मध्यंतरी गायब असणारे अनिल देशमुख दोन दिवसांपूर्वी माध्यमांसमोर प्रकटले तर १ नोव्हेंबरला ईडीसमोर. त्यांच्या गायब होण्यामागचं कारण होत १०० कोटींच्या वसुली आदेश. अखेर आज या प्रकरणात त्यांना अटक झालीय.

ईडीसमोर हजर झाल्यावर त्यांची जवळपास १३ तास मॅरेथॉन चौकशी सुरू होती. त्यांच्यावर जे आरोप होते, त्या अनुषंगानं चौकशी करण्यात आली. आणि मगच त्यांना बेड्या ठोकण्यात आल्या. यापूर्वी देशमुखांच्या दोन सचिवांना अटक करण्यात आली होती.

अटक झाली असली तरी घटनाक्रम काय होता ? 

तर मुंबईचे माजी पोलीस आयुक्त परमबीर सिंग यांनी मुख्यमंत्री उद्धव ठाकरेंना पत्र लिहून गंभीर आरोप केले होते. त्या पत्रानुसार,

निलंबित सहाय्यक पोलीस निरीक्षक सचिन वाझे हे क्राईम इंटेलिजन्सचं युनिट हेड होते. मागच्या काही महिन्यात अनिल देशमुख जेव्हा गृहमंत्री होते तेव्हा देशमुखांनी कित्येक वेळेस वाझेंना त्यांच्या ज्ञानेश्वर या निवासस्थानी बोलावलं होत.

दर महिन्याला १०० कोटी रुपये जमा करायचे आदेश दिले होते. देशमुख वाझेंना म्हणाले होते की, मुंबईत १७५० बार आणि रेस्टॉरंट आहेत आणि त्यातल्या प्रत्येकाकडून २ ते ३ लाख रुपये कलेक्ट केले, तरीसुद्धा महिन्याला ४० ते ५० कोटी रुपये जमा होतील. राहिलेली इतर रक्कम इतर मार्गांनी जमा करता येऊ शकते.

देशमुख हे पोलीस अधिकाऱ्यांना त्यांच्या निवासस्थानी बोलवायचे.

मला किंवा वरिष्ठ अधिकाऱ्यांना अंधारात ठेऊन देशमुख हे पोलीस अधिकाऱ्यांना त्यांच्या बंगल्यावर बोलवायचे आणि पैसे गोळा करण्यासाठी टार्गेट द्यायचे. टार्गेटनुसार ते पोलीस अधिकाऱ्यांना कार्यालयीन कामकाजात तसेच आर्थिक व्यवहारात सल्ला आणि निर्देश देत होते. पैसे गोळा करण्यासाठी पोलीस अधिकाऱ्यांचा ते उपयोग करायचे. त्यांचे हे भ्रष्ट आचरण अनेक पोलीस अधिकाऱ्यांच्या नजरेस आले होते.

त्यांनी हे पत्र फक्त मुख्यमंत्री उद्धव ठाकरे यांनाच नाही तर राज्यपाल भगतसिंह कोश्यारी यांना सुद्धा पाठवलं होत. 

त्या पत्रानंतर मोठी खळबळ माजली. सीबीआयने २१ एप्रिलला अनिल देशमुखांच्या घर आणि कार्यालयासह १० ठिकाणी छापे मारले होते. देशमुख राहत असलेल्या मुंबईतील ज्ञानेश्वरी बंगल्यातही सीबीआयने छापे मारले होते.

त्यानंतर २५ एप्रिलला सकाळी-सकाळी ईडीने अनिल देशमुख यांच्या नागपूर आणि मुंबईतील घरांसह ५ ठिकाणी छापेमारी केली होती. ही छापेमारी प्रामुख्यानं १०० कोटी वसुली तसेच बदल्यांसाठी पैसे घेण्यात आल्याच्या आरोपांनंतर या सगळ्या पैशाचं नेमकं झालं काय झालं? हवाला मार्फत ते बाहेर पाठवण्यात आले का? किंवा कोलकात्यातील शेल कंपन्यांच्या माध्यमातून त्याची गुंतवणूक केली गेली का? या सगळ्याच्या तपासासाठी केली होती.

