'लॉकडाऊनबाबत उद्धव ठाकरे यांनी फसवणूक केली'

April 06, 2021 Marathi 0 Comments

पुणे: राज्यातील सध्याचा लॉकडाऊन करण्याआधी मुख्यमंत्री उद्धव ठाकरे यांनी विरोधी पक्षांच्या प्रमुख नेत्यांशी संवाद साधला होता. विरोधी पक्षाचे नेते यांनाही त्यांनी लॉकडाऊनबाबत माहिती देऊन सहकार्य करण्याचं आवाहन केलं होतं. मात्र, फडणवीसांशी झालेली चर्चा आणि प्रत्यक्षातील निर्णयात फरक असल्याचं भाजपचे प्रदेशाध्यक्ष यांनी आज सांगितलं. उद्धव ठाकरे यांनी फडणवीसांची फसवणूक केली,' असा दावा पाटील यांनी केला आहे. (CM Uddhav Thackeray Misguided People on Lockdown, Says ) वाचा: भारतीय जनता पक्षाच्या स्थापना दिनानिमित्त पुण्यात आयोजित करण्यात आलेल्या मेळाव्यात ते बोलत होते. राज्यातील करोना स्थिती व लॉकडाऊनच्या मुद्द्यावरून पाटील यांनी सरकारवर टीकेची झोड उठवली. मुख्यमंत्र्यांनी लोकांची फसवणूक केल्याचा आरोपही त्यांनी यावेळी केला. 'उद्धव ठाकरे यांनी देवेंद्र फडणवीस यांच्याशी केवळ शनिवार आणि रविवारच्या मिनी लॉकडाऊन संदर्भात चर्चा केली होती. मात्र, प्रत्यक्षात कडक लॉकडाऊनची अधिसूचना प्रसिद्ध केली. ही फसवणूक आहे. भाजप व सर्वसामान्य जनता हे सहन करणार नाही,' असं पाटील म्हणाले. वाचा: 'राज्यातल्या अनेक व्यापारी संघटनांचे मला फोन आले आहेत. अटक झाली तरी दुकाने सुरू ठेवणार, अशी त्यांची भूमिका आहे. करोनाची नियमावली तयार करताना सर्वसामान्य माणूस कसा जगेल हे सुद्धा बघितले पाहिजे. लॉकडाऊनला आमचा विरोध नाही मात्र सर्वसामान्य व्यक्तींना पॅकेज द्या. घरकाम, फेरीवाले यांना पॅकेज द्या, अशी आमची भूमिका होती. मात्र, सरकार एक रुपयाचेही सुद्धा पॅकेज द्यायला तयार नाही. पॅकेज राहिले बाजूला, मिनी लॉकडाऊन करू असे सांगून कडक लॉकडाऊन करण्यात आलं आहे. अशा प्रकारची फसवणूक राज्य चालवणाऱ्यांकडून अपेक्षित नाही, असंही ते म्हणाले. वाचा: 'करोनाच्या काळात जे चुकीचे निर्णय होतील त्याविरोधात संघर्ष करू. चांगल्या विषयांमध्ये सरकारला सहकार्य करू. सर्वसामान्यांच्या दुःखात बरोबर राहून त्यांना त्यातून बाहेर काढण्यासाठी मदत करू, असा संकल्प पाटील यांनी यावेळी बोलून दाखवला. 'आठ दिवसांत आणखी एक मंत्री पायउतार होणार' अनिल देशमुख यांच्या राजीनाम्याच्या पार्श्वभूमीवर चंद्रकांत पाटील यांनी सरकारच्या भवितव्याविषयी भाष्य केलं. 'येत्या आठ दिवसांत महाविकास आघाडी सरकारमधील आणखी एका मंत्र्याला राजीनामा द्यावा लागेल. हे सरकार त्यांच्या कर्माने मरेल,' असं पाटील म्हणाले. 'भाजपची संघटनात्मक ताकद वाढवावी लागेल' पक्षाच्या स्थापना दिनानिमित्त पाटील यांनी एक ट्वीट करून कार्यकर्त्यांना शुभेच्छा दिल्या आहेत. 'आज भाजपचा, म्हणजेच जगातील सर्वात मोठ्या पक्षाचा स्थापना दिवस. पक्षाच्या जन्मापासूनच संघर्ष हा पाचवीला पुजला होता. पण अशा अनेक संकटांवर मात करत असंख्य ज्ञात, अज्ञात कार्यकर्त्यांच्या परिश्रमाने भाजपाने आज ही विजयाची उंची गाठली आहे,' असं त्यांनी ट्वीटमध्ये म्हटलं आहे.