विधानसभाअध्यक्षांची मंगळवारी होणार निवड; ही नावे चर्चेत
म. टा. खास प्रतिनिधी, मुंबई गेल्या अनेक महिन्यांपासून रिक्त असलेल्या विधानसभा अध्यक्षाच्या निवडीसाठी सोमवारी विधानसभेत अधिकृत कार्यक्रम जाहीर होण्याची शक्यता वर्तविली जात आहे. या कार्यक्रमानुसार मंगळवारी, २८ डिसेंबर रोजी आवाजी पद्धतीने निवडणूक घेतली जाणार असून यासाठी सोमवारी उमेदवारांना अर्ज दाखल करण्यासाठी मुदत दिली जाणार असल्याचे समजते. या पदासाठी काँग्रेसकडून माजी मुख्यमंत्री , आणि के. सी. पडवी यांचे नावे चर्चेत आहेत. विधानसभा अध्यक्षांची निवड आवाजी पद्धतीने व्हावी, यासाठी महाराष्ट्र विकास आघाडी सरकारने नुकतीच अध्यक्ष निवडीसंदर्भातील नियमांत बदल करण्याचा प्रस्ताव नुकताच विधानसभेत मांडला होता. या प्रस्तावाला विधानसभेत मंजूर करण्यात आल्यानंतर लवकरच विधानसभा अध्यक्षांची निवड केली जाईल, अशी शक्यता वर्तविण्यात येत होती. त्यानुसार काही दिवसांपूर्वीच विधानसभेत कामकाज समितीची आणि राज्य मंत्रिमंडळाची बैठक नुकतीच पार पडली होती. या बैठकीनंतर याच अधिवेशनात विधानसभा अध्यक्षांची निवड करण्याचा निश्चित करण्यात आले असून त्यानुसार मंगळवार, २८ डिसेंबरला अधिवेशनाच्या शेवटच्या दिवशी ही निवडणूक घेण्याचा प्रस्ताव ठेवण्यात येणार असल्याची माहिती पुढे आली आहे. यासाठी अधिकृत प्रस्ताव सोमवारी विधानसभेत मांडण्यात येणार असल्याची माहिती सूत्रांकडून देण्यात आली आहे. अध्यक्षपदाची माळ कोणाच्या गळ्यात पडते, हे पाहणे उत्सुकतेचे ठरणार आहे. ही जागा काँग्रेसच्या वाट्याला असल्यामुळे काँग्रेसकडून कोणाला संधी देण्यात येते, हे पाहणे उत्सुकतेचे ठरणार आहे. या पदासाठी पृथ्वीराज चव्हाण यांचे नाव आघाडीवर असले, तरी महाराष्ट्र विकास आघाडीतील इतर पक्षाकडून विरोध होण्याची शक्यता वर्तविली जात आहे. त्यामुळे आमदार संग्राम थोपटे आणि के. सी. पडवी यांचेही नाव चर्चेत आहेत. या संदर्भातील एक प्रस्ताव दिल्लीत पाठविण्यात आला असून कोणाचे नाव निश्चित केले जाते. हे पाहणे उत्सुकतेचे ठरणार आहे. निलंबनाच्या प्रश्नावर लक्ष विधानसभा अध्यक्षांची निवडणूक घेण्यापूर्वी भाजपच्या निलंबित केलेल्या १२ आमदारांच्या प्रश्न मार्गी लावा, अशी मागणी विरोधी पक्षनेते देवेंद्र फडणवीस यांनी नुकतीच सभागृहात केली होती. हे निलंबन मागे घेण्यासाठी या १२ आमदारांनी विधानसभेचे उपाध्यक्ष नरहरी झिरवाळ यांना निवेदनही दिले होते. त्यामुळे या प्रश्नी महाराष्ट्र विकास आघाडी सरकार काय निर्णय घेते, याबाबत उलटसुलट चर्चेला उधाण आले आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,
0 Comments: