Gajanan Marne: गुंड गजानन मारणेचे स्टेटस ठेवणाऱ्यांची आता खैर नाही!
म. टा. प्रतिनिधी, : तळोजा कारागृहातून सुटल्यानंतर गुंड गजानन मारणेचे सोशल मीडियावर फोटो टाकून उदात्तीकरण केल्याच्या आरोपावरून ठाण्यात गुन्हा दाखल करण्यात आला आहे. यामध्ये गजा मारणे, त्याचे समर्थक तर पोस्टवर कमेंट करणाऱ्या मारणेची आयटी टीम यांचा समावेश आहे. गेल्या सोमवारी तळोजा कारागृहतून सुटल्यानंतर त्याने जंगी मिरवणूक काढली होती. तर, त्याचे व्हिडिओ तसेच फोटो सोशल मीडियावर व्हायरल झाले होते. तसेच अनेक तरूणांनी व्हाटसअॅप आणि इतर माध्यमांतून स्टेट्स ठेवले होते. त्याचे हे व्हिडिओ सोशल मीडियावर प्रचंड व्हायरल झाले. या प्रकरणी पोलिसांनी गुन्हे दाखल केल्यानंतर आता सोशल मीडियाच्या माध्यमातून गुन्हेगारीचे उदात्तीकरण केल्याचा ठपका ठेवत गुन्हा दाखल केला आहे. स्टेट्स ठेवणारे, त्याला कमेंट करणारे आणि लाइक करणारे या सर्वांचा शोध घेणार आहेत. तुरुंगातून सुटल्यानंतर मुंबई-पुणे एक्स्प्रेस वेवर जंगी मिरवणूक काढल्याप्रकरणी कुख्यात गुंड आणि त्याच्या समर्थकांवर विविध पोलीस ठाण्यांत गुन्हे दाखल करण्यात आले आहेत. पोलिसांनी आतापर्यंत १७ जणांना अटक केली आहे. पोलिसांनी ड्रोन कॅमेरा, ११ अलीशान कार, १२ मोबाइल फोन जप्त केले आहेत. आणखी काही आरोपींचा शोध घेण्यात येत आहे. त्यासाठी पोलिसांची पथके नेमली आहेत. गजनान मारणेचे स्टेटस ठेवणारे आणि त्याच्या पोस्ट टाकणारे, तसेच त्यावर प्रतिक्रिया देणाऱ्यांविरोधात आता कारवाई केली जाणार आहे. त्यांचा शोध घेतला जाणार आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
0 Comments: