राष्ट्रवादी काँग्रेसचा राजीनामा देणाऱ्या आमदाराला 'या' पक्षाकडून ऑफर

December 08, 2021 Marathi 0 Comments

औरंगाबादः राष्ट्रवादी काँग्रेसचे विधान परिषदेतील आमदार व परभणीचे जिल्हाध्यक्ष यांनी आपल्या जिल्हाध्यक्षपदाचा राजीनामा दिला असून पक्षातील अंतर्गत गटबाजीला कंटाळून त्यांनी हा निर्णय घेतला असल्याचं बोललं जात आहे. त्यातच आता राष्ट्रवादीचा राजीनामा देणाऱ्या दुर्राणी यांना एमआयएममध्ये येण्याची ऑफर एमआयएमचे खासदार इम्तियाज जलील यांनी दिली आहे. जिल्ह्यातील काही नेते पक्षातील अंतर्गत गटबाजीला खतपाणी घालत असल्याचा आरोप दुर्राणी यांनी राजीनामा देताना केला होता. त्यानंतर त्यांनी प्रदेशाध्यक्ष जयंत पाटील यांची भेट सुद्धा घेतली होती. पण याच वेळ उपमुख्यमंत्री अजित पवार यांनी दुर्राणी यांना भेट देण्याचं टाळलं असल्याची चर्चा होती. त्यामुळे नाराज दुर्राणी काँग्रेसमध्ये जाणार असल्याची सुद्धा चर्चा सुरू आहे. पण ही सर्व चर्चा सुरू असतानाच खासदार जलील यांनी दुर्राणी यांना एमआयएममध्ये येण्याची ऑफर दिली आहे. आपल्या फेसबुक अकाउंटच्या पोस्टमध्ये लिहिताना जलील म्हणाले की, 'बाबाजाणी आम्ही तुमचं एमआयएममध्ये स्वागत करू. आमच्या पार्टीत सामील होऊन पहा तुम्हाला किती प्रेम मिळतं. ज्या पक्षात सन्मान नाही अशा पक्षात राहण्यात अर्थ नाही, असं जलील म्हणाले आहे. वाचाः त्यामुळे बाबाजाणी दुर्राणींना एकीकडे काँग्रेसमध्ये जाण्याची चर्चा आणि त्यात आता एमआयएमकडून मिळालेली ऑफर अशा परिस्थितीत बाबाजाणी काय निर्णय घेतात किंवा पुन्हा राष्ट्रवादीतच कायम राहणार का? हे पाहणं महत्त्वाचं ठरणार आहे. वाचाः दरम्यान, पक्षातील गटबाजीमुळे राजीनामा दिल्याचं दुर्रानी यांनी म्हटलं होतं. दरम्यान राजीनाम्यानंतर दुर्रानी काय भूमिका घेतात याकडे सर्वांचे लक्ष होते. राष्ट्रवादी सोडल्यानंतर दुसऱ्या पक्षात प्रवेश करणार असल्याच्या चर्चा रंगल्या होत्या. दुर्रानी यांनी त्यांची भूमिका स्पष्ट करत चर्चांना पूर्णविराम दिला आहे. राजीनामा दिला असला तरी राष्ट्रवादीतच राहणार असल्याचं दुर्रानी यांनी स्पष्ट केलं.