त्यानंतर ईडीने अनिल देशमुख यांना पहिलं समन्स बजावलं होतं. मात्र त्यांनी हजर राहण्यासाठी वेळ वाढवून मागितला.

त्यानंतर ईडीने अनिल देशमुख यांचे खासगी सचिव संजीव पालांडे आणि खासगी सहाय्यक कुंदन शिंदे यांना ताब्यात घेतलं. त्यांची जवळपास १० तास चौकशी केली, आणि त्यानंतर रात्री १२:३० वाजता दोघांना अटक करण्यात आली. मनी लाँड्रिंग प्रतिबंध कायद्याअंतर्गत शिंदे आणि पालांडे यांना अटक करण्यात आली असल्याचं ईडीने सांगितलं.

याच वकिलांचा रिमांड मिळण्यासाठी न्यायालयात सुनावणी सुरु असताना ईडीने अनिल देशमुख यांचं देखील नाव घेतलं होतं. त्यादिवशी ईडीचे वकील सुनिल गोन्सालवीस यांनी याबाबतचा सविस्तर कागदपत्रांसह न्यायालयात केलेल्या दाव्यानुसार,

माजी सहायक पोलिस निरीक्षक सचिन वाझे याने बार, पब आणि ऑर्केस्ट्रामधून वसूल केलेले कोट्यवधी रुपये अनिल देशमुखांना दिले, कसे ते देखील ईडीने न्यायालयात सांगितले.

डिसेंबरमध्ये सचिन वाझेला ४० लाख रुपये गुडलक मनी देण्यात आले. त्यानंतर वाझेला मुंबई पोलिसांच्या झोन १ ते झोन ७ कडून १ कोटी ६४ लाख रुपये दिले गेले. सोबतचं बार, पब आणि ऑर्केस्ट्राद्वारे झोन ८ ते झोन १२ कडून २ कोटी ६३ लाख रुपये देण्यात आले. हे सर्व पैसे सचिन वाझेने अनिल देशमुख यांना देण्यात येणार असं सांगितलं.

याशिवाय देशमुख यांनी पोलिसांच्या बदल्यांमधूनही पैसे उकळले असा दावा ईडीने न्यायालयात केला होता. हा सगळा पैसा देशमुख यांनी दिल्लीतील पेपर कंपनीच्या माध्यमातून साई शिक्षण संस्थेकडे वळवला, पण हि कंपनी केवळ कागदावरच असून केवळ ट्रान्सफर एन्ट्री करण्याच्या कामासाठी वापरल्या जातात असा ईडीने आरोप केला आहे.

त्यानंतर देशमुख यांना प्रत्यक्ष चौकशीसाठी हजर राहण्यासाठी  समन्स बजावण्यात आलं होतं. मात्र त्यांनी पत्र पाठवून हजर राहण्यास असमर्थता दर्शवली. 

या सगळ्या प्रकरणात अनिल देशमुखांना गृहमंत्री पदाचा राजीनामा द्यावा लागला होता.

देशमुख चौकशीदरम्यान ईडीच्या अधिकाऱ्यांना सहकार्य करत नव्हते.  समन्स बजावून ही चौकशीला उपस्थित राहत नव्हते. त्यामुळे अनिल देशमुख अटकेच्या भीतीने प्रत्यक्ष उपस्थिती टाळत आहेत का? असा प्रश्न उपस्थित होत होता. त्यानंतर तर ते गायबच झाले. आणि अखेर अचानक इतक्या महिन्यानंतर जगासमोर आले. आणि थेट ईडीच्या कार्यालयात गेले.

शेवटी अटक झालीच….

हे हि वाच भिडू

• ज्या कोलकाता कनेक्शनमुळे अनिल देशमुख गोत्यात आले आहेत ते असं आहे
• अनिल देशमुखांच्या घरावर CBI चे छापे ; २०१९ ला त्यांनी इतकी संपत्ती सांगितली होती
• शरद पवारांची सभा उधळून लावत अनिल देशमुख निवडून आले होते..

