'निर्णय जाहीर करून मुख्यमंत्री ‘मातोश्री’मध्ये बसले आहेत'

April 07, 2021 Marathi 0 Comments

मुंबई: करोना विरोधी उपाययोजना आणि लॉकडाऊनच्या बाबतीत राज्य सरकार गोंधळून गेलं आहे. रोज नियम बदलले जात आहेत, मंत्री परस्परविरोधी विधानं करत आहेत. निर्णय जाहीर करून मुख्यमंत्री ‘मातोश्री’त बसले आहेत. राज्य सरकारची परिस्थिती 'कन्फ्युजन ही कन्फ्युजन है, सोल्युशन का पता नही' अशी झाली आहे, अशी खोचक टीका भाजपनं केली आहे. (BJP Attacks Government Over Lockdown) भाजपचे प्रदेश कार्यालयात आयोजित पत्रकार परिषदेत प्रवक्ते यांनी सरकारवर टीकास्त्र सोडलं. 'राज्यात कठोर निर्बंध लावले जाणार असून केवळ आठवड्याच्या अखेरीस शनिवारी, रविवारी पूर्ण लॉकडाऊन असेल असे सरकारमधील चार-चार मंत्र्यांनी विविध वृत्तवाहिन्यावर सांगितले होते. जनतेच्या हिताचा सारासार विचार करून हा निर्णय घेतला असल्याचेही या मंत्र्यांनी आवर्जून सांगितले होते. मात्र, प्रत्यक्ष परिस्थिती पाहता राज्य सरकारनं विरोधी पक्षांसह जनतेची सुद्धा फसवणूक केल्याचं दिसून आलं आहे. पोलिस आणि अधिकाऱ्यांच्या मदतीनं प्रत्येक जिल्ह्यात बाजारपेठा, दुकानं बंद केल्याचं चित्र मंगळवारी पाहायला मिळालं. सरकारला कठोर निर्बंध लावायचे आहेत की लॉकडाऊन, असा सवाल उपाध्ये यांनी केला. वाचा: 'राज्यावरील हे संकट टळण्यासाठी जबाबदार विरोधी पक्ष म्हणून सरकारला साथ देण्यास भाजप तयार आहे मात्र, सरकारनं सामान्य, गोरगरीब, कष्टकरी वर्गाच्या उदरनिर्वाहाची जबाबदारी घेणं गरजेचं आहे. त्यासाठी सरकारनं या वर्गाला आर्थिक मदत द्यावी असं भाजपंनं सुचवलं होतं. मात्र, रविवारी आपला निर्णय जाहीर करून मुख्यमंत्री ‘मातोश्री’त बसले आहेत. या संकट काळात जनतेचं काय हा साधा प्रश्नही त्यांना पडत नसावा काय? सरकार एवढे निर्दयी कसे असू शकते?', असा संतापही त्यांनी व्यक्त केला. 'राज्यातले अर्थचक्र गतिमान करण्याच्या गप्पा मारणाऱ्या या वसुली सरकारने अप्रत्यक्ष लॉकडाऊन लावून अर्थव्यवस्थेचं चक्र पूर्णत: ठप्प केलं आहे. तसंच, या कठीण काळात सरकारनं वीज बिलांची वसुली थांबवण्याचा निर्णय घेणं अपेक्षित होतं, त्याकडंही दुर्लक्ष केलं गेलं आहे. केवळ जनतेची पिळवणूक हेच या सरकारचं धोरण आहे, असा आरोपही उपाध्ये यांनी केला. वाचा: