कोर्टात नेमकं काय घडलं?; आर्यनसाठी रोहतगी युक्तिवाद करत असतानाच...

October 29, 2021 Marathi 0 Comments

मुंबई: अभिनेता शाहरुख खान याचा मुलगा याने मुंबई हायकोर्टात केलेल्या जामीन अर्जावरील सुनावणी लांबल्याने आज त्याला जामीन मिळणार की नाही, याबाबतची उत्सुकता ताणली गेली होती. गेले दोन दिवस आर्यनच्या जामीन अर्जावर सुनावणी पूर्ण होऊ शकली नव्हती आणि आजही हायकोर्टाच्या कामकाजाची वेळ समाप्त होण्यास काही अवधीच उरला असतानाही सुनावणी सुरूच होती. दरम्यान, आर्यनच्या वतीने अखेरचा युक्तिवाद करत होते त्याचवेळी न्यायमूर्तींनी जामीनाची 'ब्रेकिंग न्यूज' दिली आणि कोर्टात सर्वांचीच धांदल उडाली. ( ) वाचा: आर्यन खान प्रकरणात न्यायमूर्ती यांच्यासमोर आज दुपारी तीन वाजताच्या सुमारास सुनावणी सुरू झाली. एनसीबीतर्फे अतिरिक्त महान्यायअभिकर्ता यांनी युक्तिवाद केला. आरोपी आर्यन खान हा अमलीपदार्थांच्या व्यसनात नव्यानेच अडकला आहे, असे नाही. तो किमान दोन वर्षांपासून व्यसन करत आहे, असे सिंग यांनी नमूद केले. व्हॉट्सअ‍ॅप चॅटवर बोट ठेवत आर्यनने अमलीपदार्थांचा व्यापार करण्याचा प्रयत्न केल्याचे व तो या रॅकेटमध्ये सहभागी असल्याचे स्पष्ट होते, असा दावा सिंग यांनी केला व जामिनास जोरदार विरोध केला. त्याच्यासह व मूनमून धामेचा यांच्या जामिनासही सिंग यांनी विरोध केला. वाचा: एनसीबीतर्फे अनिल सिंग यांचा युक्तिवाद पूर्ण झाल्यानंतर आर्यन खानतर्फे मुकुल रोहतगी यांनी सायंकाळी ४.२५ वाजता पुन्हा प्रत्युत्तरादाखल आपला अखेरचा युक्तिवाद सुरू केला. साधारण १५ मिनिटे त्यांनी युक्तिवाद मांडून कटकारस्थानात सहभागी असल्याचा एनसीबीचा आरोप कसा कायदेशीरदृष्ट्या चुकीचा आहे, हे अत्यंत जोरकसपणे मांडले. त्यांचा पुढेही युक्तिवाद सुरू असतानाच अचानक न्यायमूर्ती नितीन सांब्रे यांनी तिन्ही अर्ज मान्य करत असल्याचे जाहीर केले आणि न्यायालय खोलीत एकच गलका झाला. अचानक आलेली ब्रेकिंग न्यूज देण्यासाठी प्रसारमाध्यमांच्या प्रतिनिधींची धांदल उडाली. तर दुसरीकडे मुकुल रोहतगी यांनी आदेशाची प्रत लवकर मिळावी, अशी विनंती न्यायमूर्तींना केली. मात्र, इतरही अनेक प्रकरणांचे आदेश लिहायचे असल्याने त्वरित आदेशाची प्रत देणे शक्य होणार नाही, उद्या संध्याकाळपर्यंत संपूर्ण आदेशाची प्रत उपलब्ध होऊ शकेल, असे न्या. सांब्रे यांनी रोहतगी यांना सांगितले. वाचा: