बाळासाहेब थोरात खरोखरच प्रदेशाध्यक्षपदाचा राजीनामा देणार?
म. टा. प्रतिनिधी, मुंबई काँग्रेसचे ज्येष्ठ नेते तथा महसूलमंत्री हे महाराष्ट्र प्रदेश काँग्रेसचे अध्यक्षपद सोडण्याच्या मनस्थितीत असल्याची सोमवारी राजकीय वर्तुळात दिवसभर चर्चा होती. मात्र, त्यात काहीच तथ्य नसल्याचे थोरात यांच्या निकटवर्तीयांनी रात्री उशिरा स्पष्ट केले. थोरात हे दिल्लीत वरिष्ठ नेत्यांना भेटण्यास गेले असून, ते उशिरा रात्री मुंबईत परतत असल्याची माहिती सूत्रांनी दिली. राज्यातील पक्षांतर्गत गटबाजीमुळे नवीन चेहऱ्याला प्रदेशाध्यक्ष पदाची संधी मिळावी आणि सरकार व पक्षातील अन्य जबाबदारीमुळे ते हे पद सोडण्याची शक्यता असल्याची चर्चा सुरु होती. मात्र त्यात काहीच तथ्य नसल्याचे काँग्रेसच्या सूत्रांकडून समजते. राज्यातील काँग्रेसच्या प्रदेशाध्यक्ष पदासाठी मराठवाड्यातील , अमित देशमुख, विदर्भातील यशोमती ठाकूर ,नाना पटोले, विजय वड्डेटीवार, पुणे जिल्ह्यातील संग्राम थोपटे यांची नावे चर्चेत आहेत. 'थोरात यांनी प्रदेशाध्यक्षपदाचा राजीनामा दिला नसल्यामुळे त्या नावांच्या चर्चेत काय अर्थ आहे,' असा प्रश्न काँग्रेसच्या एका माजी आमदाराने केला.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
0 Comments: