अँटीलियाजवळील स्फोटके प्रकरणः 'या' कारणामुळं होतोय तपासास विलंब

March 07, 2021 Marathi 0 Comments

म. टा. खास प्रतिनिधी, मुंबई सरकारी यंत्रणा मग तो कोणतीही असो आपसांत मतभेद आणि शीतयुद्ध हे असतेच. पोलिस दलास या शीतयुद्धाचे ग्रहण सर्वाधिक लागलेले आहे. एक असले, तरी यातील वेगवेगळे विभाग, तपास यंत्रणा यांच्यातील शीतयुद्धाचा फटका यावेळीही बसला आहे. उद्योगपती यांच्या घराजवळ स्फोटकांनी भरलेली कार सापडल्यानंतर त्याचा छडा लावण्यासाठी तपास यंत्रणांमध्ये चढाओढ सुरू झाली. नेहमीप्रमाणे प्रत्येक यंत्रणांचे प्रमुख आपणच या गुन्ह्याची उकल करावी, यासाठी वजन वापरू लागले. या श्रेयवादाच्या लढाईमध्ये आठवडा उलटला, तरी काहीच हाती लागले नसून याचाच फायदा आरोपींनी घेतल्याचे म्हटले जात आहे. मुकेश अंबानी यांच्या दक्षिण मुंबईतील 'अँटीलिया' निवासस्थानाजवळ २५ फेब्रुवारी रोजी एक बेवारस स्कॉर्पिओ कार सापडली. यामध्ये अडीच किलो जिलेटीनच्या कांड्या, मुंबई इंडियन लिहिलेल्या बॅगेत एक धमकीचे पत्र आणि काही गाड्यांच्या नंबर प्लेट सापडल्या. या घटनेमुळे सर्व यंत्रणा खडबडून जाग्या झाल्या. स्थानिक पोलिस, गुन्हे शाखा, एटीएस इतकेच नाही, तर राष्ट्रीय तपास आणि गुप्तचर यंत्रणांच्या अधिकाऱ्यांनी घटनास्थळी जाऊन पाहणी केली. स्फोटकांमुळे मुंबई पोलिसांवर आणि मुंबईच्या सुरक्षेवर प्रश्नचिन्ह उपस्थित केले जाऊ लागल्याने, या प्रकरणाचा छडा लावण्यासाठी पोलिसांनी शर्थीचे प्रयत्न सुरू केला. स्कॉर्पिओ कार अज्ञात स्थळी हलविण्यात आली, सीसीटीव्ही फुटेज, धमकीच्या पत्रातील मजकूर गोपनीय ठेवण्यात आला, तसेच इतर यंत्रणांना तपासाकरिता पुरेशी माहिती मिळत नव्हती. एटीएससह इतर अनेक यंत्रणांनी या कारच्या आधारे धागेदोरे शोधण्यास सुरुवात केली. इतर यंत्रणा कामाला लागल्याचे पाहून या प्रकरणाचा तपास मुंबई गुन्हे शाखेकडे सोपविण्यात आला. मुंबई गुन्हे शाखेच्या पथकाने विक्रोळीजवळ कार पार्क करणाऱ्या यांना शोधून काढले. परंतु त्यांनी कार चोरीला गेल्याची तक्रार केली होती. स्कॉर्पिओ पार्क करून पळून जाण्यासाठी वापरण्यात आलेल्या इनोव्हा कारचा काहीच पत्ता लागला नाही. त्यातच शुक्रवारी हिरेन याचा मृतदेह सापडल्याने प्रकरण अधिकच गंभीर बनले आहे. तपास अद्याप शून्यावरच आता पुन्हा या प्रकरणाचा तपास एटीएसकडे सोपविण्यात आल्याचे गृहमंत्री यांनी जाहीर केले आहे. त्यामुळे एटीएसला पुन्हा नव्याने तपासाला सुरुवात करावी लागणार आहे. दुसरीकडे, हा तपास एनआयएकडे द्यावा, अशी मागणी विरोधकांनी केली आहे. त्यामुळे या शीतयुद्धात आरोपींचे फावले असून तपास मात्र शून्यावरच आहे.