काँग्रेस देणार भाजपला धक्का? माजी आमदाराला गळाला लावण्याचे प्रयत्न सुरू

November 18, 2021 Marathi 0 Comments

: पक्ष संघटनेला बळकटी देण्यासाठी पक्षाचे प्रदेशाध्यक्ष यांच्याकडून प्रयत्न सुरू आहेत. याच प्रयत्नांचा एक भाग म्हणून अन्य पक्षातील नेते आपल्याकडे खेचण्यासाठीही पटोले यांच्याकडून चाचपणी केली जात आहे. अशातच जळगाव जिल्ह्यातील अमळनेर मतदारसंघाचे माजी आमदार शिरीष चौधरी यांना गळाला लावण्याचा प्रयत्न कॉंग्रेस करत असल्याचं समोर आलं आहे. काँग्रेस प्रदेशाध्यक्ष नाना पटोले आणि माजी आमदार चौधरी यांची मुंबईत भेट झाल्याची माहिती समोर आली असून चौधरी हे काँग्रेस पक्षात प्रवेश करणार असल्याची चर्चाही खानदेशात जोरात सुरू आहे. याबाबत काँग्रेस पक्षाकडून आणि चौधरी यांच्याकडून कुठलीही अधिकृत माहिती देण्यात आली नाही. मात्र धुळे व नंदुरबार स्थानिक स्वराज्य संस्थांच्या निवडणुकीची उमेदवारी चौधरी यांना देण्यासाठी काँग्रेस प्रयत्न करत असल्याची माहिती सूत्रांनी दिली आहे. या निवडणुकीत भाजपकडून आमदार अमरीश पटेल यांना उमेदवारी देण्यात आली आहे. पटेल यांचं पारडं जड असलं तरी, महाविकास आघाडीला त्यांच्या विरोधात तुल्यबळ उमेदवार द्यायचा आहे. त्यादृष्टीने काँग्रेसकडून प्रयत्नही केले जात आहेत. याच प्रयत्नांचा एक भाग म्हणून माजी आमदार शिरीष चौधरी यांना काँग्रेस पक्षात घेण्यासाठी प्रयत्न होत असल्याचं बोललं जात आहे. याबाबत माजी आमदार चौधरी यांना विचारणा केली असता, नाना पटोले यांच्याशी भेट झाल्याचं त्यांनी मान्य केलं आहे. मात्र काँग्रेस पक्षात प्रवेश करण्याबाबत कुठलाही निर्णय अथवा चर्चा झाली नसल्याचं त्यांनी स्पष्ट केलं आहे. दरम्यान, शिरीष चौधरी हे नेते आणि विधानसभेचे विरोधी पक्षनेते देवेंद्र फडणवीस आणि माजी मंत्री आमदार गिरीश महाजन यांचे निकटवर्तीय मानले जातात. आक्रमक भूमिका घेण्यासाठी चौधरी यांचा लौकिक आहे. चौधरी यांचा काँग्रेस प्रवेश झाल्यास भाजपला मोठा धक्का बसणार आहे. तसंच खानदेशातील राजकीय वातावरण ढवळून निघणार आहे. एकतर्फी वाटणारी धुळे-नंदुरबार जिल्हा स्थानिक स्वराज्य संस्थेची निवडणूक चुरशीची होणार असं या राजकीय हालचालीवरून आता दिसून येत आहे.