चारच दिवसात टाटांनी देशाला दिलेला शब्द पुरा केला! ऑक्सिजन टँक घेऊन विमाने भारतात दाखल

April 27, 2021 Maharashtra , Marathi 0 Comments

देशामध्ये सध्या कोरोनाने थैमान घातले आहे. अनेक ठिकाणी आरोग्य सुविधांची कमतरता भासू लागली आहे. रेमडेसिवीर तसेच ऑक्सिजनचा तुटवडा निर्माण झाल्याचे चित्र देशभरातील अनेक भागांमध्ये दिसत आहे. यामुळे अनेक रुग्ण दगावत आहेत.

यामुळे ऑक्सिजन मिळवण्यासाठी अनेकजण प्रयत्न करत आहेत. यामुळे टाटा उद्योग समुहाने दोन दिवसांपूर्वीच पुढाकार घेत ऑक्सिजनचा पुरवठा करण्यास सुरुवात केली आहे. तसेच त्यांनी परदेशातून ऑक्सिजन आयात करण्याचा निर्णय घेतला.

आता त्यांनी शब्द दिल्यानंतर अवघ्या चार दिवसात म्हणजेच शनिवारी टाटा ग्रुप्सने भारतीय हवाई दलाच्या मदतीने चार ऑक्सिजन क्रायोजेनिक टँकर भारतात आणले आहेत. यासंदर्भातील माहिती कंपनीनेच ट्विटरवरुन फोटो शेअर करत दिली आहे.

The first set of 4 cryogenic containers have arrived today. We thank the GoI and @IAF_MCC for enabling this, and M/S Linde India for their sourcing support in this collective effort to augment delivery infrastructure of medical oxygen. pic.twitter.com/KGt7xyInFn

— Tata Group (@TataCompanies) April 24, 2021

टाटा समुहाने मदत म्हणून देऊ केलेले चार ऑक्सिजन क्रायोजेनिक टँकर सिंगापूरवरुन वेळेत निघाले आहेत. हे टँकर्स आणण्यासाठी भारतीय हवाई दलाने विशेष विमान सिंगापूरला पाठवले होते. यामुळे आता ऑक्सिजन तुटवड्यावर काहीसा दिलासा मिळणार आहे.

सिंगापूरमधील अधिकारी आणि भारत सरकारच्या मदतीने हे टँकर भारतात आणण्यात आले आहेत. अजून २० टँकर टाटा समुहाकडून भारतात आणले जाणार आहेत. याची मोठी मदत होणार आहे.

टाटा हे देशावर आलेल्या संकटात मदतीसाठी धावून येतात. कोरोना काळात त्यांनी आतापर्यंत मोठी मदत केली आहे. यामुळे टाटांवर कौतुकाचा वर्षाव केला जात आहे. सोशल मीडियावर त्यांना देवमाणूस म्हटले जाते. रतन टाटांच्या रुपात देव नक्की पाहिलाय, असेही अनेकांनी म्हटले आहे. देशासाठी त्यांनी मोठी मदत चालूच ठेवली आहे.

ताज्या बातम्या

ऑक्सिजन मिळत नाही अशी तक्रार करणाऱ्यांची संपत्ती जप्त करा; योगींचे भयानक आदेश

भारतीय खेळाडूंना नाही पण परदेशी क्रिकेटपटूला दया आली, ऑक्सीजनसाठी दान केले ३७ लाख

चर्चा तर होणारच! भावाने आंब्याला ऊन, रोगापासून वाचविण्यासाठी लढवली भन्नाट शक्कल