करोना काळात मतदारसंघात बिनधास्त फिरणारे खासदार सुजय विखे यांनाही करोना

January 03, 2022 Marathi 0 Comments

विजयसिंह होलम । अहमदनगर करोनाच्या () दोन्ही लाटांच्या काळात आणि नंतरही मतदारसंघात बिनधास्त फिरणारे नगरचे खासदार डॉ. पाटील () यांनाही अखेर करोनाने गाठले आहे. मागील आठवड्यात त्यांचे वडील भाजपचे ज्येष्ठ नेते राधाकृष्ण विखे पाटील (Radhakrishna Vikhe Patil) यांना करोनाची लागण झाली. त्यानंतर आज डॉ. विखे यांनी आपलीही टेस्ट पॉझिटिव्ह आल्याचे म्हटले आहे. त्यामुळे करोनाचा संसर्ग झालेल्या राजकीय नेते मंडळींमध्ये आणखी भर पडली आहे. डॉ. विखे पाटील यांनी सोशल मीडियात पोस्ट करून माहिती दिली आहे. त्यांनी म्हटले आहे, ‘आज माझी कोविड टेस्ट पॉझिटीव्ह आली आहे. काळजी करण्याचे कारण नाही परंतु खबरदारी म्हणून मी स्वतः विलागीकरणात जात आहे. माझ्या संपर्कात आलेल्या सर्वांनी स्वतःची टेस्ट करावी व काळजी घ्यावी.’ वाचा: गेल्या काही काळात डॉ. विखे पाटील यांनी जिल्ह्यातील अनेक कार्यक्रमांना हजेरी लावली आहे. अनेक नेत्यांच्याही ते संपर्कात आले होते. आपल्या बिनधास्त वागण्यासाठी डॉ. विखे पाटील ओळखले जातात. करोना आणि त्यासंबंधीच्या उपाययोजनांसंबंधी ते वेगळी मते मांडत असतात. रात्रीची जमावबंदी करून किंवा केवळ कार्यक्रमांवर बंधने आणून करोनावर नियत्रंण मिळविले जाऊ शकत नाही, असे मत त्यांनी अलीकडेच पुन्हा एकदा व्यक्त केले होते. करोनाच्या सुरुवातीच्या काळापासून डॉक्टर या नात्याने त्यांनी यासंबंधी विविध मते मांडली आहेत. रेमडेसिव्हीरचा पुरवठा, कोविड केअर सेंटर चालविणे, ऑक्सिजन प्रकल्प उभारणे अशा विविध माध्यमांतून त्यांनी प्रत्यक्ष मदतकार्यही केले आहे. मात्र, बैठका आणि कार्यक्रमांत वावरताना त्यांनी मास्क वापरल्याचे फारसे दिसून आले नाही. त्याबद्दलही त्यांचे वेगळे मत होते. वाचा: मागील दोन्ही लाटांच्या काळात ते याच पद्धतीने कार्यरत होते. उपाययोजनांवरून पूर्वी प्रशासन आणि पालकमंत्र्यांसोबत त्यांचे मतभेदही झाले होते. त्यामुळे त्यांच्या पद्धतीने त्यांनी उपाय सुरू ठेवले होते. हे करीत असताना स्वत:ला संसर्गापासून दूर ठेवण्यात त्यांना आतापर्यंत यश आले होते. मात्र, आज अखेर करोनाचा संसर्ग त्यांनाही झाला.