दुकानांच्या मराठी पाट्यात गैर काय ?, सरकारी निर्णयावर संमिश्र प्रतिक्रिया

January 15, 2022 0 Comments

औरंगाबाद : दुकानांना मराठी पाट्या लावण्याच्या शासन निर्णयावर उलटसुलट चर्चा सुरू आहे. मराठी पाट्यांच्या माध्यमातून मुलांवर भाषेचा नकळत संस्कार होतो. स्थानिक भाषेच्या जतनासाठी तिचा वापर वाढवणे गरजेचे आहे, असे जिल्हा मराठी भाषा समितीने म्हटले आहे. शासन निर्णयापूर्वी जिल्हा मराठी भाषा समितीच्या बैठकीत दुकानांच्या पाट्या मराठीत असण्यावर चर्चा झाली होती. राज्यात आस्थापनांना मराठी पाट्या बंधनकारक करण्यात आल्या आहेत. राज्य शासनाच्या मराठी भाषेला बळकटी देण्याच्या निर्णयावर संमिश्र प्रतिक्रिया उमटल्या आहेत. आगामी निवडणुकीच्या पूर्वतयारीसाठी महाविकास आघाडी सरकारने भाषिक अस्मितेचा मुद्दा ऐरणीवर आणल्याची चर्चा आहे. तर महानगरात दिवसेंदिवस मराठी भाषेची स्थिती दयनीय होत असल्यामुळे मराठीसाठी आग्रही असणे चूक नसल्याच्या प्रतिक्रिया विविध स्तरातून उमटल्या आहेत. दाक्षिणात्य राज्यात आस्थापनांसाठी स्थानिक भाषा बंधनकारक आहे. इतर भाषांना विरोध नसला तरी स्थानिक भाषेत दुकानाची पाटी बंधनकारक असते. महाराष्ट्रात इंग्रजी, हिंदी, गुजराती भाषांसह सीमावर्ती भागात तेलुगू, कन्नड भाषेत पाट्या आहेत. स्थानिक भाषा दुर्लक्षित असल्यामुळे शासन निर्णय काढण्यात आला आहे. शासन व्यवहारासह इतरत्र मराठीचा प्रभावी वापर वाढविण्यासाठी राज्य स्तरावर भाषा सल्लागार समिती आणि जिल्हा स्तरावर जिल्हा मराठी भाषा समिती समन्वय करीत आहे. मराठी पाट्या लावण्याच्या नव्या निर्णयाचे समितीच्या सदस्यांनी स्वागत केले आहे. औरंगाबाद जिल्हा समितीच्या सदस्यांनी मराठी पाट्यांच्या मुद्द्याला यापूर्वीच सहमती दाखवली होती. तसेच मराठी भाषा पंधरवडा औपचारिक साजरा न करता भरीव कार्यक्रम घेण्यावरही चर्चा केली होती. दरम्यान, मराठी पाट्यांचा निर्णय राजकीय प्रभावाने प्रेरित आहे. निवडणुकीपुरता हा मुद्दा चर्चेत असतो. कालांतराने त्याची पुरेशी अंमलबजावणी होत नाही. मराठी शाळा, मराठी माध्यमे, मराठी कला यांना प्रोत्साहन देण्यासाठी राज्य शासनाने प्रयत्न करण्याची गरज आहे. त्यातून खऱ्या अर्थाने मराठीचे संवर्धन होईल, अशा प्रतिक्रिया उमटल्या आहेत. जिल्हा मराठी भाषा समितीच्या पहिल्या बैठकीत मराठी पाट्यांचा मुद्दा मांडला होता. त्याबाबत पत्र काढण्यावर चर्चा झाली होती. शासनाचा निर्णय स्तुत्य आहे. मराठी पाट्यांच्या निमित्ताने लहान मुलांवर कळत-नकळत भाषेचा संस्कार होईल. दोन भाषेत पाटी ठेवण्यास कुणाचा विरोधही नाही. डॉ. कैलास अंभुरे, सदस्य, जिल्हा मराठी भाषा समिती


from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times
Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,

Amol Kote

Some say he’s half man half fish, others say he’s more of a seventy/thirty split. Either way he’s a fishy bastard.

0 Comments:

Subscribe to: Post Comments (Atom)