वाद टळला, आदर्श पायंडा पडला; अहमदनगरमधील 'या' मशिदीची सर्वत्र चर्चा!

August 27, 2021 Marathi 0 Comments

: व जागा मालक यांची वादावादी सगळीकडेच पाहायला मिळते. जागा मंदिराची असो किंवा मशिदीची जुन्या भाडेकरूंना जागा खाली करायला लावण्यावरून अनेकवेळा वाद होताना दिसतात. मात्र अहमदनगर शहरात ८० वर्षांपूर्वी आजोबांच्या काळापासून मशिदीत भाडेकरू असलेल्या एका व्यापाऱ्याने आपल्या ताब्यात असलेली मशिदची जागा विनामोबदला स्वखुशीने परत केली. त्यातून संभाव्य वाद तर टळलाच शिवाय एक वेगळा आदर्श घालून दिला गेला आहे. ( Ahmednagar ) वाचा: अहमदनगर शहरातील गांधी मैदान येथे आहे. या मशिदीच्या जागेत आजोबांच्या काळापासून भाडेकरू आहेत. आता मशिदीला या जागेची आवश्यकता असताना वापरत असलेली सातशे चौरस फुटांची जागा पारेख यांनी विनामोबदला स्वखुशीने मशीद ट्रस्टला परत दिली. पारेख यांचा मशिदीत ट्रस्टच्या वतीने सत्कार करण्यात आला. यावेळी फताह मस्जिद ट्रस्टचे चेअरमन , सचिव हाजी कासमभाई चुडीवाला, कायदे सल्लागार अॅतड. फारुक बिलाल, विश्वनस्त शकुर शेख, फारुक रंगरेज, गुलाम अहमद रंगरेज उपस्थित होते. वाचा: भरत पारेख यांचे आजोबा यांनी ८० वर्षांपूर्वी मशिदीच्या जागेत असलेला व्यावसायिक गाळा ४० रुपये दरमहा भाड्याने घेतला होता. या जागेत सध्या पारेख प्लंबिंगचे साहित्य विकत होते. मशीदला जागेची आवश्यकता आहे, असे विश्वस्तांनी त्यांना सांगितले. पारेख यांचे इतर ठिकाणी मोठे दुकान होऊन आर्थिक परिस्थिती सुधारली आहे. त्यामुळे त्यांनीही मशीदला स्वखुशीने सदर जागा कोणताही मोबदला न मागता परत दिली आहे. शहरात अनेक ठिकाणी मशिदीच्या जागेत जुने भाडेकरू आहेत. जेव्हा मशीदला जागेची गरज पडते, तेव्हा जुने भाडेकरू स्वखुशीने जागा सहजासहजी परत करत नाहीत, असा अनुभव आहे. भाडे कमी असल्याने इतर ठिकाणी जागा घेऊन देखील मशिदची जागा स्वत:च्या ताब्यात ठेवली जाते. यामुळे अनेकदा वादावादी झाल्याच्या घटना घडल्या आहेत. मात्र पारेख यांनी मनाचा मोठेपणा दाखवत मशीदची जागा मशीदला देऊन एक आदर्श निर्माण केला असल्याची भावना ट्रस्टचे चेअरमन शफी रंगरेज यांनी व्यक्त केली. मशिदच्या जागेत व्यवसाय करून कुटुंबाचे कल्याण झाले. इतर ठिकाणी स्वत:चे मोठे दुकान थाटलेले आहे. सध्या मशीदला जागेची गरज असल्याने ती त्यांना स्वखुशीने परत केली आहे. मंदिर असो किंवा मशीदची जागा भाडेकरूंनी आपली निकड भागल्यावर जागा परत देण्याची वृत्ती ठेवावी - भरतकुमार पारेख वाचा: