पूजा चव्हाण प्रकरणः पोहरादेवीच्या महंताची मुख्यमंत्र्यांना 'ही' विनंती

February 28, 2021 Marathi 0 Comments

नागपूरः पूजा चव्हाण आत्महत्याप्रकरणात संशयाच्या फेऱ्यात अडकलेले शिवसेनेचे नेते व वनमंत्री संजय राठोड यांच्या राजीनाम्याची मागणी जोर धरु लागली आहे. आघाडीतील घटक पक्ष असलेले काँग्रेस राष्ट्रवादी हे दोघेही राठोड यांच्या बचावासाठी अनुकुल नसल्याच्या चर्चा आहेत. त्यामुळं अधिवेशनाच्या काळात देणार का?, असा प्रश्न सध्या चर्चिला जात असतानाच पोहरादेवीच्या महंतानी मुख्यमंत्र्यांकडे एक विनंती केली आहे. पूजा चव्हाण प्रकरणात काही ऑडिओ क्लिप समोर आल्या असून त्यात राठोड यांचा आवाज असल्याचा दावा केल्यानं हे प्रकरण गंभीर बनले आहे. तर, राठोड यांनी बंजारा समाजाची काशी म्हणून ओळखल्या जाणाऱ्या येथे त्यांच्यावरील आरोप फेटाळून लावले आहेत. तसंच, पोहरादेवी येथील शक्तीप्रदर्शनावरुन राठोडांनी मुख्यमंत्री व राष्ट्रवादीचे अध्यक्ष शरद पवार यांची नाराजी ओढवून घेतल्याचं बोललं जात असतानाच. आता पोहरादेवी येथील महंत जितेंद्र महाराज यांनी मुख्यमंत्र्यांना एक विनंती केली आहे. वाचाः 'पूजा चव्हाण मृत्यू प्रकरणाची संपूर्ण चौकशी होऊन अहवाल येत नाही तोपर्यंत संजय राठोड यांचा राजीनामा स्वीकारु नये, असं महंत जितेंद्र महाराज यांनी म्हटलं आहे. तसंच, या प्रकरणात संजय राठोड दोषी आढळले तर आमदार पदाचा राजीनामा द्या, अशी विनंती आम्ही करु,' अशी विनंती पोहरादेवीचे महंत जितेंद्र महाराज यांनी मुख्यमंत्र्यांना केली आहे. वाचाः