राज्यात अपघाताच्या घटनांमध्ये भयंकर वाढ, ११ महिन्यांचा आकडा पाहून विश्वास बसणार नाही!

January 17, 2022 Marathi 0 Comments

नागपूर : अपघातांवर नियंत्रण मिळविण्यासाठी पोलिस विभाग व संबंधित यंत्रणांकडून विविध उपाययोजना आखण्यात येत आहेत. परंतु, अद्यापही अपघातांना आळा घालण्यात हवे तसे यश मिळालेले नाही. विदर्भाचा विचार करता, नागपूर ग्रामीणमध्ये सर्वाधिक अपघात घडले आहेत. गेल्यावर्षी पहिल्या अकरा महिन्यांत राज्यात २६ हजार २८४ अपघातांच्या घटना घडल्या. यात ११ हजार ९६० जणांचा मृत्यू झाला. २० हजार ५२८ जण जखमी झाले. यातही विदर्भात नागपूर ग्रामीण हे अपघातांसाठी कुख्यात ठरले. नागपूर ग्रामीणमध्ये ८८६ अपघांतात ४२९ जणांचा जीव गेला. ८१८ जखमी झाले. यवतमाळमध्ये ६७३ अपघातांमध्ये २९९ जणांचा जीव गेला. ४२० जखमी झाले. सर्वाधिक अपघातांच्या घटना मुंबई शहरात घडल्या. मुंबईत १,८४४ अपघातांची नोंद झाली असून, २५८ जणांचा मृत्यू झाला, तर १,६१७ जखमी झाले. त्याखालोखाल नाशिक ग्रामीणमध्ये १,२९६ अपघातांची नोंद करण्यात आली. या घटनांमध्ये ७८४ जणांचा बळी गेला. ७२७ जखमी झाले. कोल्हापूरमध्ये ९२६ अपघातांत ३४६ मृत्युमुखी पडले. ९०० जखमी झाले. अहमदनगरमध्ये १,२०७ अपघातांच्या नोंदी झाल्या. या घटनांमध्ये ६३९ जणांचा जीव गेला तर ७५९ जखमी झाले. पुणे ग्रामीणमध्ये १,१२८ अपघातांमध्ये ७२९ जणांचा मृत्यू झाला असून, ७७४ जखमी झाले. दृष्टिक्षेपात... शहर- अपघात-मृत्यू-जखमी नागपूर ग्रामीण -८८६-४२९-८१८ नागपूर शहर - ८६० -२३८ -८७९ यवतमाळ -६७३ -२९९ -४२० बुलडाणा -४४७ -२३१ -२८४ अकोला -३६५ -१५५ -३२४ अमरावती ग्रामीण-४७० -२५५ -३५३ अमरावती शहर-३४९ -६६ -२८८ वाशीम- २५९-१३० -२५४ चंद्रपूर-६२८ -२९७ -४६१ गडचिरोली-२२४ -१२७ -२६२ गोंदिया-२२१ -११९ -२०६ वर्धा- ४२८-१९५ -३७० तीन वर्षांतील अपघातांची संख्या वर्ष एकूण अपघात - मृत्यू जखमी २०१९- ३०,००५ - २६,२३५ - २१,८९९ २०२०- २१,८९९ - १०,१०७ - १७,५२७ २०२१- २६,२८४ - ११,९६० - २०,५२८