सावधान! आता मंगळसूत्र चोर दुचाकीवरून नव्हे, असेही येत आहेत!
विजयसिंह होलम । अहमदनगर दुचाकीवरून ‘धूम स्टाईल’ने येत महिलांच्या गळ्यातील मंगळसूत्र चोरीच्या नगर, नाशिक, पुण्यातून सुरू झालेल्या घटना राज्यभर पसरल्या आहेत. त्यामुळे पोलिसांना सायंकाळच्या वेळी अशा दुचाकींवर लक्ष ठेवण्यास सुरुवात केली. मात्र, मंगळसूत्र चोरांनी आता आपली पद्धत बदलली असल्याचे नगरमधील घटनेवरून दिसून येते. दुचाकीवरून नव्हे तर सकाळी धावत येत जॉगिंगसाठी निघालेल्या महिलेच्या गळ्यातील दागिने हिसकावून नेल्याची घटना नगरमध्ये घडली आहे. भल्या सकाळी पायी फिरायला गेलेल्या एकट्या महिलेला गाठून रस्त्याने धावत येत गळ्यातील दागिने हिसकावून पळून जाण्याची नवी पद्धत नगरला पहायला मिळाली. नगर-पुणे रोडवरील विनायकनगर येथे निर्मला सदाशिव भोळकर (वय ४९ रा. विनायकनगर) या ज्येष्ठ नागरिक भवनकडे जाणार्‍या रोडने पायी निघाल्या होत्या. त्यावेळी समोरून एक तरुण धावत आला. त्याने अंगात जर्किंन व डोक्यात चेहरा झाकला जाईल, अशी टोपी घातली होती. तो धावत होता. त्यामुळे तोही व्यायाम करण्यासाठी आला असावा, असा भोळकर यांचा समज झाला. काही क्षणात तो त्यांच्याजवळ आला. त्यांना धक्का दिल्याने त्या खाली पडल्या. तेव्हा त्या तरुणाने त्यांच्या गळ्यातील ४० हजार रुपये किमतीचे मंगळसूत्र हिसकावून नेले. भोळकर यांनी आरडाओरड केली. मात्र, त्या रस्त्यावर एवढ्या सकाळी नागरिक नव्हते. तोपर्यंत तो तरुण काही वेळातच पुढे धावत जाऊन दिसेनासा झाला. भोळकर यांनी पोलिसांत फिर्याद दिली आहे. पोलिसांनी गुन्हा दाखल करून तपास सुरू केला आहे. वाचा: आतापर्यंत अशा मंगळसूत्र चोरीच्या घटना सायंकाळच्या वेळी घडल्याचे पहायला मिळाले. फिरायला, देवदर्शनासाठी, बाजारात जाण्यासाठी बाहेर पडलेल्या महिलांच्या गळ्यातील दागिने चोरटे हिसकावून नेतात. भरधाव वेगात दुचाकीवरून येणारे चोरटे काही क्षणात दागिने हिसकावून पसार होतात. अशा अनेक चोरट्यांना, त्यांच्या टोळ्यांना ठिकठिकाणी पोलिसांनी अटक केली. सायंकाळी गस्त घालण्याचे प्रयोग झाले. महिलांना सावध करण्यासाठी त्यांचे प्रबोधन करण्यात आले. त्यामुळे मधल्या काळात तसेच करोनामुळे संचारबंदीच्या काळात अशा घटना लक्षणीयरित्या कमी झाल्या होत्या. आता त्या पुन्हा सुरू झाल्या असून धावत येऊन दागिने हिसकावण्याचा हा नवा प्रकार समोर आला आहे. वाचा:
from Ahmednagar News | अहमदनगर बातम्या | Ahmednagar News in Marathi | Ahmednagar Local News - Maharashtra Times
Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,
Posts
0 Comments: