जिममध्ये पंख्याला लटकलेल्या अवस्थेत सापडला कारागिराचा मृतदेह; हत्या की आत्महत्या?
: जिममध्ये फर्निचरचे काम करण्यासाठी १ लाख रुपये अॅडव्हान्स दिल्यानंतरही वेळेत काम पूर्ण न केल्याने ठेकेदारासह त्याच्या तिन्ही कामगारांना जिममध्ये तीन दिवस कोंडून ठेवलं आणि काम पूर्ण करण्याचे फर्मान जिम मालकाने दिले होते. मात्र आपल्यामुळे कामगारांना त्रास नको म्हणून बाथरूमच्या खिडकीतून कामगारांना बाहेर धाडत ठेकेदाराने तीन दिवसात काम पूर्ण केले. मात्र चौथ्या दिवशी त्याचा जिममधील पंख्याला लटकलेल्या अवस्थेत मृतदेह सापडल्याने खळबळ उडाली आहे. याप्रकरणी सदर ठेकेदार पुनालाल चौधरी याच्या नातेवाईकांनी त्याची हत्या करून मृतदेह टांगून ठेवल्याचा आरोप करत मृतदेह ताब्यात घेण्यास नकार दिला आहे. या घटनेनंतर आत्महत्येस प्रवृत्त केल्याचा ठपका ठेवत गुन्हा दाखल करण्यात आला असून तपास सुरू असल्याचं कोळसेवाडी पोलीस ठाण्याचे वरिष्ठ पोलीस निरीक्षक बशीर शेख यांनी सांगितलं. तिसगाव नाक्यावरील फिटनेस एम्पायर जिममधील फर्निचरचे काम करण्यासाठी मालक वैभव परब याने पुनालाल चौधरी याला १ लाख रुपये दिले होते. मात्र दिलेल्या वेळेत काम पूर्ण न झाल्याने संतापलेल्या वैभव याने काम करण्यासाठी आलेल्या रमेश, गोगाराम आणि चोलाराम या पुनाराम यांच्या तिन्ही कामगारांना १८ ऑक्टोबर रोजी जिममध्ये कोंडून ठेवलं आणि जोपर्यंत काम पूर्ण होत नाही तोपर्यंत शटर उघडणार नाही, असं सांगितलं. १९ ऑक्टोबरला पुनाराम हे फर्निचरचे उरलेले सामान घेऊन परतताच त्यालाही या तीन कामगाराबरोबर वैभव याने जिममध्ये कोंडून ठेवलं. तसंच बेदम मारहाण करत काम पूर्ण न केल्यास दिलेले पैसे परत कर अशी धमकी दिली. यामुळे घाबरलेल्या पुनाराम याने तिन्ही कामगारांना बाथरूमच्या खिडकीतून बाहेर पाठवलं आणि स्वत: जिममध्ये काम करत थांबला होता. मात्र २२ ऑक्टोबर रोजी पुनाराम याने जिममधील पंख्याला गळफास घेत आत्महत्या केल्याचं पोलिसांनी त्यांच्या नातेवाईकांना सांगितलं. मात्र वैभव याने केलेल्या मारहाणीमुळे आणि दिलेल्या त्रासामुळेच त्याचा मृत्यू झाल्याचा आरोप करत नातेवाईकांनी मृतदेह ताब्यात घेण्यास नकार दिल्याने शनिवार संध्याकाळपर्यत मृतदेह रुक्मिणीबाई रुग्णालयाच्या शवागृहात ठेवण्यात आला होता. दरम्यान, या प्रकरणी जिममालक वैभव परब याच्याविरोधात आत्महत्येचा गुन्हा दाखल करत तपास सुरू केल्याचं वरिष्ठ पोलीस निरीक्षक बशीर शेख यांनी सांगितलं आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,
Posts
0 Comments: