पुणे: बॉक्सिंग प्रशिक्षकाकडून तरुणीचा विनयभंग

March 24, 2021 Marathi 0 Comments

म. टा. प्रतिनिधी, : बॉक्सिंग शिकण्यासाठी आलेल्या तरुणीचा प्रशिक्षकानेच केल्याची धक्कादायक घटना कोंढव्यातील लुल्लानगरमध्ये घडली. या प्रकरणी पोलिस ठाण्यात विनयभंगाचा गुन्हा दाखल करण्यात आला आहे. याबाबत १९ वर्षीय तरुणीने कोंढवा पोलिस ठाण्यात तक्रार दिली आहे. त्यानुसार रॉबिन सायमन अ‍ॅन्थनी (वय २८, रा. कॅम्प) या प्रशिक्षकावर गुन्हा दाखल करण्यात आला आहे. तरुणी लुल्लानगरमधील एका बॉक्सिंग सेंटरमध्ये प्रशिक्षण घेण्यासाठी जात होती. आरोपी त्या ठिकाणी प्रशिक्षक आहे. तीन दिवसांपूर्वी दुपारी सव्वादोनच्या सुमारास तरुणी बॉक्सिंग केंद्रात असताना रॉबिनने तिचा विनयभंग केला. त्यामुळे तरुणी घरी निघाली होती. त्या वेळी रस्त्यात पाठलाग करून रॉबिनने तरुणीसोबत अश्लील वर्तन करून पुन्हा विनयभंग केला. त्यानंतर तरुणीने कोंढवा पोलिसांकडे धाव घेऊन तक्रार दिली.