The post दोन महिने गायब असलेले अनिल देशमुख अखेर ईडीच्या अटकेत, पीएंवर देखील झाली कारवाई appeared first on BolBhidu.com.

मुंबई । ड्रग्ज प्रकरणात अडकलेला बॉलिवूड सुपरस्टार शाहरुख खानचा मुलगा आर्यन खान आता त्याच्या घरी पोहोचला आहे. शाहरुख आणि गौरी खान आता त्यांचा मुलगा आर्यनच्या सुरक्षेबाबत खूप चिंतेत आहेत. यामुळे आता त्यांनी एक मोठा निर्णय घेतला आहे. शाहरुख आता आर्यनसाठी एका खाजगी बॉडीगार्ड शोधत आहे. जो नेहमी त्याची सुरक्षा करेल.

आर्यन खानचे प्रकरण ज्या पातळीवर गेले आहे त्यामुळे शाहरुख नाराज आहे. जर आर्यनसोबत वैयक्तिक बॉडीगार्ड असता तर परिस्थिती इतकी बिघडली नसती. त्याचा अंगरक्षक रवी सिंगप्रमाणेच शाहरुख आता लवकरात लवकर आर्यनसाठी बॉडीगार्ड ठेवण्याचा विचार करत आहे.

आर्यनच्या पुनरागमनानंतर शाहरुख आणि गौरीने त्याच्यासाठी एक नवीन रुटीन प्लॅन बनवला आहे जेणेकरून तो या धक्क्यातून बाहेर पडू शकेल. आर्यनला काही दिवस घराबाहेर पडण्याची परवानगीही दिली जाणार नाही कारण घराबाहेर चाहते आणि मीडियाची प्रचंड गर्दी जमली आहे.

याशिवाय आर्यनला कोणत्याही प्रकारे पार्टी किंवा सार्वजनिक ठिकाणी जाण्यापासून रोखले जाईल. आर्यन खानला नार्कोटिक्स कंट्रोल ब्युरोने 2 ऑक्टोबर रोजी मुंबईहून गोव्याला जाणाऱ्या एका क्रूझ जहाजावर छापा टाकून अटक केली होती. यामुळे एकच खळबळ उडाली होती.

एनसीबीने आर्यनवर ड्रग्जचा वापर आणि व्यापार केल्याचा आरोप केला आहे. यानंतर आर्यन खानला मुंबई उच्च न्यायालयाने अनेक अटींसह जामीन मंजूर करण्याचे आदेश दिले होते. यामुळे त्याला काहीसा दिलासा मिळाला आहे.

आता आर्यनची सर्व काळजी घेतली जाणार आहे. अनेकदा यामुळेच बॉडीगार्ड शोधला जात आहे. आर्यन तब्बल २८ दिवस जेलमध्ये होता. त्या काळात अनेक मोठ्या घडामोडी देखील समोर आल्या.

यंदाच्या टी २० विश्वचषकात भारताला अनेक अडचणींना सामोरे जावे लागत आहे. सलग दोन्ही सामन्यांमध्ये पराभूत झाल्यामुळे भारतीय संघाची आव्हाने वाढत आहे. रविवारी न्युझिलंडविरुद्धच्या सामन्यात भारताचा पराभव झाला होता. त्यामुळे भारतीय संघाचा मार्ग खडतर झाला आहे.

भारतीय संघाचे मुख्य प्रशिक्षक रवी शास्त्री, कर्णधार विराट कोहली आणि मार्गदर्शक महेंद्र सिंग धोनी आहे. असे असूनही भारताच्या खराब कामगिरीमुळे त्यांच्यावर टीका केली जात आहे. तसेच माजी कर्णधार कपिल देव यांनीही त्यांच्यावर टीका केली आहे.

