ड्रग्ज पार्टीतील ती राजकीय व्यक्ती कोण?; वानखेडे यांनी दिले 'हे' उत्तर

October 10, 2021 Marathi 0 Comments

मुंबई: मुंबईजवळ समुद्रात क्रूझवर नार्कोटिक्स कंट्रोल ब्युरोने टाकलेला छापा अनेक कारणांनी सध्या चर्चेत आहे. या कारवाईवरून मंत्री आणि राष्ट्रवादी काँग्रेसचे प्रवक्ते यांनी थेट एनसीबीवरच गंभीर आरोप केल्याने प्रकरणाला वेगळे वळण लागले आहे. अशावेळी आज एनसीबीच्या पत्रकार परिषदेत एका पत्रकाराने प्रश्न विचारताना थेट महाराष्ट्रातील एका राजकीय व्यक्तीचे नाव घेतल्याने नवी चर्चा सुरू झाली. मुख्य म्हणजे या प्रश्नावर एनसीबीचे मुंबई विभागीय अधिकारी यांनी नेमके उत्तर दिले. दरम्यान, विरोधी पक्षनेते देवेंद्र फडणवीस यांनी याप्रकरणी महत्त्वाचा दावा केला आहे. एनसीबीने ज्या लोकांना सोडले त्यात राष्ट्रवादी काँग्रेसच्या वरिष्ठ नेत्याच्या मुलाचा जवळचा माणूसही होता. मात्र, तो क्लीन असल्याने त्याला सोडले गेले, असे फडणवीस म्हणाले. ( ) वाचा: मंत्री नवाब मलिक यांनी आज दुसऱ्यांदा पत्रकार परिषद घेत क्रूझवरील पार्टीवर करण्यात आलेल्या कारवाईच्या अनुषंगाने आरोप केले. एनसीबीच्या अधिकाऱ्यांनी एकूण ११ जणांना क्रूझवरून ताब्यात घेतले होते आणि त्यातील तीन जणांना नंतर सोडण्यात आले व बाकीच्या ८ जणांना अटक करण्यात आली, असा आरोप मलिक यांनी केला. या तिघांची नावेही मलिक यांनी सांगितली व भाजप नेत्यांचे फोन गेल्याने त्यांना सोडण्यात आले, असा आरोप केला. एनसीबीने तातडीने पत्रकार परिषद घेत मलिक यांचे हे सर्व आरोप फेटाळले. यावेळी एका पत्रकाराने महाराष्ट्रातील एका राजकीय नेत्याच्या मुलाबाबत प्रश्न विचारला. ज्या लोकांना ताब्यात घेतल्यानंतर सोडण्यात आले त्यात ही व्यक्ती होती का?, असा प्रश्न विचारला असता त्यावर एनसीबीचे मुंबई विभागीय संचालक समीर वानखेडे यांनी उत्तर दिले. वाचा: एनसीबीने क्रूझवरून एकूण १४ जणांना ताब्यात घेतले होते. त्यातील ६ जणांना पुराव्याअभावी सोडण्यात आले. नेमके कोणाला सोडले हे सांगता येणार नाही. कारण हा तपासाचा भाग आहे. ज्यांना अटक केलेली नाही त्यांची नावे घेणे योग्य ठरणार नाही. तुम्ही जे नाव घेत आहात त्याबाबत मला काहीही सांगता येणार नाही. एनसीबी एक जबाबदार तपास यंत्रणा आहे. त्यामुळे एका चौकटीत राहूनच तुम्हाला माहिती देता येईल. जे पेपरवर आहे ते मी तुम्हाला सांगू शकतो. पुराव्याशिवाय मला बोलता येणार नाही, असे नमूद करत याप्रकरणी ताब्यात घेऊन ज्यांना सोडण्यात आले त्यांची नावे सांगण्यास वानखेडे यांनी नकार दिला. वाचा: दरम्यान, एनसीबीने क्रूझवरील छाप्यात ११ जणांना ताब्यात घेतले होते. त्यापैकी रिषभ सचदेव, प्रतीक गाबा आणि आमीर फर्निचरवाला या तिघांना त्याच रात्री सोडण्यात आले होते. नेमकं कोणाच्या सांगण्यावरून त्यांना सोडलं, असा सवाल मलिक यांनी केला आहे. हा भाजप युवा मोर्चाचे माजी अध्यक्ष मोहित कंबोज यांचा मेव्हणा आहे तसेच तर प्रतीक गाबा आणि आमीर फर्निचरवाला यांच्या बोलावण्यावरूनच अभिनेता शाहरुख खानचा मुलगा या पार्टीला गेला होता, असा दावा नवाब मलिक यांना केला आहे. वाचा: