मुंबई । गेल्या काही दिवसांपासून वादात सापडलेले राष्ट्रवादी काँग्रेसचे नेते माजी गृहमंत्री अनिल देशमुख यांना अखेरीस ईडीने अटक केली आहे. यामुळे राजकारणात एकच खळबळ उडाली आहे. गेल्या काही दिवसांपासून ते गायब होते. अटक टाळण्यासाठी देशमुख यांनी सर्वोच्च न्यायालयापर्यंत धाव घेतली होती.

तब्बल १२ तासाच्या चौकशीनंतर अनिल देशमुख यांना ईडीने मनी लाँड्रिंगच्या गुन्ह्यात अटक केली आहे. रात्री १ च्या सुमारास त्यांना अटक झाली. मंगळवारी त्यांना पीएमएलए न्यायालयात हजर करण्यात येणार आहे. पाच समन्स पाठवल्यानंतर अनिल देशमुख सोमवारी सकाळी ११ वाजता ईडीच्या कार्यालयात वकीलासह हजर झाले होते.

देशमुख यांच्यावर १०० कोटींची वसुली केल्याचा आरोप आहे. मुंबई माजी पोलीस आयुक्त परमबीर सिंह यांनी लेखी पत्र देऊन हे आरोप केले होते. या प्रकरणी सीबीआयने गुन्हा दाखल केला होता. त्यानंतर मनी लाँड्रिंग प्रकरणात ईडीने गुन्हा दाखल करून अनिल देशमुख यांना ५ जून रोजी पहिले समन्स पाठवले होते.

या कारवाईने महाविकास आघाडी सरकारच्या पुढील अडचणी वाढल्या आहेत. आजपर्यंत ‘ईडी’ने चार वेळा देशमुख यांना समन्स पाठवले होते. मात्र त्यांनी वकिलांच्या मार्फत उत्तर देत कारवाईचा तपशिल मागितला होता. आता मात्र त्यांना अटक झाल्याने विरोधकांना बळ मिळणार आहे.

आज सकाळी त्यांना वैद्यकीय चाचणीसाठी रुग्णालयात नेले जाईल. यानंतर सकाळी अकराच्या सुमारास त्यांना न्यायालयासमोर हजर केले जाणार आहे. ईडीचे वरिष्ठ अधिकारी दिल्लीहून मुंबईच्या ईडी कार्यालयात दाखल झाली आहेत. अटकेपूर्वी अनिल देशमुख यांचा जबाब नोंदवण्यात आल्याचेही वृत्त आहे.

या गुन्ह्यात सक्रिय असलेल्या सर्व आरोपींचे जबाबही देशमुख यांच्यासमोर ठेवण्यात आले. मात्र देशमुख यांनी कोणत्याही प्रश्नाचे स्पष्ट उत्तर देता आले नाही. ते फक्त आरोप फेटाळत राहिले. पण तपासाच्या आधारे ईडीने त्याला अटक केली.

अयोध्येतील रामजन्मभूमी जागेचा प्रश्न सुटला आहे. पण या मुद्द्यावरून संसदेपासून रस्त्यापर्यंत देशात जोरदार चर्चा घडल्या आहेत. संसदेत जेव्हा जेव्हा आयोध्येतील राम मंदिराची चर्चा होते तेव्हा देश श्वास रोखून ऐकत असे.

त्याकाळी असं म्हटलं जायचं कि अयोध्येच आंदोलन हे लालकृष्ण अडवाणींनी उभं केलं होत पण वाजपेयींचा त्याला पाठिंबा नव्हता. वाजपेयी बाबरी मशीद पाडण्याच्या विरोधात होते असं हि बोललं जायचं. पण वाजपेयींनी जाहीर रित्या आपली भूमिका कधी मांडली नव्हती. विशेषतः पंतप्रधान झाल्यावर तर त्यांनी या वादग्रस्त विषयाला अनेकदा बदल दिला होता.

खरे तर देशात खळबळ माजवणाऱ्या रामजन्मभूमीवर अटलजींना काहीतरी बोलावे, यासाठी विरोधी पक्षाचे खासदार प्रयत्नशील होते, पण अटलजींनी प्रश्न उपस्थितीत करणाऱ्या विरोधकांना असे काही सांगितले की, त्यांना यावर आता काय प्रतिक्रिया द्यावी हेही समजले नाही.

तर गोष्ट आहे  १६ मार्च २००२ ची.