भारत-न्युझिलंड यांच्यातल्या सामन्यादरम्यान धोनी आणि रवी शास्त्री यांच्यातील संभाषण लाईव्ह मॅचमध्ये कॅमेरामनने टीपले आहे. व्हायरल झालेल्या फोटोंवरुन धोनी आणि शास्त्री यांच्यात वाद होत असल्याची सांगितले जात आहे.

न्युझिलंडविरुद्धच्या सामन्यात भारतीय फलंदाजांना धावांचा डोंगर उभा करणे शक्य झाले नाही. न्युझिलंड गोलंदाजांनी एकेका धावेसाठी भारतीय फलंदाजांना तरसवत असल्याचे दिसून येत होते. तसेच जबरदस्त गोलंदाजांमुळे फलंदाजांना पुन्हा तंबुत जावे लागले होते.

या सर्व गोष्टीमुळे धोनी प्रचंड चिडला होता आणि त्याने सामन्यादरम्यानच रवी शास्त्री यांच्याशी संवाद साधला होता. त्याचवेळी कॅमेरामननं त्यांच्याकडे कॅमेरा वळवला होता. तसेच धोनी आणि शास्त्री यांच्यात कोणतेही वाद झालेले दिसून आले नाही. ते फक्त फलंदाजांच्या कामगिरीमुळे नाराज झालेले दिसून आले.

न्युझिलंडविरुद्धच्या सामन्यात फलंदाजीचा क्रम बदलणे भारताला महागात पडले. इशन किशन आणि लोकेश राहूल यांना सलामीवीर म्हणून पाठवण्यात आले. तिसऱ्या क्रमांकावर रोहित शर्मा तर चौथ्या क्रमांकावर विराट कोहली खेळला होता. पण सर्वच खेळाडूंना चांगली कामगिरी करता आली नाही. हार्दिंक पांड्या २३ आणि रविंद्र जडेजा नाबाद २६ धावांमुळे भारत ११० धावांचा स्कोर करु शकला. पण न्युझिलंडच्या जबरदस्त फलंदाजीमुळे भारताला पराभवाला सामोरे जावे लागले.

महत्वाच्या बातम्या-
मुलगा घरातून बाहेर पडताच सुनेला खोलीत बोलावायचा सासरा आणि करायचा ‘हे’ घाणेरडे कृत्य
मोठी बातमी! १०० कोटी वसुली प्रकरणी माजी गृहमंत्री अनिल देशमुख यांना अटक
सुनील दत्त यांच्याकडे १५०० रूपयांवर काम करायचे शक्ती कपूर, पण मर्सिडीज ठोकली व नशीब पालटले

देशात एकाच कुटूंबात घरातली घरात अनेक धक्कादायक प्रकार समोर येतात. आता देखील असाच एक प्रकार समोर आला आहे. लखनऊमध्ये एका सुनेने आपल्या सासऱ्यावरतीच बलात्काराचा आणि विनयभंगाचा आरोप लावला आहे. यामुळे एकच खळबळ उडाली आहे.

तिचा नवरा घरााबाहेर पडला की, तिचा सासरा तिच्यासोबत अश्लील कृत्य करत असल्याचे सुनेने सांगितले आहे. आपल्याच मुलाच्या बायकोवर घाणेरडी नजर ठेवण्याचा किळसवाणा प्रकार एका बापाने केला आहे. यामुळे या प्रकरणाची सगळीकडे चौकशी सुरू आहे.

उत्तर प्रदेशमध्ये पिलीभीतमधून हे प्रकरण उघडकीस आले आहे. या नराधमाने सासरा आणि सून यांच्यातील नात्याला कलंक लावला आहे. मुलगा गेल्यावर सून घरात एकटी असल्याचा फायदा सासरा घेत असत. तिला जवळ बोलावून तिच्यासोबत जबरदस्ती केली जात होती. तिला सतत त्रास दिला जात होता.

