संभाजीराजेंच्या आंदोलनाला नगरमधून पाठिंबा; बैठकीत सरकारला दिला 'हा' इशारा

February 19, 2022 Marathi 0 Comments

अहमदनगर : 'छत्रपती शिवाजी महाराज यांच्या वारसदाराला समाजाच्या जिव्हाळ्याच्या मागण्यांसाठी जर आमरण उपोषण करावं लागणार असेल तर समाजालाही आत्मचिंतन करावं लागेल. मराठा समाजाच्या मागण्या मान्य झाल्या नाहीत, तर २७ फेब्रुवारीपासून जक्काजाम आंदोलन केले जाईल,' असा इशारा नगरमध्ये झालेल्या मराठा कार्यकर्ते, पदाधिकाऱ्यांची बैठकीत देण्यात आला. व मराठा समाजाच्या विविध मागण्यांसाठी खासदार २६ फेब्रुवारीपासून मुंबईतील आझाद मैदानावर आमरण उपोषण करणार आहेत, त्याला पाठिंबा देत नगरमधून मोठ्या संख्येने मुंबईला जाण्याचंही नियोजन करण्यात आलं आहे. () शुक्रवारी नगरमध्ये जिल्ह्यातील मराठा कार्यकर्ते, पदाधिकाऱ्यांची बैठक झाली. यात मराठा क्रांती मोर्चाचा प्रवास व त्यानंतर मराठा आरक्षणाबाबत सामाजिक, राजकीय व न्यायालयीन घडलेल्या घडामोडी या संदर्भाने सखोल विचारमंथन करण्यात आले. कार्यकर्ते, पदाधिकाऱ्यांनी पोटतिडकीने यावेळी भूमिका मांडल्या. सरकार जर शिवछत्रपतींच्या वारसाला आमरण उपोषण करण्यास भाग पाडत असेल तर मराठा समाज स्वस्थ बसणार नाही. सरकारला याची गंभीर किंमत मोजावी लागेल, असा इशारा बैठकीत देण्यात आला. २६ फेब्रुवारीला जिल्ह्यातील सर्व तालुक्यांमधून शेकडो वाहनांनी कार्यकर्ते मुंबईला जाणार आहेत. जिल्ह्यातही समाज रस्त्यावर उतरवण्यासाठी मोहीम राबविण्यात येईल. यासाठी प्रत्येक तालुक्यात व गटात बैठका घेऊन जागृती करण्याचा निर्णय आजच्या बैठकीत घेण्यात आला. छत्रपती संभाजी राजांच्या आंदोलनाची दखल घेऊन तात्काळ मागण्या मान्य न केल्यास समाज पूर्ण ताकतीने रस्त्यावर उतरेल, २७ फेब्रुवारीपासून जिल्ह्यात चक्काजाम केले जाईल, असा इशाराच पदाधिकाऱ्यांनी या बैठकीतून दिला आहे. मराठा समाज बांधवांनी, तसंच समविचारी घटकांनी संभाजीराजांच्या सोबत संपूर्ण ताकदीनिशी रणांगणात उतरावं, असं आवाहन सकल मराठा समाज, मराठा क्रांती मोर्चाच्या वतीने करण्यात आले. दरम्यान, या बैठकीला संजीव भोर, अॅड. सुभाष जंगले, नितीन पटारे, शरद नाना थोरात, देवेंद्र लांबे, बाबासाहेब भांड, मधुकर म्हसे,अनिकेत आवारे, डॉ.रवींद्र महाडिक, सोमनाथ माने, अॅड. योगेश गेरंगे, विशाल म्हस्के, वैभव कदम, आदिनाथ चंद्रे, संतोष घोलप, गोरक्षनाथ माळवदे, प्रीतम पाटील, विकास शिर्के, योगेश खेंडके, राम झिने, रोहित वाळके, प्रशांत लवांडे,शाम उदागे, शुभम बंब, अभिजीत सरनोबत, खंडू सातपुते, संतोष कोल्हे, बाळासाहेब शेळके, भाऊसाहेब वाडेकर, बाळू कोकाटे कार्यकर्ते उपस्थित होते.