तत्कालीन पंतप्रधान अटलबिहारी वाजपेयी हे १६ मार्च २००२ रोजी सर्वोच्च न्यायालयाच्या आदेशानुसार  लोकसभेत आयोध्येतील परिस्थितीवर उत्तर देत होते. त्यांच्या भाषणापूर्वी काँग्रेस, डावे आणि इतर विरोधी पक्षातील खासदार अटलजींवर दबाव आणण्यासाठी अनेक प्रश्न उपस्थित करत होते.

‘पंतप्रधान राहण्यासाठी वाजपेयी हे बाहेरून धर्मनिरपेक्ष प्रतिमा ठेवतात, पण आतून हिंदू संघटनांना पाठिंबा देतात’, असे विरोधी पक्षातील काही खासदारांनी अटल बिहारी वाजपेयी  यांच्यावर हल्लाबोल केला होता.  विरोधी खासदारांच्या आरोपां नंतर वाजपेयी उभे राहिले.

वाजपेयी यांचे भाषेवर उत्तम प्रभुत्व होते. ते बोलायला उभे राहिले तर सर्व सभागृह लक्ष देऊन ऐकत असे. यावेळची तर परिस्थिती ही जरा वेगळी होती. यावेळी वाजपेयी यांच्यावर वैयक्तिक टीका करण्यात येत होती. अशावेळी शांत बसतील ते अटलबिहारी वाजपेयी कसले.

उत्तर देण्यासाठी वाजपेयी उभे राहिल्यावर सभागृहात शांतता पसरली होती. ते म्हणाले- ‘जे लोक माझ्यावर फक्त बाहेरून धर्मनिरपेक्ष असल्याचा आरोप करत आहेत, कृपया मला समजावून सांगा की, विचार प्रक्रियेत आत आणि बाहेर काय असते? यावेळी सभागृहात संपूर्ण शांतता पसरली.

वाजपेयी पुन्हा म्हणाले – ‘मी आतून हिंदू आहे आणि बाहेरूनही. हिंदुत्व हे माझे जीवन आहे आणि ती माझी संस्कृती, माझी मूल्ये आहेत. मी आतून कोण आणि बाहेरून कोण हे कोणी ठरवेलच कसं!” त्याच्या कडक स्वराने सभागृहातली शांतता आणखीनच गडद झाली.

सर्वजण शांत झाल्यावर अटलजी आपल्या नम्रपणे म्हणाले – ‘धर्मनिरपेक्षता म्हणजे काय असा प्रश्न उपस्थित करणाऱ्यांनी हिंदू धर्मातून शिकावे. या जगात सनातन धर्मापेक्षा धर्मनिरपेक्ष कोणी नाही. हेच प्रत्येकाला स्वतःमध्ये घेते. आणि तुम्ही आम्हाला धर्मनिरपेक्षतेचा धडा शिकवत आहात.

अयोध्येच्या प्रश्नावर आणि आपल्या हिंदुत्वावर वाजपेयींनी स्पष्ट भूमिका मांडली आणि इतकी वर्षे सुरु असलेल्या वादावर कायमचा पडदा टाकला. ते धर्मनिरपेक्ष विचारांचे पुरस्कर्ते होतेच पण त्यासाठी हिंदुत्वाची कास त्यांनी सोडली नव्हती.

हे ही वाच भिडू 

• एका भाषणामुळे अटल बिहारी वाजपेयी यांच मंदिर बांधण्यात आलं. 
• भाजप त्यांना मुल्ला मुलायम म्हणायची पण त्यांचं सरकार वाचवलं वाजपेयींनीच..!
• वाजपेयींनी युनोमध्ये केलेल्या हिंदी भाषणानंतर १२ देशातील मंत्री त्यांना भेटायला आले होते
• गांधी टोपीवाल्या विखेंना पाहून त्यांना वाटायचं, अटलजींनी हा कसला अर्थमंत्री दिलाय…

The post अटलजी म्हणाले होते, “मी आतून पण हिंदू आहे आणि बाहेरून सुद्धा” appeared first on BolBhidu.com.

ज्या ज्या वेळी एखादी भीषण नैसर्गिक आपत्ती येते तेव्हा तिथं पीडित लोकांना स्वच्छ पाणी कसं मिळेल याकडे सगळ्यांचं लक्ष असतं पण ते गाव घटनेतून नीट होतं पण स्वच्छ पाणी त्या लोकांना पिण्यासाठी मिळत नाही. जेव्हा जेव्हा नैसर्गिक घटना घडते तेव्हा तिथल्या पाण्यामध्ये बॅक्टेरिया, केमिकल, पशूंची विष्ठा यामुळे ते पाणी पिण्यायोग्य राहत नाही. त्यामुळे आजार फोफावण्याची संधी वाढते. यावर उपाय म्हणून मागच्या 17 वर्षांपासून एक कंपनी यावर वॉटर फिल्टरचा उपाय राबवत आहे तर जाणून घेऊया या कंपनी विषयी.