या सुनेचा आरोप आहे की, एके दिवशी तिचा नवरा निघून गेल्यावर सासऱ्याने तिला खोलीत बोलावून तिच्यावर बलात्कार केला. त्यानंतर रोजच त्याने बलात्कार केला. तिने पतीला सांगितले मात्र पतीने देखील तिच्याकडे लक्ष दिले नाही. ती पोलिसांकडे गेली मात्र त्याठिकाणी देखील तिला न्याय मिळाला नाही.

त्यानंतर याप्रकरणी पीडितेने एसपीकडे तक्रार दाखल केली. तेव्हा हा सगळा प्रकार उघडकीस आला आहे. पीडितेचे आई-वडील कोतवाली येथे पोहोचले आणि न्यायाची याचना केली. पीडितेने एसपींना तक्रार पत्र देऊन चौकशी करून कारवाई करण्याची मागणी केली आहे.

पोलिसांकडे तिने अनेकदा तक्रार केली. मात्र काही फायदा झाला नाही. सासऱ्याने मात्र तिला अनेकदा बोलावून जबरदस्तीने तिच्यावर बलात्कार केला. तिचा नवरा गवंडी काम करतो. तो घराबाहेर जाताच सासरा हे कृत्य करत होता.

मुंबई । गेल्या काही दिवसांपासून वादात सापडलेले राष्ट्रवादी काँग्रेसचे नेते माजी गृहमंत्री अनिल देशमुख यांना अखेरीस ईडीने अटक केली आहे. यामुळे राजकारणात एकच खळबळ उडाली आहे. गेल्या काही दिवसांपासून ते गायब होते. अटक टाळण्यासाठी देशमुख यांनी सर्वोच्च न्यायालयापर्यंत धाव घेतली होती.

तब्बल १२ तासाच्या चौकशीनंतर अनिल देशमुख यांना ईडीने मनी लाँड्रिंगच्या गुन्ह्यात अटक केली आहे. रात्री १ च्या सुमारास त्यांना अटक झाली. मंगळवारी त्यांना पीएमएलए न्यायालयात हजर करण्यात येणार आहे. पाच समन्स पाठवल्यानंतर अनिल देशमुख सोमवारी सकाळी ११ वाजता ईडीच्या कार्यालयात वकीलासह हजर झाले होते.

देशमुख यांच्यावर १०० कोटींची वसुली केल्याचा आरोप आहे. मुंबई माजी पोलीस आयुक्त परमबीर सिंह यांनी लेखी पत्र देऊन हे आरोप केले होते. या प्रकरणी सीबीआयने गुन्हा दाखल केला होता. त्यानंतर मनी लाँड्रिंग प्रकरणात ईडीने गुन्हा दाखल करून अनिल देशमुख यांना ५ जून रोजी पहिले समन्स पाठवले होते.

या कारवाईने महाविकास आघाडी सरकारच्या पुढील अडचणी वाढल्या आहेत. आजपर्यंत ‘ईडी’ने चार वेळा देशमुख यांना समन्स पाठवले होते. मात्र त्यांनी वकिलांच्या मार्फत उत्तर देत कारवाईचा तपशिल मागितला होता. आता मात्र त्यांना अटक झाल्याने विरोधकांना बळ मिळणार आहे.

आज सकाळी त्यांना वैद्यकीय चाचणीसाठी रुग्णालयात नेले जाईल. यानंतर सकाळी अकराच्या सुमारास त्यांना न्यायालयासमोर हजर केले जाणार आहे. ईडीचे वरिष्ठ अधिकारी दिल्लीहून मुंबईच्या ईडी कार्यालयात दाखल झाली आहेत. अटकेपूर्वी अनिल देशमुख यांचा जबाब नोंदवण्यात आल्याचेही वृत्त आहे.

या गुन्ह्यात सक्रिय असलेल्या सर्व आरोपींचे जबाबही देशमुख यांच्यासमोर ठेवण्यात आले. मात्र देशमुख यांनी कोणत्याही प्रश्नाचे स्पष्ट उत्तर देता आले नाही. ते फक्त आरोप फेटाळत राहिले. पण तपासाच्या आधारे ईडीने त्याला अटक केली.