'नकली घोड्यावर बसणाऱ्या 'मैने'ला पद्म पुरस्कार दिला जातो, पण…'

January 05, 2022 Marathi 0 Comments

विजयसिंह होलम । अहमदनगर देशातील महापुरुषांच्या यादीत साहित्यरत्न लोकशाहीर यांचा समावेश नाही. यासंबंधीच्या एका प्रश्नाला केंद्रीय सामाजिक न्याय मंत्रालयाच्या अखत्यारीतील डॉ. आंबेडकर फाऊंडेशनने दिलेल्या उत्तरावरून सध्या जोरदार टीका सुरू आहे. अण्णाभाऊ साठे प्रसिद्ध वा प्रतिष्ठित नसल्याचे उत्तर भाजपच्या एका पदाधिकाऱ्याला देण्यात आले आहे. यावरून आता आता राष्ट्रवादीचे आमदार () यांनीही टीका केली असून केंद्र सरकारला चूक दुरुस्त करण्याची विनंती केली आहे. आमदार पवार यांनी म्हटले आहे, ‘नकली घोड्यावर बसून सामाजिक दुहीचा सूर आळवणाऱ्या 'मैने'ला पद्म पुरस्कार दिला जातो, पण ‘माझी मैना गावाकडं राहिली, माझ्या जिवाची होतीया काह्यली’ या लावणीतून संयुक्त महाराष्ट्राच्या लढ्यात प्राण फुंकणारे लोकशाहीर अण्णा भाऊ साठे हे मात्र केंद्र सरकारच्या दृष्टीने 'प्रतिष्ठित' नाहीत. कथा, लोकवाङमय, लोकनाट्य, कादंबऱ्या, चित्रपट, पोवाडे, लावण्या, गण, गवळण, प्रवास वर्णन अशी विपुल साहित्य सेवा केलेल्या लोकशाहीर अण्णा भाऊ साठे यांच्याबाबतीतील चुकीच्या शोधाची दुरुस्ती करुन त्यांचा समावेश महापुरुषांच्या यादीत करावा.’ डॉ. आंबेडकर फाऊंडेशनकडे देशातील महापुरुषांची यादी असून त्यामध्ये अण्णाभाऊ साठे यांचा समावेश नसल्याचे भाजपच्या अनुसूचित जाती मोर्चाचे अध्यक्ष सुधाकर भालेराव यांच्या लक्षात आले. त्यामुळे त्यांनी केंद्रीय सामाजिक न्यायमंत्री वीरेंद्र कुमार यांना आणि सोबतच डॉ. आंबेडकर फाऊंडेशनलाही पत्र लिहिले. फाऊंडेशनचे संचालक विकास त्रिवेदी यांनी भालेराव यांना उत्तर दिले आहे. त्यांनी म्हटले आहे की, देशातील इतर महापुरुषांप्रमाणे अण्णा भाऊ साठे हे प्रसिद्ध किंवा प्रतिष्ठित असल्याचे आढळले नाही. त्यामुळे संबंधित योजनेत त्यांचा समावेश केला जाऊ शकत नाही. यावरून आता संताप व्यक्त केला जाऊ लागला आहे. दरम्यान, केंद्रीय सामाजिक न्यायमंत्री रामदास आठवले यांनी या प्रकरणात आता लक्ष घातले आहे. संबंधित अधिकाऱ्यांसोबत त्यांनी चर्चा केली. त्यानंतर अण्णा भाऊ साठे यांचे नाव लवकरच या यादीत समाविष्ठ केले जाणार असल्याचेही आठवले यांनी जाहीर केले आहे.