ठाकरे सरकारची चिंता वाढली! महसूलमंत्री बाळासाहेब थोरात यांनाही करोनाची लागण

December 31, 2021 Marathi 0 Comments

अहमदनगर: राज्याचे महसूलमंत्री व काँग्रेसचे ज्येष्ठ नेते () यांना करोनाची लागण झाली आहे. ट्वीट करून त्यांनी गुरुवारी रात्री ही माहिती दिली. ओमिक्रॉन व्हेरिएंट राज्यात पसरू लागल्यानंतर करोना चाचणी पॉझिटिव्ह आलेले थोरात हे चौथे मंत्री ठरले आहेत. त्यामुळं ठाकरे सरकारची चिंता वाढली आहे. 'माझी करोना चाचणी पॉझिटिव्ह आलेली आहे. मला कोणतीही लक्षणं नाहीत, तरीही डॉक्टरांच्या सल्ल्यानं मी पुढील उपचार घेणार आहे. माझ्या संपर्कात आलेल्यांनी आपली करोना चाचणी करून घ्यावी. सर्वांनी मास्क वापरावा व आरोग्याची काळजी घ्यावी, असं आवाहन त्यांनी ट्वीटच्या माध्यमातून केलं आहे. नगर जिल्ह्यातील भाजपचे ज्येष्ठ नेते राधाकृष्ण विखे पाटील व उर्जा राज्यमंत्री प्राजक्त तनपुरे यांचा करोना अहवाल देखील पॉझिटिव्ह आला आहे. तनुपरे यांना तर दुसऱ्यांदा करोनाची लागण झाली आहे. शालेय शिक्षणमंत्री वर्षा गायकवाड व आदिवासी विकास मंत्री के सी पाडवी यांचे अहवालही करोना पॉझिटिव्ह आले आहेत. नुकत्याच झालेल्या हिवाळी अधिवेशनाला त्यांनी उपस्थिती लावली होती. त्यामुळं चिंता वाढली आहे. वाचा: ओमिक्रॉन व्हेरिएंटचा (Omicron Variant) धोका टाळण्यासाठी राज्य सरकारनं पावलं उचलायला सुरुवात केली आहे. नववर्षाच्या स्वागतासाठी लोकांनी गर्दी करू नये व करोनाचा संसर्ग वाढू नये म्हणून राज्यभरात काही प्रमाणात निर्बंध घालण्यात आले आहेत. प्रकृतीच्या तक्रारी असल्यास प्रत्येकानं आपली करोना चाचणी करून घ्यावी असं आवाहन केलं जात आहे. त्या पार्श्वभूमीवर चाचण्यांचं प्रमाण वाढलं असून रुग्णांचं प्रमाणही वाढत आहे. वाचा: करोनाच्या दुसऱ्या व तिसऱ्या लाटेत अनेक राजकीय नेते व लोकप्रतिनिधींना करोनाची लागण झाली होती. त्यापैकी बहुतेकांनी करोनावर यशस्वीरित्या मात केली होती. आता पुन्हा एकदा करोनाचा संसर्ग वाढू लागल्यानं काळजी घेण्याची गरज व्यक्त केली जात आहे.