दरोडेखोरांच्या धुमाकूळाने महाराष्ट्र हादरून टाकणाऱ्या 'त्या' गावात पुन्हा चोरी

January 30, 2022 Marathi 0 Comments

औरंगाबादः गेल्यावर्षी औरंगाबादच्या पैठण तालुक्यातील तोंडोळी गावात दरोडेखोरांनी एका शेत वस्तीवर धुमाकूळ घालत दोन महिलांवर अत्याचार केला होता. या घटनेनंतर महाराष्ट्र हादरून गेला होता. आता त्यात तोंडोळी गावात पुन्हा एकदा चोरीच्या घटना समोर आल्या असून, गावकऱ्यांनी चोरी करणाऱ्या एका चोरट्याला पकडत चांगला चोप दिला आहे. मारहाण केल्यानंतरचा एक व्हिडिओ सुद्धा समोर आला आहे. गेल्यावर्षी १९ ऑक्टोबर रोजी तोंडोळी गावात एकूण सात दरोडेखोरांनी एका शेतवस्तीवर दरोडा टाकत दोन महिलांवर अत्याचार केला होता. या घटनेचे पडसाद महाराष्ट्रभरात उमटतांना पाहायला मिळाले होते. त्यानंतर गावात मोठं दहशतीचे वातावरण होते. त्यातच आता त्याच गावात २९ जानेवारी रोजी गावातील दोन घरात चोरी झाल्याचं समोर आल्याने गावकऱ्यांमध्ये भीतीचे वातावरण निर्माण झाले आहे. वाचाः गावकऱ्यांनी चोराला पकडून दिला चोप... तोंडोळी गावात २९ जानेवारीला गावातील अब्दुल अकिल शेख आणि दादासाहेब मस्के यांच्या घरात रात्री तीन वाजेच्या सुमारास चोरी झाली. त्यानंतर गावकरी जागी झाले आणि चोरी करणाऱ्या गोरख ड्रायव्हर चव्हाण याला पकडलं. त्याला गावकऱ्यांनी बेशुद्ध होईपर्यंत मारलं. त्यानंतर पोलिसांच्या ताब्यात दिले. आरोपीकडे चोरीचा मुद्देमाल सुद्धा सापडला असून ल, त्यासोबत आणखी दोन साथीदार असण्याची शक्यता सुद्धा पोलिसांना आहे. मात्र या घटनेनंतर गावकऱ्यांना पुन्हा एकदा ऑक्टोबर महिन्याची आठवण झाली. वाचाः