पर्यटन मंत्री आदित्य ठाकरे दोन दिवस विदर्भ दौऱ्यावर; 'हे' आहे कारण
-चंद्रपूरसह खापरखेडा येथे देणार भेट; संघटनात्मक बैठक नाही म.टा. विशेष प्रतिनिधी, नागपूरः जिल्ह्यातील वीज प्रकल्पांचे प्रदूषण आणि फ्लाय अॅशच्या प्रश्नावर तसेच, चंद्रपूरमधील तलावाबाबत पर्यटन, पर्यावरण व वातावरणीय बदलाचा आढावा घेण्यासाठी मंत्री हे सोमवार, ७ आणि मंगळवार, ८ फेब्रुवारी अशा दोन दिवसांच्या दौऱ्यावर येत आहेत. महापालिका निवडणुकीच्या तोंडावर आदित्य ठाकरे यांचा दौरा असला तरी, कुठलाही राजकीय कार्यक्रम नाही. युवा सेनेची बैठकही दौऱ्यात नमूद नाही. यावेळी त्यांनी ताडोबालादेखील जाण्याचे टाळल्याचे दिसून येते, हे विशेष. आदित्य ठाकरे यांचे सोमवारी दुपारी २ वाजता विशेष विमानाने येथे आगमन झाल्यानंतर कारने ते चंद्रपूरला रवाना होतील. रामाळा तलावास भेट देऊन बगड खिडकी, चांदा किल्ला स्वच्छता अभियानाची पाहणी करतील. जिल्ह्यातील पर्यटनाबाबत आढावा बैठक घेतल्यानंतर रात्री नागपूरला परत येतील. कोराडी व खापरखेडा औष्णिक वीज केंद्रातून मोठ्या प्रमाणात प्लाय अॅश तयार होते. त्याची विल्हेवाट लावण्याचे मोठे आव्हान आहे. राज्य प्रदूषण नियंत्रण मंडळाने खापरखेड्याजवळील नांदगाव येथे फ्लाय अॅश टाकण्यास निर्बंध लावले. यामुळे परिसरातील गावकऱ्यांना मोठा दिलासा मिळाला आहे. कोराडी व खापरखेड्याच्या प्रदूषणाचा मुद्दा मध्यंतरी बराच गाजला. आदित्य ठाकरे यांनी याची दखल घेतली. फ्लाय अॅश व प्रदूषणापासून दिलासा देण्यासाठी पर्यावरण व ऊर्जा विभागाकडून संयुक्त योजना कार्यान्वित करण्याचा विचार असल्याचे समजते. आदित्य ठाकरे मंगळवारी सकाळी खापरखेडा येथील फ्लाय अॅश संकलन स्थळाची पाहणी करतील. यानंतर 'मंथन : हवामान बदल व शाश्वत विकास' या कार्यक्रमात विभागीय आयुक्त कार्यालयातून आभासी पद्धतीने सहभागी होतील. यानंतर जिल्ह्यातील पर्यटनावर चर्चा आणि 'माझी वसुधंरा' अभियानाची आढावा बैठक होईल. नागपूरचे संपर्क प्रमुख आमदार दुष्यंत चतुर्वेदी यांच्या पुढाकाराने स्थापन केलेल्या नागपूर उड्डाण क्लबचे उद्घाटन आदित्य ठाकरे यांच्या हस्ते दुपारी २ वाजता होईल. त्यानंतर ते औरंगाबादला रवाना होतील. त्यांच्या स्वागतासाठी शिवसेना व युवासेनेचे पदाधिकारी कार्यकर्ते उत्सुक असले, तरी संघटनात्मक बैठकीसाठी त्यांनी वेळ दिलेली नाही. 000
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,
0 Comments: