घरासमोर खेळणाऱ्या सहा वर्षीय चिमुकलीवर परप्रांतीयाकडून अत्याचार; नागरिकांनी दिला चोप

December 30, 2021 Marathi 0 Comments

औरंगाबाद : औरंगाबादच्या वाळूज भागात चीड आणणारी घटना समोर आली आहे. रांजणगाव शेणपुंजी येथे घरासमोर खेळणाऱ्या एका सहा वर्षीय चिमुकलीवर अत्याचार केल्याची घटना मंगळवार २८ डिसेंबर रोजी दुपारी साडेतीन वाजेच्या सुमारास घडली. याप्रकरणी आता पोलिसांनी आरोपीला अटक केली असून, हा तेलंगाणा राज्यातील असल्याचे समोर आले आहे. मिळालेल्या माहितीनुसार, औरंगाबादच्या वाळूज परिसरातील रांजणगाव येथे किरायाच्या घरात राहणाऱ्या कुटुंबातील सहा वर्षीय चिमकुली तिच्या बहिणीसोबत घरासमोर खेळत होती. यावेळी शेजारी राहणारा तुकाराम परसराम जाधव ( वय ४५, रा. उर्मी जिल्हा आदिलाबाद तेलंगाणा ) नराधमाने गल्लीत खेळणाऱ्या या चिमुकलीला उचलून घरात नेले व तिच्यावर अत्याचार केला. यावेळी त्या चिमुकलीने आरडा ओरडा केला असता तिचा आवाज ऐकून तिची आई घराबाहेर आली. त्यावेळी बाहेर खेळत असलेली चिमुकली तेथे दिसली नाही. त्यामुळे शेजाऱ्यांना माहिती देत शोधाशोध सुरु केली. यावेळी बाजूलाच असलेल्या मुलीचा आवाज आल्याने त्या घरासमोर गेले असता, घराचा दरवाजा बंद होता. नागरिकांनी दरवाजा तोडला व आरोपी जाधव याला चोप देऊन पोलिसांच्या स्वाधीन केले. यावेळी पोलिसांनी आरोपीला न्यायालयात हजर केले असता त्याला चार दिवसांची पोलीस कोठडी सुनावली आहे. या प्रकरणी वाळूज एमआयडीसी ठाण्यात गुन्हा दाखल करण्यात आला असून, पुढील तपास उपनिरीक्षक संदीप शिंदे हे करत आहेत. नागरिकांनी दिला चोप... मुलगी घराबाहेर दिसत नसल्याने पिडीत मुलीच्या आईने शेजाऱ्यांना आवाज देत तिला शोधण्याचा प्रयत्न केला. यावेळी परिसरातील नागरिक सुद्धा जमा झाले होते. त्याचवेळी आरोपी जाधवच्या घरातून मुलीचा आवाज आल्याने नागरिकांनी त्याच्या घराकडे धाव दरवाजा वाजवला. पण जाधव दरवाजा उघडत नसल्याने नागरिकांनी दरवाजा तोडत मुलीची सुटका केली. यावेळी संतप्त झालेल्या नागरिकांनी त्या नराधमाला चांगलाच चोप दिला, त्यांनतर त्याला पोलिसांच्या ताब्यात देण्यात आले.