Umarkhed : नायब तहसीलदार, तलाठ्यावर वाळू माफियांचा प्राणघातक हल्ला

January 24, 2021 Marathi 0 Comments

उमरखेड: वाळूच्या अवैध वाहतुकीला आळा घालण्यासाठी गेलेले उमरखेडचे नायब तहसीलदार वैभव पवार आणि तलाठी गजानन सुरोशे यांच्यावर काल रात्री अकराच्या सुमारास ते ढाणकी रस्त्यावर वाळू माफियांनी केला. वैभव पवार यांच्या पोटात चाकूने वार केल्यामुळे ते गंभीर जखमी झाले आहेत. पवार यांच्यावर तात्काळ उमरखेड येथील शासकीय रुग्णालयात प्रथमोपचार केल्यानंतर पुढील उपचारासाठी त्यांना नांदेड येथील रुग्णालयात नेण्यात आले. जिल्हाधिकारी एम. देवेंदर सिंह यांनी या घटनेची गंभीर दखल घेतली असून, आरोपी अविनाश चव्हाण व त्याच्या इतर साथीदारांवर कठोर आणि तात्काळ कारवाई करण्याचे आदेश देण्यात आले आहेत. तसेच नायब तहसीलदार आणि तलाठी यांची प्रकृती ठीक असून, त्यांना जिल्हा प्रशासनाकडून सर्वतोपरी मदत केली जाईल, असेही जिल्हाधिकाऱ्यांनी सांगितले.