महिला पोलिसाचा प्रताप; आरोपीकडे मागितले 'इतके' रुपये

April 10, 2021 Marathi 0 Comments

अमरावती: गुन्ह्यातील आरोपीला अटक न करण्यासाठी चार हजारांची लाच मागत रोख तीन हजार रुपये स्वीकारणाऱ्या नाईक पदावर कार्यरत असणाऱ्या पोलीस महिलेस लाचलुचपत प्रतिबंधक विभागाने पोलिस ठाण्यात रंगेहाथ पकडून बेड्या ठोकल्याची घटना दि. ९ नांदगाव पेठ पोलीस ठाण्यात घडली. घटनेतील सहकारी पोलिस शिपाई पसार झाल्याने पोलिस वर्तुळात चांगलीच खळबळ उडाली आहे. वाचा: नांदगाव खंडेश्वर येथील रहिवासी तक्रारदार यांच्याविरुद्ध नांदगाव खंडेश्वर पोलिस ठाण्यात ३२४ अन्वये गुन्हाची नोंद आहे. या गुन्ह्याचा तपास महिला पोलिस नाईक व पोलिस शिपाई रवींद्र बोंडे यांच्याकडे आहे. त्यामुळे या गुन्ह्यात तक्रारदार यांना अटक न करण्यासाठी दोन्ही आरोपी लोकसेवकांनी चार हजार रुपयांची मागणी केली. तडजोडी अंती ३ हजार रुपये देण्याचे ठरले होते. या घटनेची तक्रार प्राप्त होताच एसीबी पथकाने लाचेच्या मागणीची पडताळणी केली. त्यानुसार एसीबी पथकाने शुक्रवारी नांदगाव खंडेश्वर ठाण्यात सापळा रचला, त्यावेळी लाच घेताना महिला पोलिस नाईक रंगेहाथ सापडली मात्र यावेळी बोंद्रे पसार झाला आहे. या दोघांविरुद्ध गुन्हा दाखल करण्याची प्रक्रिया सुरू होती. गुन्ह्यातील आरोपीला अटक न करण्यासाठी चार हजारांची लाच मागत रोख तीन हजार रुपये स्वीकारणाऱ्या नाईक पदावर कार्यरत असणाऱ्या पोलीस महिलेस लाचलुचपत प्रतिबंधक विभागाने पोलिस ठाण्यात रंगेहाथ पकडून बेड्या ठोकल्याने पोलीस वर्तुळात चांगलीच खळबळ उडाली आहे. वाचा: वाचा: