नगर-पुणे हायवेवरून प्रवास करणाऱ्यांसाठी महत्त्वाची बातमी

December 28, 2021 Marathi 0 Comments

अहमदनगर: पुणे जिल्ह्यातील कोरेगाव भीमाजवळील विजयस्तंभाला अभिवादन करण्यासाठी १ जानेवारीला मोठी गर्दी होते. त्यामुळे ३१ डिसेंबरच्या सायंकाळपासून १ जानेवारीच्या मध्यरात्रीपर्यंत नगर-पुणे महामार्गावरील वाहतुकीत बदल करण्यात आले आहेत. पुणे पोलिसांनी यासंबंधीचा आदेश जारी केला आहे. पुणे आणि मुंबईहूनही नगरकडे येणाऱ्या आणि जाणाऱ्या वाहतुकीत २९ तासांसाठी हे बदल करण्यात आलेले आहेत. वाचा: दरवर्षी येथे मोठी गर्दी होत असते. करोनाच्या पार्श्वभूमीवर गेल्यावर्षी निर्बंध होते. यावर्षी निर्बंध काहीसे शिथील असल्याने पुन्हा गर्दी होण्याची शक्यता आहे. भाविकांनी गर्दी करू नये, असे आवाहन करण्यात आलेले असले तरी गर्दी होण्याची शक्यता आहे. त्यामुळे तेथे येणाऱ्या भाविकांसाठी ठिकठिकाणी वाहनतळांची व्यवस्था करण्यात आली आहे. मात्र, यामुळे नगर-पुणे महामार्गावरील वाहतूक ठप्प होते. त्यामुळे ती अन्य मार्गाने वळविण्यात आली आहे. यासाठी मोठा पोलिस बंदोस्तही तैनात करण्यात आला आहे. असे आहेत पर्यायी मार्ग

• पुण्याहून नगरकडे जाणारी वाहतूक खराडी बायपास- केडगाव - चौफुली - न्हवरा - शिरूरमार्गे नगरकडे. नगरहून पुण्याकडे जाताना याच मार्गे वाहने जातील.

• मुंबईहून नगरकडे येणारी जड वाहतूक वडगाव मावळ - चाकण - खेड - मंचर – नारायणगाव- आळेफाटा – नगर. नगरहून मुंबईकडे जाणाऱ्यांनाही याच रस्त्याने जावे लागेल.

• मुंबईहून नगरकडे जाणारी इतर वाहने चाकण - खेड - पाबळ - शिरूरमार्गे नगरकडे.

• सोलापूरहून चाकणकडे जाणारी वाहतूक खराडी बायपास- विश्रांतवाडी - आळंदीमार्गे चाकण