Amravati news: २ कोटी ४९ लाखांचा शौचालय घोटाळा; मनपाच्या तत्कालीन लेखाधिकाऱ्याला अटक

April 09, 2021 Marathi 0 Comments

जयंत सोनोने/ : अमरावती महानगरपालिकेत २ कोटी ४९ लाखांच्या शौचालय घोटाळा प्रकरणात () महापालिकेचे तत्कालीन मुख्य लेखाधिकारी () यांना आर्थिक गुन्हे शाखेच्या पोलिसांनी अटक केली असून, या घोटाळ्यात इतर ९ जण सामील असल्याची माहिती तपास यंत्रणेने दिली आहे. प्रेमदास राठोड यांना आर्थिक गुन्हे शाखेच्या पोलिसांनी २ कोटी ४९ लाखांच्या शौचालय अपहार प्रकरणात अटक केली आहे. त्यात काही बनावट कंत्राटदार, महापालिकेच्या रोजंदारी लिपिकांचाही समावेश होता. यापूर्वीही तत्कालीन मुख्य लेखाधिकारी प्रेमदास राठोड यांना ताब्यात घेऊन आर्थिक गुन्हे शाखेने दोन दिवस त्यांची चौकशी केली होती. (Amravati toilet scam municipal corporation Ex chief Auditor Premdas rathod Arrested) २०२० मध्ये महापालिकेत २ कोटी ४९ लाखांचे शौचालय अपहार प्रकरण उघडकीस आले होते. शहर कोतवाली ठाण्यात या प्रकरणी गुन्हा दाखल करण्यात आला होता. संबंधित प्रकरण चौकशीसाठी आर्थिक गुन्हे शाखेकडे देण्यात आले होते. त्यात आत्तापर्यंत तपास यंत्रणेने एकूण नऊ जणांना अटक केली आहे. बांधकाम केलेले नसताना बनावट प्रस्ताव तयार करून शौचालयांचे बांधकाम झाल्याचे दाखविले, तशी देयके सादर करून पैसेही काढल्याचा आरोप त्यांच्यावर आहे. दरम्यान, या प्रकरणात राठोड यांना चौकशीसाठी अटक करणे आवश्यक असल्याची विनंती पोलिसांनी बुधवारी न्यायालयात केली होती. न्यायालयाने राठोड यांना जिल्हा कारागृहातून ताब्यात घेऊन अटक करण्याची परवानगी दिली आहे. आजारी असल्याने राठोड बरेच दिवस रुग्णालयात दाखल होते. दरम्यान त्यांना न्यायालयाने अटकपूर्व जामीन मंजूर केला होता. त्यानंतर त्यांनी मुंबई उच्च न्यायालयाच्या नागपूर खंडपीठात धाव घेतली होती. त्यांचा जामीन अर्ज काही दिवसांपूर्वी उच्च न्यायालयाने फेटाळला व त्यांना अमरावती जिल्हा न्यायालयापुढे आत्मसमर्पण करण्याचे आदेश दिले होते. त्यानुसार त्यांनी मंगळवारी जिल्हा न्यायालयापुढे आत्मसमर्पण केले होते. न्यायालयाने त्यांची न्यायालयीन कोठडी अंतर्गत मध्यवर्ती कारागृहात रवानगी केली आहे, असे आर्थिक गुन्हे शाखेचे पोलीस निरीक्षक बचाटे यांनी सांगितले.