पुण्यामध्ये aqua plus water purifier private limited ही कंपनी मागच्या 17 वर्षांपासून असे वॉटर फिल्टर बनवत आहे त्यामुळे लाखो लिटर पाणी काही मिनिटातच शुद्ध होतं. हे वॉटर फिल्टर दूरच्या देशात इन्स्टॉल करण्यात कामी येणार आहेत. आजवर 50 पेक्षा जास्त आपत्तीच्या ठिकाणी हे वॉटर फिल्टर्स कामी आले आहेत.

पण इतक्या युनिक आयडियाची सुरवात नक्की झाली कुठून ? ते जाणून घेऊया.

या कंपनीचे संस्थापक राहुल पाठक हे पुण्यात इंजिनिअरिंग करत होते. थेरीज आणि कॅल्क्युलेशन मध्ये ते गुंतून गेलेले होते आणि त्यांना यातून बाहेर पडून नवीन काहीतरी करायचं होतं. याच काळात त्यांनी इंजिनिअरिंग ड्रॉप आउट केलं आणि 1993 साली वॉटर प्युरीफायरची मार्केटिंग करायला सुरुवात केली. हे करण्यामागे त्यांचं प्रेरणास्थान त्यांचे वडील होते. त्यांचे वडील सिरॅमिक फिल्टर्स बनवून विकत असे. पण 90 च्या दशकात आलेल्या मंदीमुळे त्यांचा व्यवसाय बंद पडला होता.

राहुल पाठक यांनी वडिलांच्या या व्यवसायाला नवीन रूप देण्याचं ठरवलं आणि वॉटर फिल्टर बनवायला सुरवात केली. 1994-95 साली कंपनी सुरू केली आणि स्वतः तिथं ते वॉटर फिल्टर बनवू लागले. आता वॉटर फिल्टर बनवणारे तेव्हा बरेच होते म्हणून राहुल पाठक यांनी मोबाईल वॉटर फिल्टर बनवायला सुरवात केली. राहुल पाठक या मोबाईल फिल्टर विषयी सांगतात की

वॉटर फिल्टरमध्ये वापरण्यात येणारी मेम्बरेन, एका पातळ कागदाची शीट असते जी चार भागात मायक्रोफिल्टरेशन, अल्ट्राफिल्टरेशन, नॅनोफिल्टरेशन आणि रिव्हर्स ऑसमॉसिस मध्ये विभागली गेली आहे जे पाणी शुद्ध करतात. यात पाण्यात असलेली बॅक्टेरिया, व्हायरस, किटाणू, क्षार 99 टक्के शुद्ध करतात.

अगोदर ह्या मेम्बरेन चीनमधून आयात केल्या जात होत्या नंतर राहुल पाठक यांनी त्याचं तंत्र समजावून घेतले आणि स्वतः बनवायला चालू केलं. द काउंसिल ऑफ साइंटिफिक एंड इंडस्ट्रियल रिसर्च (CSIR ) च्या वैज्ञानिक लोकांसोबत मिळून त्यांनी एक मशीन तयार केली जी पूर्णपणे स्वदेशी ठरली. 2005 साली जम्मू काश्मीर मध्ये आलेल्या भूकंपात राहुल पाठक यांनी बनवलेले मोबाईल वॉटर फिल्टर्स वापरले गेले. आज घडीला भारत भरात हे वॉटर फिल्टर्स वापरले जातात.

एक स्टार्टअप म्हणून सुरवात केली तेही इंजिनिअरिंग ड्रॉप आउट करून आणि आज घडीला एका नव्या स्वरूपात लोकोपयोगी वस्तू राहुल पाठक यांनी बनवली आहे आणि देशभरात तिचा बोलबाला आहे.

हे ही वाच भिडू :

• आजोबांचं स्वप्न पूर्ण करत दोघा बहीण भावांनी inc 5 ब्रँड उभा केला….
• श्रीमंतांचं स्टेटस सिम्बॉल असणारं झारा, जाहिरातीवर शून्य रुपये खर्च करून ही टॉप ब्रँड बनलंय
• फाळणीमुळे देशोधडीला लागलेल्या रेफ्यूजीने आईस्क्रीमचा कोट्यवधींचा ब्रँड तयार केला..
• सोनूला ब्रँड अँबेसेडर बनवण्यामागं केजरीवाल यांनी पंजाब निवडणुकीवर डोळा ठेवलाय?

The post इंजिनिअरिंग ड्रॉप आउट केलं आणि विना लाईटचं वॉटर फिल्टर बनवलं… appeared first on BolBhidu.com.