'या' जिल्ह्यात करोना रुग्ण का घटत नाहीत?; कारणं सापडली, आता...

September 25, 2021 Marathi 0 Comments

: राज्यात रुग्णांची संख्या नियंत्रित होत असताना अहमदनगर जिल्ह्यात मात्र फारशी सुधारणा होत नाही. शहरातील आकडे कमी होत असले तरी ग्रामीण भागात मात्र आकडे स्थिर आहेत. प्रशासनाने याची कारणे शोधून आता उपाययोजना सुरू केल्या आहेत. नगर जिल्ह्यातील निर्बंध लवकर उठविले, पहिल्या आणि दुसऱ्या लाटेतून बचावलेल्या नागरिकांना आता प्रामुख्याने संसर्ग होत आहे, ग्रामीण भागात नियम पाळण्याकडे दुर्लक्ष होत आहे, अशी काही कारणे यामागे असल्याचे जिल्हाधिकारी यांनी सांगितले. ( ) वाचा: गेल्या काही काळापासून राज्यात दिलासादायक चित्र दिसू लागले आहे. त्यामुळे आता शाळा सुरू करण्यासही मुख्यमंत्र्यांनी संमती दर्शविली आहे. असे असताना नगर जिल्ह्यातील स्थिती मात्र समाधानकारक नाही. येथे उपचाराधीन रुग्णांची संख्या पाच हजारांच्या आसपास कायम आहे. नव्याने दाखल होणारे दैंनदिन रुग्णही सातशेच्या असपास आहेत. त्यामुळे नगरकडे सर्वांचे लक्ष लागले आहे. मुख्यमंत्र्यांचे सल्लागार तसेच नाशिकचे विभागीय आयुक्त डॉ. राधाकृष्ण गमे यांनीही नगरला भेट देऊन आढावा घेतला. यासंबंधी प्रशासनाने केलेल्या पाहणीत काही निरीक्षणे नोंदविण्यात आली आहेत. त्याबद्दल जिल्हाधिकारी डॉ. भोसले यांनी माहिती दिली. वाचा: - दुसऱ्या लाटेनंतर जिल्ह्यात कडक उपाययोजना करण्यात आल्या. त्यामुळे ३ टक्क्यांवर आला आणि जिल्हा लेव्हल एक मध्ये आल्याने पहिल्या टप्प्यातच आपल्याकडील निर्बंध खुले झाले. - वाढते आकडे पाहिले तर प्रतिकारशक्ती तयार झाली नसावी, किंवा व्हायरसचा नवीन व्हेरिंएंट आला काय, अशी शंका वाटते. त्याची तपासणी होत आहे - पहिल्या आणि दुसऱ्या लाटेत जे वाचले, त्यांना आता संसर्ग होत असल्याचे दिसून येत आहे. याचाच अर्थ सामूहिक प्रतिकारशक्तीचा अभाव वाटतो. - ग्रामीण भागात करोनाचे नियम पाळण्याकडे दुर्लक्ष होत आहे. मास्कचा वापर होत नाही. गर्दीचे कार्यक्रम होत आहेत. उपाययोजना सुरू - जिल्ह्यातील १२५ गावांत रुग्णांचे प्रमाण जास्त आहे. तेथे प्राधान्याने लसीकरण करण्यात येत आहे. - वरिष्ठ अधिकाऱ्यांच्या नियुक्त्या करून त्यांच्यावर जबाबदारी सोपवून नियंत्रणाचे काम सुरू केले आहे. - पूर्वी एका रुग्णामागे संपर्कातील २० जणांची तपासणी होत असे, आता ती ४५ जणांची करण्यात आली. - पूर्वी दररोज १५ हजार चाचण्या केल्या जात होत्या, आता त्या ३० हजार करण्यात आल्या. - बाधित रुग्णांची संख्या जास्त असलेल्या गावांवर, भागांवर कडक निर्बंध लावले जात आहेत. - संसर्ग वाढीची नेमकी कारणे शोधण्यासाठी नमुने तपाणीसाठी पाठविण्यात येत आहेत. - पोलिसांच्या मदतीने नियमांची कडक अंमलबजावणी हाती घेण्यात आली आहे. वाचा: