प्रेमसंबंधांबाबत मुलीच्या कुटुंबीयांना समजले, भीतीने तो तरूण...

January 22, 2021 Marathi 0 Comments

बाडमेर: राजस्थानमधील बाडमेरमधून २० वर्षीय तरूण अडीच महिन्यांपासून बेपत्ता झाला होता. त्यानंतर त्याच्याबाबत जी माहिती मिळाली ती सगळ्यांसाठी धक्कादायक होती. प्रेमसंबंधांबाबत मुलीच्या घरच्यांना समजल्यानंतर भीतीने तो सीमेपलीकडे पाकिस्तानात गेला. गेमराम असे या २० वर्षीय तरुणाचे नाव आहे. त्याचे शेजारील मुलीसोबत होते. ५ नोव्हेंबरला तो मुलीला भेटण्यासाठी गेला होता. तेथे मुलीच्या कुटुंबीयांनी त्या दोघांना बघितले. त्यानंतर तरूण तेथून निघून गेला. बदनामी आणि मारहाण होण्याच्या भीतीने ५ नोव्हेंबरला रात्री सीमा ओलांडून पाकिस्तानात गेला. ६ नोव्हेंबरला पाकिस्तानी सैन्याने त्याला पकडले आणि तुरुंगात डांबले. तरूण अडीच महिन्यांपासून बेपत्ता होता. कुटुंबीयांनी तो बेपत्ता असल्याची तक्रार पोलिसांत नोंदवली. मुलगा पाकिस्तानात गेल्याची शंका व्यक्त केली. मुलाला पाकिस्तानातून परत आणा अशी विनंती त्यांनी तेथील स्थानिक नेत्यांकडे केली. पोलिसांनी बीएसएफशी यासंबंधी पत्रव्यवहार केला. मुलगा पाकिस्तानात असल्यामुळे कुटुंबीय चिंतेत आहेत.