क्रूझवरून कोणाला पकडलं, कोणाला सोडलं?; NCBने 'तो' आरोप फेटाळला

October 10, 2021 Marathi 0 Comments

मुंबई: नार्कोटिक्स कंट्रोल ब्युरोने कॉर्डेलिया क्रूझवर टाकलेल्या छाप्यात एकूण ११ जणांना ताब्यात घेतले होते आणि त्यातील तीन जणांना नंतर सोडण्यात आले, असा दावा करत राज्याचे अल्पसंख्याक मंत्री व राष्ट्रवादी काँग्रेसचे प्रवक्ते यांनी एनसीबीच्या कार्यपद्धतीवर पुन्हा एकदा प्रश्नचिन्ह उपस्थित केलं असतानाच एनसीबीने लगेचच पत्रकार परिषद घेत मलिक यांचा आरोप फेटाळला आहे. ( ) वाचा: एनसीबीचे उपमहासंचालक ज्ञानेश्वर सिंह आणि मुंबई विभागीय संचालक यांनी पत्रकार परिषद घेत मलिक यांनी केलेल्या आरोपांवर एनसीबीची बाजू स्पष्ट केली. राष्ट्रवादी काँग्रेस पक्षाकडून एनसीबीवर जे आरोप करण्यात आले आहेत ते निराधार आहेत. एका निष्पक्ष यंत्रणेवर असे आरोप करणे ही खेदाची बाब आहे. एनसीबीने २ ऑक्टोबर रोजी क्रूझवर जो छापा टाकला होता, ती कारवाई नियमांनुसारच करण्यात आलेली आहे. या प्रकरणात चौकशीनंतरच आरोपींना अटक करण्यात आली आहे, असे ज्ञानेश्वर सिंह यांनी सांगितले. ही व्यावसायिकपणे काम करणारी तपास यंत्रणा आहे. आमच्या पथकाने गुप्त माहितीच्या आधारे क्रूझवर छापा टाकला. यात एकूण १४ जणांना ताब्यात घेण्यात आले होते. त्यानंतर चौकशीत ज्यांच्याबाबत कोणताही पुरावा आढळला नाही त्या ६ जणांना सोडण्यात आले तर अन्य आठ जणांवर अटकेची कारवाई करण्यात आली, असेही सिंह यांनी नमूद केले. वाचा: नवाब मलिक यांनी केलेले सर्व आरोप खोटे आहेत. भाजपशी संबंधित कोणत्याही व्यक्तीला सोडण्यात आलेले नाही. व्यक्ती कोण आहे हे पाहून एनसीबी काम करत नाही, असे सिंह यांनी स्पष्ट केले. एकूण ९ पंच साक्षीदार या प्रक्रियेत होते. त्यात मनीष भानुशाली आणि के. पी. गोसावी यांचाही समावेश होता. हे पंच कारवाईवेळी आमच्या पथकासोबत होते. हा छापा टाकण्यापूर्वी यातील कोणत्याही पंचाशी आमचा कोणताही अधिकारी संपर्कात नव्हता, असेही सिंह यांनी स्पष्ट केले. क्रूझवरील कारवाईत अटक करण्यात आलेल्या व एनसीबी कोठडीत असलेल्या कोणत्याही आरोपीला चुकीचा वागणूक देण्यात आलेली नाही. कायद्याच्या चौकटीत राहूनच त्यांची चौकशी सुरू आहे, असेही सिंह यांनी सांगितले. वाचा: दरम्यान, नवाब मलिक यांनी आज दुसऱ्यांदा या प्रकरणावर पत्रकार परिषद घेतली व एनसीबीवर नव्याने आरोप केले. ही कारवाईच फेक असल्याचा दावा करणाऱ्या मलिक यांनी आज आणखी तीन नावे घेत एनसीबीला लक्ष्य केले. एनसीबीने क्रूझवरील छाप्यात एकूण ११ जणांना ताब्यात घेतले होते. त्यातील रिषभ सचदेव, प्रतीक गाबा आणि आमीर फर्निचरवाला या तीन जणांना त्याच रात्री सोडण्यात आले होते. नेमकं कोणत्या कारणामुळे यांना ताब्यात घेतलं आणि कोणत्या कारणामुळे सोडलं, याचं उत्तर एनसीबीने द्यायचा हवे. यातील रिषभ सचदेव हा भाजप युवा मोर्चाचे माजी अध्यक्ष यांचा मेव्हणा आहे. तर गाबा आणि फर्निचरवाला यांच्या बोलावण्यावरूनच शाहरुख खानचा मुलगा या पार्टीला गेला होता, असा दावा मलिक यांना केला. भाजपच्या नेत्यांचे फोन गेल्यानंतर सचदेव व अन्य दोघांना सोडण्यात आले आहे. त्यामुळे रिषभ सचदेवचे वडील आणि समीर वानखेडे यांचे फोन कॉल डीटेल्स तपासले गेले पाहिजेत, अशी मागणी मलिक यांनी केली. वाचा: