कर्णधारपद सोडल्यानंतर आता विराट घेणार निवृत्ती? क्रिकेटपटूच्या दाव्याने चर्चांना उधाण

November 10, 2021 Maharashtra , Marathi 0 Comments

दुबई । सध्या दुबईत टी 20 वर्ल्डकप सुरू असून भारतीय टीमचे आव्हान संपुष्टात आले आहे. यामुळे सध्या कोहलीवर टीका होत आहे. त्याच्या कर्णधारपदाचा हा शेवटचा सामना होता. त्याच्याकडून अनेकांना अपेक्षा होत्या. मात्र त्याला वर्ल्डकप जिंकता आला नाही. पाकिस्तान आणि न्यूझीलंडविरुद्धचे सामने गमावल्यानं भारताला उपांत्य फेरी गाठता आली नाही.

आता विराट कोहली टी-२० मध्ये भारताचे नेतृत्त्व करताना दिसणार नाही. कोहलीने कर्णधारपद सोडले असताना आता पाकिस्तानचा माजी गोलंदाज मुश्ताक अहमदने एक दावा केला आहे. यामुळे आता चर्चा सुरू झाली आहे. कर्णधारपद सोडल्यानंतर तो टी-२० क्रिकेटमधूनही निवृत्ती जाहीर करेल, असे त्याने म्हटले आहे.

विराट कुटुंबाला प्राधान्य देतो, तो टी-२० विश्वचषक स्पर्धेनंतर नेतृत्त्व करणार नाही. तो क्रिकेट खेळणंही सोडेल. त्याला एक मुलगी देखील आहे, असे मुश्ताक याने म्हटले आहे. तसेच कोहलीचे लक्ष आता एकदिवसीय आणि कसोटी क्रिकेटवर असेल.

तो तिथे मोठमोठे विक्रम रचेल. तो संपूर्ण लक्ष आता तिथेच केंद्रीत करेल, असेही त्याने म्हटले आहे. यामुळे आता विराट नेमका काय निर्णय घेणार याकडे सर्वांचे लक्ष लागले आहे. कोहलीच्या नावावर एकाही आयसीसी स्पर्धेचे जेतेपद नाही.

तसेच टीम इंडिया बीसीसीआयमुळे दोन गटांत विभागली गेल्याचा दावा पाकिस्तानचा माजी कर्णधार इंझमाम-उल-हकने केला आहे. तो म्हणाला, विराट कर्णधारपद सोडणार असल्याची बातमी आधी आली होती. मग बीसीसीआयने त्या वृत्ताचे खंडन केले.

या सगळ्या गोंधळात शेवटी कोहलीला कर्णधारपद सोडावे लागले. यावेळी टीम इंडिया मुंबई आणि दिल्ली अशा दोन गटांत विभागली गेली आहे, असेही हक म्हणाला. आता कर्णधारपद सोडल्यानंतर नवीन कर्णधार कोण होणार याकडे सर्वांचे लक्ष लागले आहे.

दरम्यान, रवी शास्त्री टीम इंडियाचा निरोप घेत असताना भारतीय संघांच्या ड्रेसिंग रुममधील वातावरण भावूक झाले होते. यावेळी रवी शास्त्रींनी गोलंदाजी प्रशिक्षक भरत अरुण आणि क्षेत्ररक्षण प्रशिक्षक आर. श्रीधर यांना मिठी मारली.

Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,