कोल्हापूर: पोलिसांनी दारू केली जप्त; फॉरेन्सिक लॅबच्या कर्मचाऱ्यांनी ढोसली
म. टा. प्रतिनिधी, : पोलिसांनी जप्त केलेली फॉरेन्सिक लॅबमधील कर्मचाऱ्यांनी ढोसल्याचा खळबळजनक प्रकार कोल्हापुरात उघडकीस आला आहे. या प्रकरणी सहा कर्मचाऱ्यांना अटक करण्यात आली असून, अजून एक कर्मचारी फरारी आहे. मिळालेल्या माहितीनुसार, कोल्हापूर ,सांगली, सिंधुदुर्ग व रत्नागिरी या चार जिल्ह्यांसाठी सुरू करण्यात आली आहे. या लॅबमध्ये या चार जिल्ह्यांतील पोलिसांनी व उत्पादन शुल्क विभागाने जप्त केलेल्या दारूची तपासणी केली जाते. कोल्हापुरातील ताराराणी चौकात ही लॅब आहे. लॉकडाऊनच्या काळात विविध ३२ गुन्ह्यांमध्ये जप्त केलेली दारू लॅबमध्ये तपासणीसाठी पोलिसांनी पाठवली होती. ही दारू तपासण्यापूर्वीच लॅबमधील कर्मचाऱ्यांनी ती फस्त केली. एका निनावी फोनमुळे हा खळबळजनक प्रकार उघडकीस आला. या कर्मचाऱ्यांनी जवळजवळ ३१ हजार रुपयांची दारू फस्त केली आहे. लॅबचे सहाय्यक संचालक प्रदीप गुजर यांना याबाबत निनावी फोनद्वारे माहिती मिळाल्यानंतर, त्यांनी अधिक चौकशी केली असता कर्मचाऱ्यांनी ही दारू फस्त केल्याचे स्पष्ट झाले. त्यानुसार त्यांनी शाहुपुरी पोलीस ठाण्यात गुन्हा दाखल केला. या प्रकरणी पोलिसांनी सहा कर्मचाऱ्यांना अटक केली असून लॅब असिस्टंट मिलिंद पोटे हा फरार झाला. अटक केलेल्यांमध्ये वसंत भानुदास गौड, अक्षयकुमार सखाराम मालेकर, मारुती अंबादास भोसले, राहुल पांडुरंग चिले, गणेश मारुती सपाटे, विरुपक्ष रामू पाटील यांचा समावेश आहे. हे सर्व जण कंत्राटी कर्मचारी आहेत. न्यायालयाने त्यांना ३ दिवसांची पोलीस कोठडी सुनावली आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
0 Comments: