राज्यातील 'या' जिल्ह्यात मुलांमध्ये वाढता करोना संसर्ग; अॅक्शन प्लॅन तयार

June 04, 2021 Marathi 0 Comments

नगर: संसर्गाच्या संभाव्य तिसऱ्या लाटेत लहान मुलांना संसर्गाची भीती व्यक्त केली जात आहे. जिल्ह्यात मे महिन्यात हे प्रमाण वाढल्याचे आढळून आल्यानंतर आता प्रशासनाने उपाययोजना हाती घेतल्या आहेत. यासाठी स्थापन करण्यात आलेल्या बालरोग तज्ज्ञांच्या टास्क फोर्सच्या मदतीने जिल्ह्यासाठी अॅक्शन प्लॅन तयार करण्यात आला असून शहरासह ग्रामीण भागातही तो राबविण्यात येणार आहे. आज झालेल्या बैठकीत याचे नियोजन करण्यात आले. ( ) वाचा: जिल्ह्यात एप्रिलच्या तुलनेत मे महिन्यात बाधित मुलांच्या प्रमाणात लक्षणीय वाढ झाल्याचे आढून आले. मे महिन्यात हे प्रमाण साडे अकरा टक्के झाले. त्यामुळे राज्याचे लक्ष नगरकडे वेधले गेले. आता जिल्हा प्रशासन त्यासाठी कामाला लागले आहे. करोना संसर्ग टाळण्यासाठी काय काळजी घ्यावी, संसर्ग झाला तर कशाप्रकारे उपाययोजना करावी याबाबत जिल्ह्यातील बालरोगतज्ज्ञांच्या माध्यमातून ग्रामीण स्तरापर्यंत मार्गदर्शन करण्यात येणार आहे. त्यासंदर्भातील नियोजन तयार करून त्याची अंमलबजावणी येत्या काही दिवसांत सुरू करण्यात येणार असल्याची माहिती जिल्हाधिकारी यांनी दिली. वाचा: लहान मुलांमधील करोना संसर्ग टाळण्यासाठी करावयाच्या उपाययोजनासंदर्भात नेमलेल्या जिल्हास्तरीय समितीची बैठक आज झाली. जिल्हा परिषदेचे मुख्य कार्यकारी अधिकारी , निवासी उपजिल्हाधिकारी संदीप निचित, अतिरिक्त जिल्हा आरोग्य अधिकारी डॉ. बी. एन. दहिफळे, वैद्यकीय अधिकारी डॉ. स. वि. सोलाट, डॉ. पालेकर, बालरोगतज्ज्ञ डॉ. गणेश मिसाळ, डॉ. जयदीप देशमुख, डॉ. सुचित तांबोळी, डॉ. आशीष कोकरे, डॉ. चेतना बहुरुपी यांच्यासह भारतीय बालरोगतज्ज्ञ संघटनेचे पदाधिकारी उपस्थित होते. वाचा: यावेळी बोलताना जिल्हाधिकारी डॉ. भोसले म्हणाले, ‘करोनाच्या दुसऱ्या लाटेत रुग्णवाढ मोठ्या झपाट्याने वाढली. संसर्गाचा वेग जास्त होता. तरुणांबरोबरच काही प्रमाणात मुलांनाही संसर्ग झाल्याचे आढळून आले. मात्र, संभाव्य तिसऱ्या लाटेत संसर्गाचा धोका लहान मुलांना जास्त असल्याची भीती व्यक्त होत आहे. त्यामुळे जिल्हा प्रशासन म्हणून आणि आरोग्य यंत्रणा म्हणून आपण त्या परिस्थितीला तोंड देण्यासाठी सर्वतोपरी तयार असले पाहिजे.’ करोनापासून बचावासाठी लहान मुलांनी आणि त्यांच्या पालकांनी काय काळजी घ्यावी याबाबत जिल्ह्यातील बालरोगतज्ज्ञांनी सर्वसामान्यांना समजेल अशा प्रकारे माहिती तयार करावी. तसेच, ग्रामस्तरावरील आशा वर्कर्स, अंगणवाडी सेविका यांनाही त्याअनुषंगाने प्रशिक्षित करण्याची सूचना करण्यात आली. डॉक्टरांनी दिलेला सल्ला आणि घ्यावयाची काळजी याची माहिती ग्रामीण भागापर्यंत जाण्याची आवश्यकता आहे. त्यासाठी तालुकास्तरीय यंत्रणांच्या माध्यमातून कार्यवाहीच्या सूचनाही देण्यात आल्या. वाचा: जिल्ह्यात शासकीय रुग्णालयांमध्ये बालरोगतज्ज्ञांची पुरेशी संख्या नाही. त्यामुळे भारतीय बालरोगतज्ज्ञ संघटनेच्या अहमदनगर जिल्हा शाखेने पुढाकार घेऊन याकामी प्रशासनाबरोबर हातात हात घालून सहकार्य करण्याची आवश्यकता आहे. संभाव्य करोना संसर्गाची लाट वेळीच थोपविली आणि त्याबाबतची पूर्वकाळजी घेतली गेली तर आपण त्याचा यशस्वी सामना करू शकू, यासंबंधी चर्चा झाली. सर्वांनी मिळून या संकटाचा सामना करू, त्यासाठी आवश्यक ते सर्व सहकार्य प्रशासनाला करण्याची तयारी असल्याचे बालरोग तज्ज्ञांनी सांगितले. लहान मुलांनी काय काळजी घ्यावी, त्यांच्या पालकांनी काय काळजी घ्यावी, लक्षणे आढळल्यास उपचार पद्धती, त्यासाठी तालुकास्तरावरील यंत्रणांची तयारी आदीबाबत बालरोगतज्ज्ञांनी तपशीलवार चर्चा केली. लहान मुलांना संसर्ग होऊ नये, यासाठी काळजी घेणे आवश्यक आहे. राज्यस्तरीय बालरोगतज्ज्ञांच्या टास्क फोर्सने दिलेल्या सूचनांची अंमलबजावणी जिल्ह्यात कशा प्रकारे करता येईल. मुलांच्या दृष्टीने आरोग्य सुविधांमध्ये आणखी काय वाढ करावी लागेल याचीही चर्चा या बैठकीत करण्यात आली. वाचा: