Nalasopara : बारच्या बाहेर दोघे उभे होते, अचानक तिघे आले अन्...

February 15, 2021 Marathi 0 Comments

तुळिंज: मुंबईजवळील जिल्ह्यातील येथे रविवारी रात्री तिघा अज्ञात व्यक्तींनी एका रेस्तराँ आणि बारबाहेर उभ्या असलेल्या दोघांवर केला. यात ते जखमी झाले आहेत. हल्लेखोरांनी चेहरे रुमालाने झाकलेले होते. पोलिसांनी दिलेल्या माहितीनुसार, नालासोपारा पूर्वेकडील मोरगावमध्ये रविवारी रात्री नऊच्या सुमारास ही घटना घडली. बलराम गुप्ता आणि राजू बेल यांच्यावर तिघांनी गोळीबार केला. हे दोघेही बारच्या बाहेर उभे होते. त्याचवेळी अचानक तिघांनी हल्ला केला. यात दोघेही जखमी झाले आहेत. इतकेच नाही तर त्यातील एकावर वार केले. हल्लेखोर दुचाकीवरून आले होते. त्यांचे चेहरे झाकलेले होते. या हल्ल्यात जखमी झालेल्या दोघांना खासगी रुग्णालयात दाखल करण्यात आले. गुप्ता याची प्रकृती स्थिर आहे. मात्र, राजू याची प्रकृती चिंताजनक असल्याचे सांगण्यात येत आहे. राजूवर गोळी झाडली असून, त्याच्या डोक्यावर धारदार शस्त्राने हल्ला करण्यात आला. सूत्रांच्या माहितीनुसार, हल्लेखोरांनी चार गोळ्या झाडल्या. त्यातील तीन गोळ्या या पीडितांना लागल्या आहेत. तिन्ही हल्लेखोरांनी मास्क घातले होते. आपापसांतील वादातून हा हल्ला झाल्याचे सांगितले जात आहे. दोघे कुठे असतील याची माहिती आरोपींना असावी. त्याआधारे त्यांनी हल्ल्याचा कट रचला होता, असे प्राथमिक तपासातून स्पष्ट होत आहे. परिसरातील सीसीटीव्ही फुटेज तपासले जात आहेत.