मुंबईच्या रेल्वे स्थानकांतील बूक स्टॉल बंद होणार

February 10, 2021 Marathi 0 Comments

म. टा. प्रतिनिधी , रेल्वे स्थानकातील लवकरच बंद होणार आहेत. लॉकडाउन काळातील नुकसान भरपाई म्हणून स्थानकातील बूक स्टॉलचालकांनी अन्य उत्पादन विक्रीसाठी परवानगी मागितली होती. रेल्वे मंडळाने याला मंजुरी दिलेली आहे. यामुळे आता बूक स्टॉलच्या जागी बिस्किट अन्य सीलबंद खाद्यपदार्थांची विक्री करण्यात येणार आहे. छत्रपती शिवाजी महाराज टर्मिनस, भायखळा, दादर, घाटकोपर आणि अन्य स्थानकांवर 'व्हीलर'चे बूक स्टॉल होते. गेल्या अनेक वर्षांपासून सुरू असलेले हे स्टॉल जणू स्थानकांची ओळख बनले होते. स्थानकातील प्रमुख जागेवर एकमेव स्टॉल असल्याने अनेकांच्या भेटीगाठीचे ठिकाणही हेच होते. लॉकडाउन काळात पुस्तक विक्री पूर्णपणे ठप्प झाली. अनलॉकमध्येही हवा तसा प्रतिसाद पुस्तकांना मिळाला नाही. सध्या ई-पुस्तके उपलब्ध झाल्याने विक्री रोडावली आहे. पुस्तक विक्रीतून महिन्याचा खर्चही निघत नव्हता. यामुळे केवळ पुस्तक विक्री हा नियम शिथिल करून बहुपर्यायी स्टॉल सुरू करण्याची परवानगी मिळावी, अशी मागणी रेल्वे प्रशासनाकडे करण्यात आली होती, असे एका स्टॉलचालकाने सांगितले. रेल्वे स्थानकातील बूक स्टॉल बंद करण्याचे कोणतेही आदेश रेल्वे प्रशासनाकडून देण्यात आलेले नाहीत. स्टॉलचालकांच्या मागणीनुसार बहुउद्देशीय स्टॉलला रेल्वे मंडळाने परवानगी दिली आहे. तसे धोरणच आहे. संबंधित स्टॉलचालकांना स्थानकात बिस्किट आणि सीलबंद खाद्यपदार्थाची विक्री करण्याची मुभा देण्यात आली आहे. एखाद्या ठिकाणी बूक स्टॉल बंद केला असल्यास तो त्या स्टॉलचालकाचा वैयक्तिक निर्णय असू शकतो, असे रेल्वे अधिकाऱ्यांनी सांगितले.