रुग्णांची लूट थांबविण्यासाठी अमरावती जिल्हा प्रशासनाचा मोठा निर्णय

April 12, 2021 Marathi 0 Comments

जयंत सोनोने । रुग्णांच्या वाढत्या संख्येने आरोग्य व्यवस्थेवर ताण पडत आहे. याच गोष्टींचा गैरफायदा घेताना काही खासगी रुग्णालये दिसत आहेत. या महामारीच्या काळात खासगी रुग्णालयांकडून करोना प्रतिबंधक उपचारांसाठी औषधे, ऑक्सिजन व सेवेचे दर शासनाने यापूर्वीच निश्चित केले असतानाही रुग्णांची होणारी आर्थिक पिळवणूक थांबविण्याकरिता जिल्हा प्रशासनाने स्वतंत्र तपासणी पथक गठित केले आहे. शासनाच्या निश्चित केलेल्या दरापेक्षा जास्त दराने रुग्णांकडून आकारणी होते किंवा कसे, याची नियमित तपासणी हे पथक करणार आहे. रुग्णालयात कोविड रुग्णांसाठी रुटीन वॉर्ड व आयसोलेशनसाठी जास्तीत जास्त चार हजार रुपये, अतिदक्षता वॉर्डात व्हेंटिलेटर नसेल तर साडेसात हजार रुपये व व्हेंटिलेटर असेल तर ९ हजार रुपये निश्चित केलेले आहेत. त्यात सीबीसी, युरिन रुटीन, एक्स रे, ईसीजी, बेड चार्जेस, ऑक्सिजन चार्जेस आदी विविध सेवांचा समावेश आहे. वाचा: करोनाबाधित रुग्णाला विविध प्रकारच्या तपासण्यांव्यतिरिक्त सी. टी. स्कॅनसारख्या तपासण्यांची आवश्यकता भासत असल्याने कोविड व नॉनकोविड रुग्णांसाठी एचआरसीटी चाचणीचे दर निश्चित करण्यात आले आहेत. मशिनच्या क्षमता वैशिष्ट्यानुसार ही दर आकारणी निश्चित करण्यात आली आहे. एचआरसीटी-चेस्ट तपासणीसाठी १६ स्लाईसच्या मशिनसाठी दोन हजार रुपये, मल्टि डिटेक्टर सीटी (एम डी सीटी) १६ ते ६४ स्लाईसच्या मशिनसाठी अडीच हजार रुपये, ६४ स्लाईसहून अधिकच्या मशिनसाठी तीन हजार रुपये दर निश्चित केले आहेत. या रकमेत सीटी स्कॅन तपासणी, तपासणी अहवाल सिटी फिल्म, पीपीई किट, डिसइन्फेक्टेड, सॅनिटायझेशन चार्जेस व जीएसटी यांचा समावेश आहे. एचआरसीटी चेस्ट नियमित व तातडीच्या तपासणीसाठी हे समान दर लागू राहतील. वाचा: करोना निदानासाठी आरटीपीसीआर चाचणीसाठी ५०० रुपये आकारण्यात येणार आहे. याबरोबरच रॅपीड अँटीजेन अँटीबॉडीज तपासणीचे दर देखील कमी करण्यात आले असून अँटीजेन टेस्ट १५० रुपये करण्यात आले आहेत. आरटीपीसीआर चाचणीसोबतच रॅपीड अँटीजेन, अँटीबॉडीज या चाचण्यांसाठी दर निश्चित करण्यात आले आहे. हे दर अनुक्रमे रुग्ण स्वत: प्रयोगशाळेत आल्यास, तपासणी केंद्रावरून अथवा एकत्रित नमुने घेतल्यास आणि रुग्णाच्या घरी जाऊन नमुने घेतल्यास अशा तीन टप्प्यांसाठी आकारण्यात येणार आहेत. अँटीबॉडीज (एलिसा फॉर सार्स कोविड) या चाचण्यांसाठी २५०, ३०० आणि ४०० असे दर निश्चित करण्यात आले आहेत. सीएलआयए फॉर सार्स कोविड अँटीबॉडीज या चाचणीसाठी ३५०, ४५०, ५५० असे दर निश्चित करण्यात आले आहेत. रॅपीड अँटीजेन टेस्टसाठी रुग्ण प्रयोगशाळेत तपासणीसाठी आल्यास १५०, २०० आणि ३०० असे दर आता निश्चित करण्यात आले आहेत. वाचा: खासगी रुग्णालयांत रेमडीसिविर इंजेक्शन, औषधे, ऑक्सिजन यांचे आकारण्यात येणार दर, रुग्णांची बिल तपासणी आदी बाबींची हे पथक वेळोवेळी तपासणी करेल, तसेच रुग्णांच्या तक्रारींचे निराकरण करेल. पथकातील सदस्यांचे मोबाइल क्रमांकही प्रशासनाकडून जाहीर करण्यात आले आहेत. पथकात उपजिल्हाधिकारी राम लंके (मो. क्र. ८८८८३५२८००), तहसीलदार संतोष काकडे (मो. क्र. ९५२७२७१२००), महात्मा ज्योतिराव फुले जनआरोग्य योजनेचे जिल्हा समन्वयक डॉ. सचिन सानप (मो. क्र. ९९६७४७०७७६), औषधी निरीक्षक मनीष गोतमारे (मो. क्र. ९५५२५७४४९५), जिल्हा आपत्ती व्यवस्थापन अधिकारी सुरेंद्र रामेकर (मो. क्र. ९५४५४६३४५०) यांचा समावेश आहे.