‘सहकार पंढरी’त अमित शहा काय बोलणार?; राज्यभरातून २० हजार कार्यकर्ते उपस्थित राहणार
: सहकाराची पंढरी म्हणून ओळखल्या जाणाऱ्या नगर जिल्ह्यातील प्रवरानगर इथं भाजप नेते आणि देशाचे पहिले सहकार मंत्री येत आहेत. शनिवारी (१८ डिसेंबर) सकाळी ११ वाजता त्यांच्या उपस्थितीत प्रवरानगरला राज्यस्तरीय सहकार परिषद आयोजित करण्यात आली आहे. यासाठी भव्य सभामंडप उभारण्यात आला असून राज्यभरातून सुमारे २० हजार कार्यकर्ते उपस्थित राहणार असल्याचं सांगण्यात आलं आहे. () भाजप नेते राधाकृष्‍ण विखे पाटील यांच्‍या मार्गदर्शनाखाली भारतीय जनता पार्टी आणि प्रवरा परिवाराच्‍या वतीने या सहकार परिषदेचं आयोजन करण्यात आलं आहे. देशात प्रथमच स्थापन केलेल्‍या सहकार मंत्रालयाचा पदभार स्वीकारल्‍यानंतर सहकार मंत्री अमित शहा प्रथमच महाराष्‍ट्रात आणि तेही सहकार चळवळीची पहिल्यांदा सुरुवात झालेल्‍या प्रवरानगर येथे येत आहेत. त्यामुळे या दौऱ्याला राज्याच्या दृष्टीने महत्व प्राप्त झालं आहे. केंद्र सरकारने सहकारी साखर कारखाने, नागरी सहकारी बॅंका यांच्‍या बाबतीत घेतलेल्‍या महत्‍वपूर्ण निर्णयांची अंलबजावणी सुरू झाली आहे. याशिवाय महाराष्‍ट्रात रुजलेल्‍या सहकार चळवळीच्‍या दृष्टीने मंत्री अमित शहा कोणती घोषणा करतात? सुरुवातीला देशातील सहकार मंत्रायलयावर शंका उपस्थित झाल्या होत्या, त्याला शहा काय उत्तर देणार? सहकार क्षेत्रातील सध्या गाजत असलेल्या विविध गैरप्रकारांच्या प्रश्नांवर ते काय बोलणार? आणि विशेष म्हणजे या सहकार मंत्रालयाची उपयुक्तता पटवून देताना कोणत्या नव्या घोषणा करणार? याकडे लक्ष लागलं आहे. भाजप नेते आणि विधानसभेचे विरोधी पक्षनेते देवेंद्र फडणवीस यांच्‍या अध्‍यक्षतेखाली होणाऱ्या या सहकार परिषदेला रेल्‍वे राज्‍यमंत्री रावसाहेब दानवे, अर्थराज्‍यमंत्री डॉ. भागवत कराड, भाजपचे प्रदेशाध्‍यक्ष चंद्रकांत पाटील, साखरसंघाचे अध्‍यक्ष जयप्रकाश दांडेगावकर, राज्‍य सहकारी बॅंकेचे चेअरमन विद्याधर अनास्‍कर, राज्‍य सहकारी पतसंस्‍था फेडरेशनचे अध्‍यक्ष काका कोयटे यांच्‍यासह सहकारी चळवळीमध्‍ये काम करणारे मान्‍यवर तसंच खासदार, आमदार आणि सहकारी संस्‍थांचे पदाधिकारी उपस्थित राहणार आहेत. पद्मश्री डॉ. विठ्ठलराव विखे पाटील सहकारी साखर कारखान्‍याच्‍या कार्यस्‍थळावर सहकार परिषद आणि शेतकरी मेळाव्‍याची तयारी करण्यात आली आहे. यासाठी भव्य सभामंडप, व्‍यासपीठ, उभारण्यात आलं असून २० ते २५ हजार सहकारी चळवळीतील कार्यकर्ते उपस्थित राहतील असं नियोजन करण्यात आलं आहे. यासोबतच पद्म पुरस्‍काराने सन्‍मानित झालेले जिल्ह्याचे भूमीपुत्र पोपटराव पवार आणि राहीबाई पोपेरे यांचा गौरव करण्यात येणार आहे. दरम्यान, डॉ. विठ्ठलराव विखे पाटील साहित्‍य जीवन गौरव पुरस्‍काराने सन्‍मानित झालेले डॉ. रमेश धोंडगे, डॉ. तारा भवाळकर यांचाही सन्मान करण्यात येणार आहे. खासदार डॉ.सुजय विखे पाटील यांच्‍या नेतृत्‍वाखाली या संपूर्ण सोहळ्याचं नियोजन करण्यात आलं आहे. जिल्ह्यातील भारतीय जनता पक्षाचे कार्यकर्ते, प्रवरा परिवाराच्‍या वतीने या सहकार परिषदेच्‍या नियोजनासाठी विविध समित्या स्थापन करण्यात आल्‍या आहेत.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,
Posts
0 Comments: