हुडुहुडु झालं... महाबळेश्वरमध्ये तापमानाचा पारा शून्य अंशाच्या जवळ

January 12, 2022 Marathi 0 Comments

सचिन जाधव । सातारा राज्यात थंडीचा कडाका वाढला असून महाराष्ट्राचे 'मिनी काश्मीर' म्हणून प्रसिद्ध असलेल्या आणि पाचगणी येथे तापमानाचा पारा चांगलाच कमी झाला आहे. आज पहाटे महाबळेश्वरच्या वेण्णा लेक आणि लिंगमळा परिसरातला तापमानाचा पारा शून्य अंशाच्या जवळ गेलेला पाहायला मिळाला. यामुळे महाबळेश्वरात दवबिंदू गोठतील अशी परिस्थिती निर्माण झाली आहे. वाचा: पाचगणीचा पारा सुद्धा घसरला असून या ठिकाणी थंडीने भरलेली हुडहुडी घालवण्यासाठी शेकोट्या पेटवण्यात आल्या आहेत. दरवर्षी डिसेंबर महिन्यात महाबळेश्वर येथील वेण्णा लेक वरील दवबिंदू गोठत असतात. मात्र, यंदा जानेवारीमध्ये कडाक्याची थंडी पडल्याचं पाहायला मिळत आहे. महाबळेश्वरचा पारा शुन्याच्या जवळ गेला असला तरी वेगाने वाहणाऱ्या वाऱ्यामुळे दवबिंदू गोठण्याची प्रक्रिया झालेली नाही. मात्र, तापमानाचा पारा याच पातळीवर राहिला तर येत्या काही दिवसांत दवबिंदू गोठून महाबळेश्वरमध्ये बर्फाची चादर पुन्हा पाहायला मिळेल, अशी शक्यता निर्माण झाली आहे. दवबिंदू गोठण्यास सुरुवात कधी होणार याची उत्सुकता सर्वांनाच आहे. वाचा: करोनाच्या पार्श्वभूमीवर महाबळेश्वरमधील पर्यटनस्थळे तूर्त बंद ठेवण्यात आली आहे. वेण्णा लेक येथील बोटिंगही बंद आहे. हॉटेल ५० टक्के क्षमतेनं सुरू आहेत. केवळ लॉजिंग पूर्ण क्षमतेनं सुरू आहे.