा आणि त्यादृष्टीने विरोधी पक्षनेते येत असतील तर त्यांचं स्वागत करायला हवं. काहीतरी कागद घेऊन आले आणि गृहसचिवांना भेटले तो कागद काही गंभीर नाही. विरोधी पक्षाच्या हातातील कागद गंभीर आहे की नाही हे सरकार ठरवणार. त्यात सरकारला अडचणीत आणेल असं काही नाही. त्याची काय दखल घ्यायची हे मुख्यमंत्री ठरवतीलं,' असं राऊतांनी म्हटलं आहे. 'विरोधी पक्ष नेते जो काही बॉम्ब घेऊन आले होते तो भिजलेला लवंगी फटाका आहे. त्या फटाक्याला वातसुद्धा नव्हती. आम्ही दिल्लीत कुठे स्फोट झाला, महाराष्ट्रात काही पडसाद उमटतात का पाहत होतो. पण तसं काही दिसलं नाही. बंगालप्रमाणे महाराष्ट्र आणि दिल्लीत 'खेला होबे' सुरु आहे. यामुळे लोकांचं चांगलं मनोरंजन होत असून त्यासाठी कोणता मनोरंजन टॅक्सही भरायची गरज नाही,' असा खोचक टोला संजय राऊतांनी लगावला आहे.